Josua 15

1Juda dɔkku ale jam bo tɛŋka kabi tii la ale nna: A nyini yeseoku geŋsa tɛŋka a doa a ta ga paari ka Zin Sagi a ta ga nye bain ale Edom tɛŋka.

2Tɛŋka de a jam doa ka dila a ta ga paari Yesa Nyakpiemu, 3a zaani Akrabbim a gilim taam paari Zin. A zaani Kades Barnea a ta ga paari Ayeziron ale Addar a ta cheŋ Karka, 4a ŋman zaani Azmon a va buboalika a nye bain ale Ejipiti beli a ga paari Nyakpiemu la, banni ale kpeglim juijui la a ni la. Bain dii ale bo Juda yeseoku geŋsa la a ni la.

5Kori geŋsa tɛŋ banni jam boka Yesa Nyakpiemu a ga paari Jodan benni nyiamu chali a siŋ du la. Yeseoku me tɛŋ banni a nyini ka dula, 6a ga va Bet Yogla pimpitiŋku ale bo Jodan viaka jigini la. A ŋman zaani a va Boyan Piuŋku. Boyan jam ka Aruben nidoabili. 7Tɛŋbain dii Debir la a taam ga va ka Achor Viaka a ta ga paari Gilgal tɛŋka kauk kuui ale tuk Adummim buboalika nyiŋla. Ka jam va ka dula a ga paari En Sɛmes a taam ga nyini En Arogel. 8A ga va Ben Yinnom Viaka kauk kuui ate Jebus demma tɛŋka Jerusalem a jam bo la. Tɛŋka bani a jam ga va ka guuku zuk yeniŋ geŋsa Yinnom Viaka ale va yeseoku geŋsa me a cheŋ Arefaim Viaka. 9A zaani dula bani a jam cheŋ paari ka Neftoa belaŋa ale tɛŋ sii ale moata Efron guuku la a yaa ba cheŋ Baalaya yaase, Kiriat Jearim. 10A ŋman nyini Baalaya yeniŋ geŋsa a cheŋ Edom tɛŋka ale bo guuku zuk la, a ŋman zaani yeseoku a duŋ Jearim yaase, Kesalon Guuku a siŋ Bet Sɛmes a ga paari Timnaya. 11Tɛŋ banni a ŋman zaan dula Ekron guuku ale bo yeseoku la, a viriŋ va Baalaya Guuku a ta ga paari Jabneel. Tɛŋ banni a jam kpeglim ka nyakpiemu.

12Kuui ale chim yeniŋka ban. Dula jigini me ale Juda dɔkku a boro la Kaleb a nak yik Yebron ale Debir tɛŋsaŋa

13Ase Naawen ale weeni Josua diila, Juda tɛŋka kauk ba jam pai te ka Kaleb Jefunne biika, wa jam tuesi ka Yebron tɛŋka. Yebron yuei a jam le Kiriat Arba. Anak a jam le ba ko. 14Kaleb a jam yiak Anak ŋaaŋbisaŋa kama ate ba nyini tɛŋka po a nyini. Ba buuni abe le Sesai ale Ayiman ale Talmai. 15A nyini dula wa yaa ŋman cheŋ ga nye kpaliŋ ale nuru baai ale bo Debir tɛŋka po la. Tɛŋka dɛ ba jam a wi ka ayen ka Kiriat Sefer. 16Kaleb a weeni ayen, <<Mi ale pai m liewa Aksa a yalisi nuru waai ale a nya pagrim Kiriat Sefer tɛŋka zuk la.>> 17Kenaz nidoabinni Otniel, Kaleb yuawa a yaa nak yik ka, ate Kaleb a pai wa liewa Aksa a yalisi wa.

18Yalika danni Otniel a yaa weeni liewa ayen wa bek wa kowa ate wa te wa tɛŋ. Wa yaa nyini wa bonika zuk a siŋ, ate Kaleb a yaa bek wa ayen, <<Ka boa ate fi a yaali?>> 19Ate liewa a tulisi ayen, <<Sak jiirim ale mu, ase fi ale te mu tɛŋ Negev po la, bu te mu bulik kaai ale ta nyiam la mɛ.>> Kaleb yaa te wa bulik sii ale bo pimpitini zuk ale viaka po la.

20Tɛŋ sii ate Juda dɔkku a jam so a ale nna.

21Tɛŋ sii ale yalima a bo sagi geŋsa ate ba soa ate si moata Edom la ale nna Kabzeel ale Eder ale Jagur, 22ale Kina ale Dimona ale Adada 23ale Kedes ale Yazor ale Itnan 24ale Zif ale Telem ale Bealot 25ale Yazor Yadatta ale Keriot Ayeziron, yaase Yazor 26ale Amam ale Sɛma ale Molada 27m sila me ale Yazar Gadda ale Yesmon ale Bet Pelet 28ale Yazar Sual ale Beerseba ale Biziotia 29ale Baalaya ale Iim a ga pai Ezem 30ale Eltolad ale Kesil ale Yorma 31ale Ziklag ale Madmanna ale Sansanna 32ale Lebaot ale Silyim ale Ain ale Arimmon. Si le tɛŋ sii meena ale jam kala moata si la meena a jam gum chaab a paari ka tɛŋsa pisiye ale neok.

33Tɛŋ sii ale bo guuku zuk la ale nna. Estaol ale Zoraya ale Asna 34ale Zanoaya ale En Gannim ale Tappua ale Enam 35ale Jarmut ale Adullam ale Soko ale Azeka 36ale Saaraim ale Aditaim ale Gedera, yaase Gederotaim. Si jam ka tɛŋsa pi ale sinaansi a gum chaab ale sii ale kala moata ba la.

37Nsila me ale Zenan ale Yadasa ale Migdal Gad 38ale Dilean ale Mizpa ale Jokteel 39ale Lachis ale Bozkat ale Eglon 40ale Kabbon ale Lamas ale Kitlis 41ale Gederot ale Bet Dagon ale Naama ale Makkeda. Si meena a jam gum chaab ale tɛŋ sii ale kala moata ba la a paari ka pi ale siyuebi.

42Si gela me ale Libna ale Eter ale Asan 43ale Ipta ale Asna ale Nezib 44ale Keila ale Akzib ale Maresa. Sila me a jam ka tɛŋsa neok a gum chaab ale tɛŋ sii ale kala moata ba la.

45Ekron ale ka tɛŋ fiiksaŋa 46ale tɛŋ sii meena ale moata Asdod a ta nyini Ekron a ta ga paari nyakpiemu. 47Asdod ale Gaza ale ba tɛŋ fiiksaŋa me a jam kala paari ka buboali kaai ale moata Ejipiti la a cheŋ nyakpiemu nɔi.

48Guuku zuk tɛŋsaŋa ale Samir ale Jattir ale Soko 49ale Dannaya ale Kiriat Sannaya, yaase Debir, 50ale Anab ale Estemo ale Anim. 51Gosen ale Yolon a yaa pai Gilo a gum du a nye tɛŋsa pi ale kanyi ale tɛŋ fiik sii meena ale kala moata ba la.

52Nsila me abe le Arab ale Duma ale Esan 53ale Janim ale Bet Tappua ale Afeka 54ale Yumta ale Kiriat Arba, yaase Yebron, ale Zior. Si ka tɛŋsa neok a gum chaab ale tɛŋ sii ale kali moata ba la.

55Si gela me ale Maon ale Karmel ale Zif ale Jutta 56ale Jezreel ale Jokdeam ale Zanoaya 57ale Keen ale Gibea ale Timnaya. Si me a jam ka tɛŋsa pi ale gu chaab ale tɛŋ sii ale kali moata ba la.

58Si chaab me ale Yalyul ale Bet Zur ale Gedor 59ale Maarat ale Bet Anot ale Eltekon. Tɛŋsa siyuebi ale si me a gum chaab ale tɛŋ fiik sii ale kala moata ba la.

60Kiriat Baal, yaase Kiriat Jearim, ale Arabba, tɛŋ kpiensa siye ale si tɛŋ kpaŋsa a gilim ba.

61Gɔnni po me tɛŋsaŋa ale Bet Araba ale Middin ale Sekaka 62ale Nibsan ale tɛŋ kaai ale ta yesaŋa la ale En Gedi. Si me ka siyuebi a gum chaab ale tɛŋ sii ale kala gilim ba la.

63Alege Juda demma an jam baga a yiak ate Jebus demma baai ale bo Jerusalem po la a nyini ya. Jebus demma a diem boro ale Juda demma kama.

Currently Selected:

Josua 15: BWU

Highlight

Copy

Compare