Azaya 20

1Bein dii po ate Naab Sargon Assiria naawa a tom wa tugurik tɔŋdɔma kpagni ate wa ga siti a nak yiak Asdod tɛŋka la. 2Va ŋala po, Naawen a jam biisi ale Amoz nidoabinni Azaya ayen, <<Yeeri fi boorik garukku fi nyiŋka po ale fi nuesaŋa fi naŋsaŋa po.>> Ate wa nye dila, a gilim chaboala ale naŋta bie.

3Naawen yaa weeni ayen, <<Ase mi tomteerɔwa Azaya ale cheŋ chaboala ale naŋta bie bena ŋata la ase daana ale wa dii ale sak chum po wari la a ta chaab ale Ejipiti ale Kus tɛŋsaŋa. 4Dila Assiria naawa ale yik baai Ejipiti ale Kus la, bi paaluk ale ŋankpagsa, wa le ta ba cheŋ nyiŋbolinni ale naŋta bie ate ba butagkolaŋa a nya ate ku ta chivie a jam Ejipiti jigi. 5Baai ale ta sebchakka ale Kus ale baai ale a kuulim Ejipiti nyiŋla, yɔgsum ale yik ba ate ba jo chivie po. 6Dai dila danni, nuru baai ale bo nyakpiemu nɔi la ale weeni ayen, <Nya dii ale jam baai ate ti ta yiila ale ba ayen ba ale maari ti abe ba vari ti a basi a nyini Assiria naawa nisa po la. Ti ale nye ka sɛ a chali be?> >>

Currently Selected:

Azaya 20: BWU

Highlight

Copy