Yosea 3

1Naawen a jam weeni mi kama ayen, <<Cheŋ, a ga ŋman sak fi yaalika ale fi powa, ba yaali wa kama a nya ate wa ŋman chim kaboŋ nyeerik. Yaali wa ase Naawen ale a yaali Izirali demma diila, ba a nya ka wen yona ale a yaali yɔn weleŋsa maasa.>>

2Ate mi a jam pai kpana ligbie dobrim pi ale ŋanu ale barli boorik ale geli a da wa. 3Mi yaa jam weeni wa ayen, <<Fi ale bo ale mi nna daa yegayega. Fi an magsi ayen fi chim taabuga yaase nuru a nyigsi fu, ate m le bo ale fu.>>

4Daa yegayega ate Izirali demma ale boro alege ka naab yaase nabiiga ale kaabka yaase tain weleŋsa ale garuk geli yaase bɔgluwa. 5Dila ŋaaŋnyiŋ Izirali demma ale gisi Naawen ba Wenni ale Deevid ba naawa jigi. Ba ale jam Naawen jigi ale nyiŋ gɔkka ale wa niauŋku jigi da kpeglimaŋa po.

Currently Selected:

Yosea 3: BWU

Highlight

Copy

Compare