Ezekiel 15

1Naawen yaa biisi ale mi ayen, 2<<Saalɔ biiga, tunuk dabi a gaam ti sii meena ale bo gɔnni po la daataŋa? 3Fi baga a pai tunuk dabi a nye jaaboa? Fi baga a pai a nye kpaasiri a yik jaab du? 4Ase ba dan pai tunuk dabi a yuk basi bolim po ate bu dɛ kaabta buyewa jam suŋsuŋka po a dɛ, fi baga a pai a nye jaaboa. 5Diokku ale chim pumi la, ba an baga a pai nye jaaboa. Bolim abe dan dɛ ku meena ba kan baga a pai ku a nye jaaboa.

6<<Dila nyiŋ Nyɔnɔwa Naawen ale biisi diila ale nna. Tiisaŋa meena ale bo gɔnni po la mi pai ka tunuk dabi a te magsi bolim. Ku ka dila dek ate mi pai nuru baai ale bo Jerusalem la a te 7abe tulim ta chaab ale ba. Ba va ka bolim yeŋ po nyini alege bolim ale diem dɛ ba kaasi, m dan tulim ta chaab ale ba, ni le seba ayen mi ka Naawen. 8M le basi ate tɛŋka doa koruk dii nyiŋla ba ka siaka. Nyɔnɔwa Naawen ale weeni.>>

Currently Selected:

Ezekiel 15: BWU

Highlight

Copy

Compare