2 Jon 1

1À nyak mu chəh à ndâ Fùyèn, ha wùt ywen we a Yènfù chwoka wûn ghê wana wuna ghe a mu kòŋà hamok. À kòŋà wi kə mu, nâ ghɨt à jɨ̀m ghe a ghɨ khə gha ye a yi mô hamok boŋa kôŋàlò ghɨna. 2Mu kòŋà ghàn beka hamok ye a yì mò a ghàhnà fùtɨ̂n, mô hi faŋ hi tè mò kə yi mô. 3Bâba Yènfù ghê Jisòs Klistù, Wan ghê Bì chwuti təm a jûŋà nì kwohi seni nì yutìnì nì kôŋì hamok ha ghàhnà.

Kôŋì nì gha ye a yi mô hamok

4Mu saŋlê nâ haŋaŋ te mu yena mwəlà mâ mùlè, ghɨ nê kə gha ye a yi mô hamok kə yi ghəl te Bì tì jìsa ha ghàhnà. 5Wùt ywên, mu wu hì jîsà ha wò chin na, mu fo wi sak yi fe ha wò, à mò kə ye a ghàhnà khə kə nâ a yìmi. Mu jîsà na ghàhnà hi kôŋà ngɨŋsu ghàhnàsu. 6Kàntè yì kòŋ mò a wu yu afa ghàhnà nè te saktu Fùyèn tù jìsà. Saktu wun tu mô na, ghàn hi gbê kə a fùtɨ̂n à yì kòŋ kə yi ghəl te ghàn hì mò ma ghàn tî yû a yìmi. 7Ghɨt a fəma ti fwu hì gbê chyâlà a mbyî, dô kə ni, bime wi na Jisòs Klistù tì bên a mbyî wu wùn wu wûtù. Nâbi nde a fùtɨ̂n à ghɨt afân mò bànà Klistù, lehe à ghɨ̂t. 8Ghàn hi tôknè kə ghàn nê lə̀si shyə ghe ghàhnà fèta, khɨŋa hi khɨtî. Ghàn hi bɨlà khɨŋa lumu hi khɨte maktu tɨnu kə wù jɨ̀m. 9Nâbi nde we a wù nyiŋa yênà ashyə̂, chyə̂ wi kə te yikî Klistù chwùtè wijə ghê Yènfù, ma à hì mô nâbi nde chyə kə a fùtɨ̂n à yi yikî Klistù, ma wù hi mô ghe Bì fê mô kəbi ghê Wan. 10À ki bên nâbi nde ha ghàn hì yike wi yikî mi yîn, kə ghàn fyi wûn a ghàn a sù ndâ, kə ghàn fati toŋti nâbi ha wûn. 11À fate toŋti nâbi nde ha wûn, ma wù hi mô ghê wûn nê fêt tu wun tu gha a be tê ghê wûn amok.

Hi gòkhì

12Mu kəta a gha hi jìs ha ghàn, ghɨ dô kə ni, biyani mu kôŋà wi hi nyàk yi nyâk. Mu bɨlà kwàktèlò hi jikte ghàn hi jìs kə nâ ha ghàn nì ngɨŋ à mì, shyəma saŋlî ghàhnà kwok à kpen. 13Wana jàmtù wâ ghe Yènfù chwoka, ti chinhi toŋtînì ha wò.

Currently Selected:

2 Jon 1: bmv

Highlight

Copy

Compare

Want to have your highlights saved across all your devices? Sign up or sign in

Learn More About Ŋwàklù Fùyèn Kàn Mù Fê (Cameron)

Popular Bible Verses from
2 Jon 1

Listen to 2 Jon 1

Video for 2 Jon 1

Ahavah / Love—Segment 1

BibleProject

2 Jon 1

Popular Bible Verses from
2 Jon 1

Listen to 2 Jon 1

Video for 2 Jon 1

Ahavah / Love—Segment 1

Bible:

Bum

Version: Ŋwàklù Fùyèn Kàn Mù Fê (Cameron) - bmv

2 Jon 1

2 Jon 1

Popular Bible Verses from 2 Jon 1

Listen to 2 Jon 1

Video for 2 Jon 1

Ahavah / Love—Segment 1

Bible:

Bum

Version: Ŋwàklù Fùyèn Kàn Mù Fê (Cameron) - bmv

2 Jon 1

Popular Bible Verses from
2 Jon 1