Уэрэд 1
1
1-нэ Уэрэд
Тхьэм игу ирихь цӀыхур
Даут и уэрэд
1Гъуэгу махуэ теуващ
цӀыху бзаджэнаджэхэм емыдаӀуэр,
гуэныхьыщӀэхэм я гъуэгу иримыкӀуэр,
Тхьэр зыгъэпудхэм
я зэӀущӀэ хэмысыр.
2Ар зыгъэгуфӀэр Зиусхьэным и хабзэщ,
Абы и хабзэм жэщи махуи йогупсыс ар.
3ПсыжапӀэм щыхаса жыгым хуэдэщ ар,
къыпыкӀэр и пӀалъэм хъууэ,
и тхьэмпи мыгъуалэу;
сыт хуэдэ Ӏуэху ищӀэми,
абы къохъулӀэ.
4ЦӀыху бзаджэхэр абы хуэдэкъым;
жьыбгъэм щӀым щызэрихьэ
сабэм хуэдэщ ахэр.
5Абы къыхэкӀкӀэ цӀыху бзаджэхэр
Тхьэм и хьэкумым хей щыхъунукъым.
Тхьэм хуэщыпкъэхэм я зэӀущӀэм
увыпӀэ щаӀэнукъым гуэныхьыщӀэхэм.
6Сыту жыпӀэмэ Зиусхьэныр
зи гум щыпкъагъэ илъхэм я гъуэгу щыгъуазэщ,
ауэ цӀыху бзаджэхэм я гъуэгур кӀуэдыпӀэщ.
Currently Selected:
Уэрэд 1: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
