Kedhø 3

Cwøli Mosɑ̀ yi Jwøk

1Mosɑ̀ ɑ́bëëd e kwɑy-ɑ dyëgi Yethrø øre, ókwëri Midyɑn, kɑ dyëg køøle løøg ryɑng tung-ɑ kyeelø, kɑ wɑ̈dh-ɑ wïj Kïti Sinɑy, Kïti Jwøk. 2#Gwøg 7.30-34 Kɑ wëywöni Jwøng-ɑ Ácwɑ̈ɑ̈j ocwöbø kì bøle kì kunɑni kì yij mɑc kì ri nyɑ kïrø, nyɑ kïrɑni ɑ́lidhe e olyelø, de pɑ rɑ̈bbi. 3Kɑ Mosɑ̀ okööbø kinni, “Wiy yɑ töng-ɑ be lïdhø ki gïn-ɑ bëëdø kinni, ede nyɑ kïrø ɑ lyele e pɑ rɑ̈bbi?”

4Keny-ɑ ɑ́lidhii yi Jwøng-ɑ Ácwɑ̈ɑ̈j kinni ɑ́töngi be lïdhø, ɑcwøle gøn cwɑgge kɑ̈ɑ̈l-ɑ yij nyɑ kïrø, kinni, “Mosɑ̀! Mosɑ̀!”

Alöggi Mosɑ̀ kinni, “Yɑn èn.”

5Kɑ okööbø kinni, “Yï ko nyïngi keny, kɑ̈ɑ̈l wɑrrí wɑ̈g kì tyellí, kipe keny-ɑ di yïn èn bɑ ɑkwër.” 6Codhe, ɑkööbe kinni, “Yɑ bɑ Jwøøg kweyyí, Jwøøg Abrɑhɑm, kí Isɑɑk, kí Yɑgob.” Kɑ Mosɑ̀ nyinge kume, mɑ́ e ɑ́bwøg ki nenni yï Jwøk.

7Codhe, ɑkööb Jwøng-ɑ Ácwɑ̈ɑ̈j kinni, “Orɑng men-ɑ rɑngi yi jiɑ kì Rïp ɑ́lidh yi yɑn, kɑ ywøøg gen wɑ̈nh-ɑ yïɑ, guun-ɑ guud nyingi gen ngɑ̈nyi yi yɑn. 8Abëënɑ piny be yieli gen kì cinggi tyëng Rïp, o ge kɑ̈ɑ̈lɑ wɑ̈g kì pinyɑni, o ge kïdhɑ piny me døj, o lɑɑj, piny me yije mulli yi cɑg geki møøw kïc, keny-ɑ bëëd yi tyëng Kɑnɑɑn, kí tyëng Kit, kí tyëng Amör, kí tyëng Perïdh, kí tyëng Kib, kí tyëng Yebus. 9Anɑn ywøøg tyëng Isrɑil ɑ́wɑ̈nhi yïɑ, o guun-ɑ guud nyingi gen yi tyëng Rïp, ɑ́lidh yi yɑn. 10Anɑn yï örɑ’ yï rɑ̈ɑ̈dh Rïp, o jiɑ kɑ̈ɑ̈l yi yïn wɑ̈g kì pinye.”

11Kɑ Jwøk köbbi yi Mosɑ̀ kinni, “Yɑn ɑ́ men, ɑ kedhɑ yï rɑ̈dh, kɑ tyëng Isrɑil kɑ̈ɑ̈lɑ wɑ̈g kì Rïp?”

12Alöggi Jwøk kinni, “Yɑ ócyɑ̈dhi ki yïn, o keny-ɑ ókɑ̈ɑ̈l jiɑni wɑ̈g kì Rïp, yɑ ómɑlli yi wun kì wïj kït men. Menɑni óbëëd ɑ́ ngïji kinni yɑn ɑ ɑ́ör yïn be kɑ̈ɑ̈li gen wɑ̈g kì Rïp.”

13 # Kedhø 6.2-3 Kɑ Jwøk köbbi yi Mosɑ̀ kinni, “Keny-ɑ ókedhɑ yï tyëng Isrɑil, kɑ ge köbbɑ kinni, yɑ ɑ́ör-ɑ yi Jwøøg kweyyi wun, okööb gen kinni nyinge ɑ́ men? Á ngø ɑ óköbbɑ gen?”

14 # Kedhø 6.2-3 Kɑ Mosɑ̀ köbbi yi Jwøk kinni, “Yɑ bɑ Yɑn.” Kɑ okööbø kinni, “Kedh, köbbí kwɑrri Isrɑil kinni, ‘Ngɑn-ɑ cwøl ɑ́ “Yɑ bɑ Yɑn” #3.14 “Yɑ bɑ yɑn” bɑ “Yɑwë” ki dhøg Ibru, o kì yij Wɑ̈nyi Kwërø, en ɑ bɑ Jwøng-ɑ Ácwɑ̈ɑ̈j.ɑ ɑ́ör yɑn yï wun.’ ” 15Kɑ Mosɑ̀ cigi köbbø yi Jwøk kinni, “Bene gen møg-ɑ óköbbí kwɑrri Isrɑil ɑgɑk, kinni, ‘Jwøøg kweyyi wun, Jwøng-ɑ Ácwɑ̈ɑ̈j, ɑ bɑ Jwøøg Abrɑhɑm, kí Isɑɑk, kí Yɑgob, en ɑ ɑ́ör yɑn yï wun, bene nyinge møg-ɑ ópɑɑrii ɑnɑn, kì ri rïny kí rïny, gïti ɑtheer.’ 16Kedh kɑ jøgdøngi Isrɑil cøng, kɑ ge köbbí kinni, ‘Jwøøg kweyyi wun, Jwøng-ɑ Ácwɑ̈ɑ̈j ɑ́cwöb kì bølɑ, eni Jwøøg Abrɑhɑm, Jwøøg Isɑɑk, Jwøøg Yɑgob. Kɑ okööbø cem e bëën-ɑ be këëmi wun, o orɑɑng wun kì Rïp ɑ́lidh yi en.’ 17Kɑ okööbø kinni, ‘Wu ókɑ̈ɑ̈lɑ wɑ̈g kì yij orɑng-ɑ rɑngi yi wun kì Rïp, o wu kïdhɑ piny tyëng Kɑnɑɑn, kí piny tyëng Kit, kí piny tyëng Amör, kí piny tyëng Perïdh, kí piny tyëng Kib, kí piny tyëng Yebus; wu ókïdhɑ piny me yije mulli yi cɑg geki møøw kïc.’

18“Kwøbbí ólïngi yi jøgdøngi Isrɑil. Kɑ wu kedhu yï rɑ̈ɑ̈dh Rïp wuki jøgdøngi Isrɑil, kɑ köbbu kinni, ‘Jwøøg tyëng Ibru, Jwøng-ɑ Ácwɑ̈ɑ̈j, ɑ́bï be këëmi wøn, kɑ wø cwøle kinni kedhi wøn yij pɑ̈l keny me cɑɑdh ki cyɑ̈ng ɑ́dɑ̈g, o ngɑ̈ddi yi wøn ki gëdhhì kì kunɑni.’ 19De ngɑ̈nyi yi yɑn kinni rɑ̈ɑ̈dh Rïp pɑ yïëy ki kedhi wun, de óceg kɑ cïrri møgɑni. 20De cingɑ ócïbɑ ri Rïp, ógøj yi yɑn, kɑ göggɑ ki gïïngɑ̈ngø, o wu ógøny yi en cyee.

21 # Kedhø 12.35-36 “Wu ówëggɑ wørø yi tyëng Rïp kì bɑng gïn-ɑ ógöggɑ gen, o wu cög wu pɑ kedh ki cinggi wun. 22Tyëng-ɑ mɑ̈nni Isrɑil ókedhi yï mɑ̈nni Rïp møg-ɑ bɑ tyëng byëëg gen, geki møg-ɑ kɑ̈lli gïn bëëd yi gen, kɑ ge ócwöddø ki yëlli dhɑb kí yëlli ɑ́tegg, kí ógudh møg ruug wun nyigi wun, geki wɑ̈ddi wun, o jɑmmi Rïp kɑ̈l yi wun.”

Currently Selected:

Kedhø 3: shkDCB

Highlight

Copy

Compare