Popular Bible Verses from Kedhø 3

Share

Kɑ Mosɑ̀ köbbi yi Jwøk kinni, “Yɑ bɑ Yɑn.” Kɑ okööbø kinni, “Kedh, köbbí kwɑrri Isrɑil kinni, ‘Ngɑn-ɑ cwøl ɑ́ “Yɑ bɑ Yɑn” ɑ ɑ́ör yɑn yï wun.’ ”

Alöggi Jwøk kinni, “Yɑ ócyɑ̈dhi ki yïn, o keny-ɑ ókɑ̈ɑ̈l jiɑni wɑ̈g kì Rïp, yɑ ómɑlli yi wun kì wïj kït men. Menɑni óbëëd ɑ́ ngïji kinni yɑn ɑ ɑ́ör yïn be kɑ̈ɑ̈li gen wɑ̈g kì Rïp.”

Kɑ okööbø kinni, “Yï ko nyïngi keny, kɑ̈ɑ̈l wɑrrí wɑ̈g kì tyellí, kipe keny-ɑ di yïn èn bɑ ɑkwër.”

Codhe, ɑkööb Jwøng-ɑ Ácwɑ̈ɑ̈j kinni, “Orɑng men-ɑ rɑngi yi jiɑ kì Rïp ɑ́lidh yi yɑn, kɑ ywøøg gen wɑ̈nh-ɑ yïɑ, guun-ɑ guud nyingi gen ngɑ̈nyi yi yɑn. Abëënɑ piny be yieli gen kì cinggi tyëng Rïp, o ge kɑ̈ɑ̈lɑ wɑ̈g kì pinyɑni, o ge kïdhɑ piny me døj, o lɑɑj, piny me yije mulli yi cɑg geki møøw kïc, keny-ɑ bëëd yi tyëng Kɑnɑɑn, kí tyëng Kit, kí tyëng Amör, kí tyëng Perïdh, kí tyëng Kib, kí tyëng Yebus.

Kɑ wëywöni Jwøng-ɑ Ácwɑ̈ɑ̈j ocwöbø kì bøle kì kunɑni kì yij mɑc kì ri nyɑ kïrø, nyɑ kïrɑni ɑ́lidhe e olyelø, de pɑ rɑ̈bbi.

Anɑn yï örɑ’ yï rɑ̈ɑ̈dh Rïp, o jiɑ kɑ̈ɑ̈l yi yïn wɑ̈g kì pinye.”