Liib 24
24
Lɛmbär luaak Kuɔth
(Ɣöth 27:20-21)
1Cu Kuoth Nhial Muthɛ jiök, 2ruacni kɛ ji̱ I-thɛ-rɛl i̱, “Bä ji̱ nöŋ liɛɛth mi kök kök mi nhiackɛ kä Ɔ-lip kɛ kui̱ lɛmbärä, kɛ ɣöö dëë macdɛ dɔap a /cɛ li̱w. 3Bi Ä-ron kɛ dɔp kɛ thiaŋ bikɛ dɔap mäni runwaŋ a /cɛ li̱w nhiam Kuɔth Nhial, raar gëëlä rɛy kɛmɛkä ro̱mä kɛ Kuoth Nhial Kuɔth Nhial, ba ɛn ciaŋ kä kuaykun diaal. 4Bɛ lɛmbär jak kä pɛtdɛ rɛy yio̱mä dääpädɛ min la cuŋɛ thi̱n nhiam Kuɔth Nhial a /cɛ li̱w.”
Juray mi ca la̱th nhiam Kuɔth
5“Kä bi rɔ moc nup mi kök kök, kä biɛ bul jurayni wäl rɛw, bi juray kɛl te liɛr nuɔ̱p. 6Kä bikɛ car kɛ bëër rɛw, te ber ɔ kɛ bäkɛl wi̱i̱ thaac dääpä. 7Kä bi ber ɔ moc kɛ wal ti waŋkɛ, dɔ̱ŋ dëë kɛ wä kɛ kɛ juray ala luur ti̱mä mi̱eth kä Kuoth Nhial. 8Kä bi Ä-ron mac lɛmbärä la dɔp kɛ bärɔw ni̱ni nhiam Kuɔth Nhial kɛ kui̱ ji̱ I-thɛ-rɛl ala ŋuɔ̱t mi do̱raar. 9Ɛn juray ɛ duŋ Ä-ron kɛnɛ gaatkɛ, kä bi kɛn ɛ cam guäth in rɛl gɔɔydɛ rɔ, kɛ ɣöö ɛn nɛmɛ ɛ mi rɛl gɔɔydɛ rɔ kä muc ti̱mä Kuɔth, ɛ duŋ bööthni.”
Duäc raam mi yär ciöt Kuɔth
10Tëë kɛ gat nya I-thɛ-rɛl, mi gua̱n ɛ wut I-jëp, cuɛ wä kɛɛl kɛ rɛy ji̱ I-thɛ-rɛl, kä cuɛ nyiëëny kɛ raan I-thɛ-rɛl rɛy wec. 11Cu gat nya I-thɛ-rɛl ciöt Kuɔth kuëth kɛ lam, kä cua jɛ nöŋ Muthɛ, kä jɛn cɔalkɛ man i̱ Cɛ-lo-mith nya wutdä mi cɔal i̱ Di-bɛ-ri thok duëël Daan. 12Kä ba jɛ gaŋ, amäni ɣöö ci Kuoth Nhial kɛ nyuɔ̱th mɔ bi kɛn ɛ lät kä jɛ mɔ.
13Kä cu Kuoth Nhial Muthɛ jiök i̱, 14“Naŋ ni wut ɛmɔ raar rɛy wec. Kä kɛn nɛy diaal tëë ci jɛ liŋ a kuethɛ la̱thkɛ tetkiɛn wi̱i̱dɛ, kä a bökɛ ɛ duɔl nɛɛni diaal mäni lia̱a̱dɛ. 15Kä jiök ni ji̱ I-thɛ-rɛl i̱, ram ɔ bi Kuothdɛ Kuethɔ bi riɛkdɛ jëk ni jɛ. 16Kä ram ɔ bi ciöt Kuɔth ya̱r ɔ ba näk, ɛ raan I-thɛ-rɛl kiɛ ram mi cieŋ rɛydiɛn, ba bo̱k ɛ ji̱ dolä diaal mäni lia̱a̱dɛ. 17Kä ram ɔ bi raan näk ɔ ba näk bä. 18Kä ram ɔ bi le̱y näkɔ bɛ jɛ col, kɛ ɣöö ɛ tëk kɛ tëk. 19Kä ram wä radɔ̱diɛn moc kɛ buɔ̱t, ɛn nɔ cɛ lät kä ram ɛmɔ ba lät kä jɛ bä, 20mi cɛ raan töl ba jɛ töl, kä mi ɛ waŋ ran cɛ mutɔ ba waŋdɛ mut, kä mi ɛ ley ran cɛ ka̱m raar ɔ ba leydɛ ka̱m raar bä, pëkdɛ mɔ cɛ lät kä radɔ̱diɛn ɔ ba lät kä jɛ. 21Kä ram mi wä le̱y näk bɛ jɛ col. Kä mi wee näk ni raan ba jɛ näk. 22Kä bia tekɛ ŋuɔ̱t kɛl ja̱a̱ŋ kɛ ji̱ wec. Kɛ ɣöö ɛ ɣän Kuoth Nhial Kuothdun.”
23Mëë ci Muthɛ ruac ɛmɔ la̱t ji̱ I-thɛ-rɛl. Cukɛ ram min ci kue̱th naŋ raar rɛy wec, kä cukɛ jɛ bök kɛ dööl mäni lia̱a̱. Inɔ cu ji̱ I-thɛ-rɛl la̱t ni min ci Kuoth Nhial ɛ la̱r Muthɛ.
Currently Selected:
Liib 24: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
