Liib 12

La̱k ciek kɛ rɔ kɛ kɔr dapä

1Ɛ jɛn cu Kuoth Nhial Muthɛ ku jiök i̱, 2“Jiök ni ji̱ I-thɛ-rɛl i̱, Mi ci ciek ruët kä cɛ dap kɛ dhɔl /cɛ bi gɔaa kɛ ni̱n bärɔw, ce̱tnikɛ ni̱n thëkdɛ /cɛ bi gɔaa. 3Kä kɛ bädäk ni̱ni baɛn dhɔlɛ mɔ cuɛl. 4Kɛ kɔrɛ bi ɛn ciek liëp kɛ ni̱n ti jiɛɛn diɔ̱k wi̱cdɛ diɔ̱k kɛ ɣöö bɛ rɔ ku lɛ lak kä riɛm dapädɛ, /cɛ duɔ̱ɔ̱r kä tin rɛl gɔɔydiɛn rɔ bi gue̱r, kä /cɛ bi wä luaak Kuoth amäni mi ci ni̱n tin lakɛ rɔ thuɔ̱k. 5Kä mi wee dap ni nyal /cɛ bi gɔaa kɛ juɔkni da̱ŋ rɛw ce̱tnikɛ pëk thëkdɛ, kä bɛ liëp kɛ ni̱n ti jiɛɛn bäkɛl wi̱cdɛ bäkɛl kɛ ɣöö bɛ rɔ ku lɛ lak kä riɛm dapädɛ.

6“Ɛ jɛn, cäŋ in wä ni̱n la̱kdɛ kɛ rɔ wä thuɔ̱k, kɛ kɔr dapä kɛ dho̱o̱l kiɛ nyal, a jɛ nöŋ bööth palä thok kɛmɛkä ro̱mä kɛ Kuoth Nhial ruath dɛ̈ɛ̈l ro̱mä mi gur kɛl ala muc mi waŋkɛ kɛ dɔw kunnöörä kiɛ guuk ala muc dui̱rä. 7Kä bi bööth palä kɛ naŋ nhiam Kuɔth Nhial, kä bɛ kɛ cu luɛl ni jɛ, kä bɛ jɛ cu lak kä riɛmdɛ in lony. Ɛn nɛmɛ bɛ cua ŋot kɛ kui̱ ciek in wä dap kɛ dho̱o̱l kiɛ nyal. 8Kä mi cɛ ruath dɛ̈ɛ̈l ro̱mä bi luäŋ kɛ jëk, a jɛ nööŋ guɔ̱kni da̱ŋ rɛw kiɛ dɛy kunnööri da̱ŋ rɛw, bi kɛl a luur mi waŋkɛ, kä bi min dɔ̱ŋ a luur dui̱rä. Kɛn duɔ̱p ɛmɔ bi bööth palä jɛ cu luɛl, kä bɛ cua̱ mi gɔaa.”

Currently Selected:

Liib 12: nusNHB

Highlight

Copy

Compare