ETALEYEHINA 5
5
Olosobe iko Agagar onno Obobina 'to
1Egonyu nyia ni agagar ta hani iŋet lia, elle itoŋo 'to iseger ilohittok. Owoni nyia egierita jio omomite 'daŋ huno agagar ania, ninyia oduanyani te eduanyiti hattarik; 2ette ni igonyuna obo ajilo elettok ifiyo woŋ woŋ jio, “Ŋai ollo oremik 'to ifedeheny eduanyiti, ette iwalak agagar ania?” 3Ati obeŋ nyia tulo idou kuyya ifau kuyya hutto tua fau#5:3 hutto tua fau : amaji hayak. ollo oremik 'to iwalak agagar ania, ette imi atua honyi. 4Ayyoo nyia ni onno orroho bebe nyio, obeŋ nyia tulo onyuranio ollo osiru jihonyi iwalahiere agagar ania, ette imi atua honyi. 5Attati obo olo lahou jiaran jihoŋ, “Hèluaha! Imijie, Elemie otto woyo Yuda, ollo ohu 'to, ollo odetuno 'to to woyo Dafide; agalik inyi erre 'daŋ. Oremik inyi ifedeheny eduanyiti huna hattarik hunia, ette iwalak agagar ania.”
6Attati ni igonyuna Olosobe owotia ihiji maji anna awanari aseger ilohittok, buo asaŋ huna aŋuan hunne isui 'to iko lahou okudani inyi. Ara nyia Olosobe alia ihuo alla attohori. Owon nyia inyi iko amuarrak hattarik, buo oŋite hattarik; isi hunia oloholioo Hollum huna hattarik hunyia ifahini ifau 'daŋ. 7Olo nyia Olosobe, ette iduhuna agagar nyia ta hani iŋet lia linyia itoŋo 'to iseger ilohittok. 8Ninyia iduhu inyi agagar ania, ette asaŋ huna aŋuan hunne isui 'to 'daŋ iko lahou hula atomuana arrihai haŋuan irigoŋo ifau ihosiere Olosobe. Owoni nyia isi 'daŋ ababo iko adorri buo arranyi 'yeli hunne ifuti iko ottogoŋ, ninyia ara 'to emojiti waati Hollum. 9Idoli nyia isi afure aŋejuk jiojio:
“Osiru jihoi iduhuniere agagar ania,
itte ifedeheny eduanyiti honyi.
Nyio, ottohori nyia iyye; buo to nooto hoi, iyaŋuno nyia iyye jio Hollum,
aati to woi 'daŋ iko ta fauhien 'daŋ.
10 #
Eta 1:6
Ihanak iyye isi olobuore hehumak, igiamari jio Hollum.
Ilohittohi adi isi ifau.”
11Attati ni inyiak imi, ette ni itayiruna etuhe ajilohien hullo oluaji bebe, bebe, hullo owotia buo okudani ihiji, aseger ilohittok iko asaŋ hunne isui 'to buo lahou. 12Idoloi nyia isi woŋ woŋ jiojio:
“Osiru jio Olosobe linyia ottohori
ifuotuniere aduaran, asaman, elofioro, agolon,
olohuo, akuatan iko etahabuyo.”
13Etayiru nyia buo fe ni edolo hirre hunno oyyeuni 'daŋ; huttedou, hutta fau, hutto tua fau iko hutto tua hari enne ittokon…erre 'daŋ huno owoni 'to diya. Ojiori nyia isi jio:
“Hatawana 'tulaŋ 'tulaŋ, etahabuyo, olohuo, akuatan iko aduaran jio,
lia elle itoŋo 'to iseger ilohittok iko jio Olosobe!”
14Itarraŋi nyia asaŋ huna aŋuan hunne isui 'to jiojio, “Amen!” buo lahou ette irigoŋo ifau itahabuyere.
Currently Selected:
ETALEYEHINA 5: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
