ETALEYEHINA 4

Etahabuyo Ettedou

1Ihalu erre hunia, inyiak obo ariŋ ileyehino jihoŋ ihuo arigia, ette ni igonyuna obo ekat aŋaa lidou.

Attati ni itaniŋuna etuk, ninyia ikiana 'to jihoŋ ahosiere ihuo afuruju, ojio, “Waŋ ihide dini, etahutak adi ni iyye erre hunno ofuoi 'to luŋa iduoŋ ihalu erre hunia.” 2Teya teya, ette Oloholio inef ani, ette ni igonyuna aseger ilohittok owon lidou, buo obo atulo itoŋo diya. 3Opipiak nyia omom atulo lia ihuo amuoro enne egara iko anna ariet, buo atolohe onno opipiak egara okudak aseger ilohittok ania. 4Owoni nyia asegeri ilohittok atomuana arrihai haŋuan hunno okudani aseger ilohittok ania. Itoŋoi nyia lahou atomuana arrihai haŋuan jio asegeri hunia. Iyyafatie nyia isi aboŋojin abuoŋi iko egoriahien 'yeli ihossi hosi. 5#Eta 8:5; 11:19; 16:18; 1:4Ofuonni nyia emedehita iko etirita hilai, buo attorr hutuhe jio aseger ilohittok nyia, buo allomohien hattarik owulori ihosiere honyi. Arai nyia allomohien hunia oloholioo Hollum huna hattarik. 6Ihosiere aseger ania buo fe, ifut nyia obo ariŋ ihuo atafar gilas onno olibo lir lir ihua nafalaŋa.

Okudani nyia asaŋ aŋuan hunne isui 'to, aŋacio huno aseger ania. Ifuti nyia asaŋ hunne isui 'to hunia iko oŋite, ihosiere buo fe ihalu. 7Iyyalu nyia etteri elemie; buo etarrihi iyyalu attamot hiteŋ; buo etahunihi owon iko omom enne iyyalu omom tulo; buo etaŋuani iyyalu asollir elle iddarrata. 8Owoni nyia isi 'daŋ ababo iko ewwa ille ille hunne ifuti iko oŋite 'daŋ totto 'let iko totto tua hiwwa. Odulori nyia isi edolo afanni iko arue 'daŋ jiojio:

“Olibo, olibo, olibo Hollum Lamonye Laduarani,

linyia owon 'to, ollo owon 'to ihuania, ollo olo 'to ittuna.”

9Idoloi nyia asaŋ huna aŋuan hunne isui 'to, edolita huno akuatan iko huno etahabuta buo huno ahumo jio lia elle itoŋo 'to iseger ilohittok; lia, elle isu 'to 'tulaŋ 'tulaŋ. Elle idoloi isi ihuo nyia, 10buo lahou hula atomuana arrihai haŋuan ette irigoŋo ifau ihosiere lia, linyia itoŋo 'to iseger ilohittok, ette itahabuyo inyi, elle isu 'to 'tulaŋ 'tulaŋ. Ibirotiai nyia isi egoriahien hosi ifau ihosiere seger ilohittok, buo ojiori,

11“Lamonye iko Hollum hohoi! Osiru jihoi

ifuotuniere akuatan iko olohuo buo aduaran.

Nyio, iyye nyia iyyeu erre 'daŋ,

awanarik isi buo fe isui ta awahan hoi.”

Currently Selected:

ETALEYEHINA 4: EA2003

Highlight

Copy

Compare