ETALEYEHINA 20

Aŋasi Alif Abotie

1Attati ni igonyuna obo ajilo ottu tedou ollo oŋuahatio eŋanyit ono newure onno obeŋ esidi, buo fe oŋuahatio aririk hunno oddiŋi. 2Inefu nyia inyi anyamanit, amunu eberien, anna anya Erroho buo fe anya Sittan, ette ifitana inyi aŋasi alif abotie. 3Attati ajilo ipuasara inyi itua iwure onno obeŋ esidi, ette ihianana inyi, ette iduanyana rid rid jio ŋadi inyiak inyobio afauhien many ottubarik aŋasi alif abotie. Buo diya, ohohini adi luŋa inyi obo kai.

4Attati ni igonyuna asegeri ilohittok iko hia hinyia itoŋoi 'to ihide hosi. Isiori nyia jio aati hulia agolon iŋociere eram waati. Egonyu nyia buo fe ni oloholioo waati hunyia ottohori te ettittoyo hosi elahode ninyia italeyehi Yesu iko ekiana Hollum. Aati hulia hinyia obeŋi 'to itahabuye ahuanyani iko arrijiori honyi, buo fe obeŋi ifuotuni eherit honyi ihomomite hosi kuyya ihas hosi. Inyiahi isi isu, ette ilohittok iko Kristo aŋasi alif abotie. 5(Obeŋi nyia ayaak hullomuk ibuhuni many otuhorik aŋasi huna alif abotie.) Etteri itubuhuna hayaak ania. 6Hotomunohi buo fe hotoliborohi hia, hulle ihiananie 'to jio nebuhuna ania. Obeŋ naye etarrihi inyiak iwanan iko agolon jihosi. Arai adi isi ahehumak hulo Hollum iko Kristo. Ilohittohi adi isi iko Kristo aŋasi alif abotie.

Itatturi Sittan

7Alla atuhoi aŋasi huna alif abotie, ohohini adi Sittan to babus. 8Ilur adi inyi afau 'daŋ, enne iloŋoi Gok iko Magok, inyobiere atulo 'daŋ ta fau. Ottubak adi inyi atulo 'daŋ ifere. Oluaji adi isi ihua asuluŋayo otto otifor hari enne ittokon. 9Isarrari adi isi afau 'daŋ, ette ikolonia amaji onno ottubarik aati Hollum iko abore gala onno obuor ataji honyi. Ati, ottu adi neema tedou, ette ituk isi. 10Teya, iruoŋoni nyia Olorroho, linyia inyobio 'to aati, itua tafar hima iko itua hifuoto amunek onno owulo 'to ahima, amaji ninyia ibironierek ahuanyani iko ekianani enyabani ollo ojio 'to jio ekiana inyi eram Hollum. Diya, ittigemio adi isi 'tulaŋ 'tulaŋ, afanni iko arue 'daŋ.

Aŋocio Hiram Esidi

11Attati ni igonyuna aseger ilohittok enne ittok onno obuor, buo obo atulo itoŋo diya. Ofuhororoi nyia nafau iko nedou to hosiere honyi, ette biaŋan inyiak leyo. 12Egonyu nyia buo fe ni ayaak; elettaha iko aati asai, owotiai ihosiere seger ilohittok. Aŋai nyia abuhi; attati buo fe iŋa abuk onnobo. Abuk ono nesu nyia ania. Oŋoti nyia eram hayaak ihuo oremehini te ehanita hosi hunne igioroni jio abuhi hunia. 13Attati aari enne ittokon iŋatana ayaak honyi; ette buo fe aye iko amaji hayaak iŋatana ayaak hosi. Oŋoti nyia neram hosi 'daŋ ihuo oremehini te ehanita hosi. 14Attati ibironia aye iko amaji hayaak itafar hima. (Ara atafar hima ania, aye etarrihi.) 15Ibironi nyia buo fe jio atafar hima ania, aati 'daŋ hunyia obeŋi afureta hosi igioronie jio abuk ono nesu.

Currently Selected:

ETALEYEHINA 20: EA2003

Highlight

Copy

Compare