ETALEYEHINA 13

Ahuanyak huna Arrihai

1 # Eta 17:3, 7-12 Attati ni igonyuna obo ahuanyani ojiŋu to tua hari. Owon nyia inyi iko amuarrak 'tomon, buo ossi hattarik. Ihide muarrak honyi hunia, owoni nyia egoriahien 'tomon. Igioroni nyia buo fe afureta ihossi honyi 'daŋ ababo hunne ittarrohojie afure Hollum. 2Iyyalu nyia ahuanyani nyia aworu, buo eejek honyi iyyaluni huno obo ahuanyani anna anya beyar#13:2 beyar : inyi afure obo ahuanya te ekiana iŋilis. Iyalu ahuanyani ania aŋumar. buo etuk honyi iyyalu ono elemie. Isiarak nyia anyamanit ania aduaran honyi iko aseger ilohittok, buo elohittok honyi onno obolo 'to jio, ahuanyani ania. 3Oso nyia obo ahou honyi ihuo enne iriafuno onno orroho, ati aŋida nyia atoŋoso honyi ania. Illillihai nyia aati fau 'daŋ, ette ijifatio ahuanyani ania. 4Itahabuyo nyia atulo 'daŋ anyamanit te esiarana honyi aduaran honyi jio ahuanyani ania, buo fe itahabuye ahuanyani ania jiojio, “Ŋai orriamari iko ahuanyani ana? Ŋai oremik iriomonio ikonyi?”

5Aŋatani nyia ahuanyani ania imoriere Hollum te etahuoro honyi ahuan honyi, buo fe aŋatani jihonyi ilohittohori ayafajin atomuana aŋuan harrihai. 6Attati ahuanyani ania itterio etarrohojio Hollum, afure honyi, amaji anna amanyari inyi iko hia 'daŋ hulla amanyai 'to lidou. 7Aŋatani nyia jihonyi irriomoniere iko aati Hollum buo fe itatturiere isi. Aŋatani nyia inyi ilohittohori jio, afauhien 'daŋ, jio ekenita waati 'daŋ iko jio awoi waati 'daŋ. 8Itahabuye adi aati hutta fau 'daŋ inyi, arari fe hia hama, hunyia igioronie afureta hosi ibuk ono nesu many hobeŋi oyyeuni afau. Ara abuk ania ahono Olosobe linyia ottohori.

9“Alla awoni ayyaha jihoi, itaniŋie yo! 10Alla ara jio oŋida anyarai iyye, anyarai adi iyye hode; buo fe alla ara jio oŋida oŋotori iyye, oŋotori adi iyye hode. Awak eram ania luŋa aati Hollum oŋida odulori awanan iko adihan buo eruk.”

11Attati ni inyiak igonyuna obo ahuanyani ojiŋu to tua fau. Owon nyia inyi iko amuarrak arrihai ihuo huno aker, buo amala ihua anyamanit. 12Igiamari nyia inyi elohittok 'daŋ ono ahuanyani etteri ihosiere honyi. Orosok nyia inyi afau iko aati honyi 'daŋ itahabuyere ahuanyani etteri, ninyia aŋida atoŋoso. 13Ihanio nyia ahuanyani etarrihi ania eduariti hunno ogoli bebe. Ihosiere waati 'daŋ, itapuasu nyia inyi eema tedou, ifau. 14Inyob nyia ahuanyani ania aati 'daŋ ta fau, te eduariti hunyia aŋatani jihonyi ihaniere ihosiere ahuanyani etteri. Iramak nyia inyi isi ihuhumuniere arrijiori, igiluttari ahuanyani ninyia ottohori ta ademi erremit, buo ette inyiak isu. 15Aŋatani nyia ahuanyani etarrihi ihudaniere oloyiri ono nesu jio arrijiori ahuanyani etteri jio, oŋida inyi oremik ikiana, buo fe itattohori aati 'daŋ hullo obeŋi 'to itahabuye inyi. 16Orosok nyia ahuanyani ania jio, ijiara ihanani eherit ihani iŋet kuyya ihomom tulo 'daŋ; elettaha iko aati asai, asamak iko alociaŋak, apiti iko hullo obeŋi 'to arai apiti. 17Obeŋ nyia tulo oremik inyiaŋa kuyya itinyiaŋa buo obeŋ owon iko eherit ania. Eherit ania, inyi afure ono ahuanyani ania kuyya anamba onno owotia imaji afure ania.

18Awak eram ania ofioro. Lia, ollo owon 'to iko ahou, inyi oremik imijana awoyo hiram ono anamba ahuanyani ania nyio, owotia anamba ania imaji fure obo atulo. Anamba honyi, 666.

Currently Selected:

ETALEYEHINA 13: EA2003

Highlight

Copy

Compare