ETALEYEHINA 12

Aŋotte iko Anyamanit

1Attati obo ariŋ, anna agalik ofioro waati, leyo lidou. Oleyo nyia obo aŋotte enne iyyafatio oloŋ, buo orriehi eejek honyi iyafa, buo iyyafatio egoriai ono elelefi 'tomon harrihai ihou honyi. 2Iliaha nyia inyi esio, ette inyi iluaha bebe ta ahuanya hohe honyi.

3Teya, inyiak obo ariŋ anna agalik ofioro waati leyo lidou. Oleyo nyia obo anyamanit onno odo ariet buo obolo bebe. Owon nyia inyi iko ossi hattarik buo amuarrak 'tomon, buo iyyafatio egoriahien ababo ihossi honyi. 4Isuharu nyia inyi aŋati etahunihi ono elelefi huttedou, ta allisa honyi, ette iruasuna ifau. Owotia nyia inyi ihosiere aŋotte nyia nyio, awak nyia inyi ipusara eto linyia ofuoi isiuna. 5Attati aŋotte ania isiuna eto 'le, ollo ottu 'to ilohittok jio aati hutta fau 'daŋ, obeŋ amehino. Ati, okuararai nyia leto lia addi, ette iyaru many jio Hollum iko aseger ilohittok honyi. 6Buo aŋotte ania ofuhororo ihidiofo, imaji ninyia ihuhumak Hollum tenyi; amaji onno ofuarik imijiere inyi onno oyyu oŋitek 1,260.

7 # Yud v:9 Attati afere idioto lidou. Mikelele iko ajilohien honyi, aparanie nyia iko anyamanit, buo anyamanit ania iko ajilohien honyi ette irriomonio ikosi. 8Ati itatturi nyia anyamanit ania; ania iyimorik isi enyiak itoŋo lidou. 9#Luk 10:18Opuasari nyia anyamanit onno obolo 'to ania allet. Inyi amunu eberien enne ifurani Olorroho kuyya Sittan, enyabani fau 'daŋ. Opuasuni nyia inyi iko ajilohien honyi 'daŋ, ifau.

10Attati ni itayiruna obo etuk ikiana woŋ woŋ lidou jiojio, “Ihuania, attu etalahuno iko aduaran buo olobie ono Hollum hohoi! Attu buo fe elohittok ono Olonyimoto honyi! Nyio, apuasari tedou lia, ollo owotia 'to ihosiere Hollum hohoi afanni iko arue 'daŋ itisiahiniere eruhok. 11Itatturi eruhok inyi to nooto ono Olosobe iko te nelahode enne ittittoye isi. Obeŋi nyia isi abaŋi iyeri. 12Iyye nedou, ijiara amuno hatawana jihoi iko jio hia hulla amanyai 'to jihoi! Ati orroho jihatai, nafau iko aari enne ittokon nyio, allu Olorroho jihatai! Ifut ajore jihonyi, nyio, omijak inyi jio iliaha oloŋ enne itawojierek egiama honyi.”

13Ninyia amijak anyamanit ania jio, apuasuni inyi lifau, ette inyi itaracaru aŋotte ninyia isiu 'to eto 'le. 14Ati isiarani nyia aŋotte ania ewwa huna arrihai, huno asollir ellettok, oŋida inyi iddarrari teya many imaji honyi otto hidiofo; onno ofuarik imijiere inyi onno oyyu, aŋasi hunihoi iko anus, amaji enne irisari inyi addi jio anyamanit. 15Attati anyamanit ania ifurruara ebuli hari te ehalu aŋotte ania, oŋida owororo inyi. 16Ati oluak nyia afau aŋotte ania, ette iyama 'dak 'dak, ette iwosonia aari hunyia ifurrunie 'to to hutuk nyamanit. 17Ijoria nyia anyamanit ania bebe jio aŋotte ania, ette leten teya, ette irumonia aduri hullomuk hutto woyo aŋotte ania iko aati 'daŋ hullo oniŋie 'to efahita Hollum buo fe ogottierek nelahode ninyia italeyehi Yesu. 18Owotia nyia anyamanit#12:18 Owotia nyia anyamanit : Igioroni omuk egierita jio, “ette ni iwotia,” ette buo fe ittulani ekori ana iko erre hunno ofuonni 'to te ehalu. ania ilotifor hari enne ittokon.

Currently Selected:

ETALEYEHINA 12: EA2003

Highlight

Copy

Compare