Ebrei 5
5
1Onyimuttai ehumak hulle ittaha 'daŋ tehiji waati igiamari jio Hollum, imaji hosi, buo fe isiarattari esiorita iko ehumita te eram ono eyyata. 2Oremik ataji honyi imehino jio atimok hulle ipali 'to, nyio, ara inyi ihuo isi. 3Inyi buo fe onno oremehiniere inyi isiaraniere ehumita te eram ono eyyata honyi iko huno aati hullomuk. 4Obeŋ tulo oremik inyimuna ahuan honyi irari a hehumani elle ittokon; ati, Hollum hama oremik inyimuna inyi, ihuo ninyia onyimuniere inyi Arone.
5Ihuo nyia buo fe, obeŋ nyia Yesu onyimu ahuan honyi irari a hehumani elle ittokon; ati Hollum nyia ojio jihonyi jio,
“Iyye Lonyi hoŋ;
ahana ara ni Amonyohoi.”
6Buo fe ikiana jio obo aŋati jio,
“Ira adi iyye a hehumani mak,
jio ehumari ono Melkisedek#5:6 jio ehumari ono Melkisedek : kuyya ihuo Melkisedek, ehumani..”
7 #
Mat 26:36-46; Mar 14:32-42; Luk 22:39-46 Ninyia awanari Yesu ifau dini, omojotio nyia inyi buo fe attanatio Hollum woŋ woŋ te neyyoo; Hollum ollo oremik 'to italuahuna inyi toye. Te eruk honyi aniŋio Hollum, itarraŋ nyia Hollum eram honyi. 8Duadi bu ara inyi Lonyi Hollum, iyiyenu nyia inyi aniŋio jio ettigemita hunyia orumak inyi. 9Ninyia attohu inyi ehanio erre 'daŋ hunyia ojiori oŋida inyi ihan, iyaŋuno nyia inyi etalahuno 'tulaŋ jio hia 'daŋ hullo oniŋie 'to inyi. 10Anyimu Hollum inyi irari a hehumani elle ittokon jio ehumari ono Melkisedek#5:10; 6:20 jio ehumari ono Melkisedek : kuyya ihuo Melkisedek, ehumani..
Asario te Eram ono Edehina Neruk
11Hobolo ekiana eram ania enne eremik duo ikiana, ati ogol ikukuboniere jihatai, nyio, oddiŋi ossi hatai. 12#1Kor 3:2Ihuania, ŋaduo itai isata a hettiyanak, ati, obis inyi luŋa jio obo atulo ittiyeniere jihatai etterita hirre huno asayyo Hollum. Hosiru jihatai amata lee buo obiaŋara aŋiria, 13nyio, atulo 'daŋ alla hamata 'to aale, hara olodole; hotimo inyi erre hunno obisi 'to kuyya hunne ipali 'to. 14Ati, ara aŋiria ahono aati hulla abolori 'to, hulle ettiyenuni 'to amijana hirre hunno obisi 'to jio hunno orrohoji 'to.
Currently Selected:
Ebrei 5: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
