1Korinto 7

Eram Yama

1Ihuania, ijiara nani etarraŋ erre hunyia igieruna itai jihoŋ.

Oyyu jio atulo ibiaŋari iyamari.#7:1 Oyyu jio atulo ibiaŋari iyamari : kuyya, ijiatta itai jio, oyyu jio atulo ibiaŋari iyamari. 2Ati ta aluaji isusuta ihaniere erre somon; ijiara alle owon iko ŋoruoi honyi, buo fe aŋotte owon iko habi honyi. 3Ijiara luŋa habi isiarak ahuan honyi jio ŋoruoi honyi, buo fe ŋoruoi isiarak luŋa ahuan honyi jio habi honyi. 4Obeŋ ahuan ŋotte ara ahononyi, ara ahono habi honyi, buo fe ahuan habi obeŋ ara ahononyi, ara ahono ŋoruoi honyi. 5Hèlaha iyye alle iyimo ahuan hoi jio ŋoruo hoi; buo fe iyye aŋotte hèyimo ahuan hoi jio habi hoi, arari fe elle iruhoto itai ihaniere ihuo nyia obo kai, ituhoniere ahuattek hatai imojo. Ojio diya, acahiniete jio amanya hatai ottoloŋi ono aŋotte iko alle, ŋadi Sittan isusuyo itai iyyauniere nyio, obeŋ agolon jihatai ittoŋotiere ahuattek.

6Obeŋ eram enne eramak ni jihatai ara efahi, ati aŋatak ni itai ihaniere ihuo nyia. 7Ojio atua hoŋ ijiara duo itai 'daŋ irata ihuo nani; ati olufaji esiorita hunne isio Hollum jihohoi 'daŋ ababo, ifuotu obo esiorio ana buo obo ifuotu obo hama.

8Ekiana ni jio olobiloŋi#7:8 olobiloŋi : isi aati hulla aye aŋoruo hosi kuyya hulla apiahai 'to iko aŋoruo hosi. iko ehidahi jio, iyyak jihosi irasari olobiloŋi. 9Ati alla agol jihatai ittoŋotiere ahuattek hatai, ayamati. Nyio, iyyak jihatai iyamari agalik etattohoro huattek agere ŋotte.

10 # Mat 5:32; 19:9; Mar 10:11-12; Luk 16:18 Jio aati hullo owoni 'to ta haŋ, eramak ni jihatai efahi ana, obiaŋara onoŋ, ati ono Lamonye. Hèlaha luŋa aŋotte idehi habi honyi. 11Buo elle ehan inyi ihuo nyia, ijiara luŋa inyi arasa obeŋ 'le; buo alla abeŋ, ijiara acahino jio habi, buo fe oŋida luŋa habi obeŋ opiahai iko ŋoruoi honyi.

12Ajio ni jio aati hullomuk (nani ajio, obiaŋara Lamonye) jio: alla awon obo olo Kristiani iko aŋotte onno obeŋ ara a heruhoni, buo aŋotte ania iruk imanyari ikonyi, hèlaha inyi luŋa opiahai ikonyi. 13Alla awon buo fe obo aŋotte ono Kristiani iko alle ollo obeŋ ara a heruhoni, buo alle alia iruk imanyari ikonyi, hèlaha aŋotte ania luŋa opiahai ikonyi. 14Nyio, italibori alle ollo obeŋ 'to ara a heruhoni to ŋoruo honyi; buo fe italibori aŋotte onno obeŋ 'to ara a heruhoni ta habi honyi. Alla abeŋ duo ara ihuo nyia, arai duo aduri hosi a hebuatak; ati ihuania, olibori isi. 15Buo alla awak alle kuyya aŋotte onno obeŋ 'to ara a heruhoni ipiaharu addi, ijiara hételo. Jio eram ania, obeŋ obo ariŋ enne inyiak 'to ifitana alle kuyya aŋotte Kristiani. Nyio, awak Hollum hohoi etoŋo te nelik tajia. 16Buo iyye, aŋotte ono Kristiani, imijak iyye aŋai jio ibeŋ adi iyye italahu#7:16 Buo iyye, aŋotte…jio ibeŋ adi iyye italahu : kuyya aŋai imijak iyye jio…italahuni adi iyye. habi hoi? Buo iyye, alle olo Kristiani imijak iyye aŋai jio ibeŋ adi iyye italahu ŋoruo hoi?

Amanyati ihuo Iloŋu Hollum Itai

17Ijiara itai 'daŋ ababo imanyati ihuo oremik jio esiorita hunyia isiarak Lamonye itai; buo fe ihuo ninyia iloŋuniere Hollum itai. Efahi ania enne ettiyenio ni jio eluluŋi heruhok 'daŋ. 18Elle iruk atulo alla aboso 'to eloŋo Hollum, hèlaha inyi ottifia obo ekoi iyari aforo boso addi. Buo elle iruk nyia atulo eloŋo Hollum buo hobeŋ oboso, hèlaha inyi ottifia aboso. 19Oboso duo bu atulo kuyya obeŋ oboso, arai hunia 'daŋ a hirre asai. Ariŋ anna awahi, inyi agottiere efahita Hollum. 20Arasati 'daŋ ababo ihuo ninyia iwanatti itai to ninyia iloŋuniere Hollum itai. 21Ira nyia iyye apit to ninyia iloŋuniere Hollum iyye? Hèhawwa. Ati alla awon obo ekoi jihoi ihouniere ahuan hoi jio epito, ihana ihuo nyia.#7:21 Ati alla awon obo ekoi jihoi ihouniere ahuan hoi jio epito, ihana ihuo nyia : kuyya duadi bu owon obo ekoi jihoi ihouniere ahuan hoi jio epito, ihuma luŋa ihanuna ayiji anna agalik ta arahan hoi apit. 22Nyio, apit elle iloŋu Lamonye inosori iko Kristo, ara inyi atulo alla ahohi Kristo. Ihuo nyia buo fe, lia, ollo obeŋ 'to ara apit buo Lamonye iloŋu inyi inosori iko Kristo, ara inyi apit honyi. 23Inyiaŋu Hollum itai te edumit, tania hèrata apiti waati. 24Illarak iko haniyarak hoŋ, oduloro 'daŋ ababo imanya iko Hollum, ihuo ninyia iwanatti itai to ninyia iloŋunierek itai.

Erre Obiloŋi iko huno Ehidahi

25Alla ara eram obiloŋi, abeŋ ni efuotu obo efahi jio Lamonye, ati eramak ni itai egigilo ottonoŋ, ihuo atulo ollo osiru eyihina jihonyi, ta amehino ono Lamonye. 26Te eram ono ejiriŋa onno owon 'to ihuania, egigilo ni jio iyyak jio atulo irasari ihuo nyia. 27Owon aŋotte jihoi? Hèfuha ti inyi. Hèbeŋ iyye iyemu aŋotte? Hèttifia ti ayama. 28Ati elle iyama iyye, ibeŋ iyye iyyau; buo fe alla ayemuni aŋotte onno obeŋ 'to owon ta haŋ, obeŋ buo fe inyi iyyau. Ati abeŋ duo ni awak itai irumana ettigemita huttoloŋi hunno ofuoi aati hullo owoni 'to ta haŋ irumani. 29Illarak iko haniyarak hoŋ, erre hunne ekiana ni huna: Amutari oŋitek. Ihuania many moi, ijiara hia, hullo owoni 'to ta haŋ itoŋoi ihuo obeŋi isi owoni ta haŋ; 30buo hullo oyyooi 'to itoŋoi ihuo obeŋ isi ijiriŋai; buo hullo osuhotie 'to, itoŋoi ihuo obeŋ isi omunoi; buo hulle inyiaŋai, itoŋoi ihuo ollo obeŋi erre hunne inyiaŋuni isi arai a hunosi. 31Ijiara buo fe hia hulle igiamarik 'to erre afau ana, itoŋoi ihuo obeŋi isi awahi igiamari erre hunia. Nyio, afau ana ihuo egonyu, obeŋ adi osio fur.

32Abeŋ ni awak itai ilafuhoti. Iŋohi olobiloŋ egigilo honyi 'daŋ jio erre huno Lamonye, nyio, awak inyi itamuno Lamonye. 33Buo atulo ollo owon 'to ta haŋ iŋohi egigilo honyi 'daŋ jio erre hutta fau, itamunoyere ŋoruo honyi; 34tania, itisarrahi inyi egigilita honyi. Iŋohi aŋotte onno obeŋ 'to owon ta haŋ kuyya oduoti egigilo honyi jio erre huno Lamonye nyio, awak inyi iŋohina ahuan iko oloholio honyi 'daŋ jio Lamonye. Buo aŋotte onno owon 'to ta haŋ iŋohi egigilo honyi 'daŋ jio erre hutta fau, itamunoyere habi honyi.

35Ekiana ni erre hunia iluahiere itai, obiaŋara itihiere itai. Awak ni itai imanyati te ekoi onno obis 'to, buo fe oŋida iŋohina ahuattek hatai 'daŋ jio Lamonye, buo ibiaŋata igigiloti obo ariŋ.

36Elle igigilo obo jio, abeŋ inyi ehanio onno oyyu jio oduoti enne isaŋanie 'to ikonyi, buo fe agere ŋotte ottoho inyi buo fe inyi luŋa awak ayemuna oduoti ania, ijiara inyi ihan ihuo awak inyi#7:36 oduoti enne isaŋanie 'to ikonyi…ijiara inyi ihan ihuo awak inyi : kuyya, alla awon obo atulo iko ŋarri honyi onno hobeŋi oyemuni: elle igigilo atulo alia jio, abeŋ inyi ehanio onno oyyu jio ŋarri honyi, buo fe alla aremik ŋarri honyi ta ayama, ijiara luŋa atulo alia ihan ihuo awak inyi; ijiara aŋatak oyemuni ŋarri honyi.. Obeŋ buo inyi ara eyyau. 37Ati alla adioto to hou tulo ibiaŋari iyamari#7:37 ibiaŋari iyamari : kuyya ibiaŋari iŋataniereŋari honyi iyamari. buo obeŋi orosoni inyi ihaniere ihuo nyia; buo fe alla aremik inyi luŋa ittoŋ ewahiti tua honyi, buo fe ifut ihou honyi ihaniere ihuo nyia; tania, obis jihonyi ibiaŋari iyamari oduoti ania.#7:37 ibiaŋari iyamari oduoti ania : kuyya ijiara oyemuni oduoti ania. 38Tania, ihan atulo alla ayama 'to#7:38 atulo alla ayama 'to : kuyya alla aŋatak 'toŋarri honyi ayamai. ariŋ onno oyyu, buo ollo obeŋ 'to ayama#7:38 ollo obeŋ 'to ayama : kuyya ollo obeŋ 'to aŋatakŋarri honyi ayamai. ihan ariŋ onno oyyu agalik.

39Ittallik aŋotte onno owon 'to ta haŋ idehina habi, buo habi hesu; ati alla aye habi honyi, oremik inyi iwanan iko obo alle alla awak inyi, ati ijiara atulo lia ara luŋa a holo Kristiani. 40Ati, egigilo ni obolo adi amuno jio aŋotte ania alla arasa inyi ihuo nyia. Egigilo ni awon buo fe ni iko Oloholio Hollum, anna ajiari ni ihuo nyia.

Currently Selected:

1Korinto 7: EA2003

Highlight

Copy

Compare