1Korinto 15
15
Ebuhuna ono Kristo
1Ihuania, illarak iko haniyarak hoŋ, awak ni itai igiluna Asayyo Ayijok hunyia ettittoyo ni jihatai. Isi hunia Asayyo hunyia ifuotuna itai, isi buo fe itagoli neruk hatai. 2Isi hunia Asayyo Ayijok hunyia ettittoyo ni eram hosi jihatai. Elle igottiette itai Asayyo Ayijok, italahuni adi itai…buo elle ibiaŋata itai igottiette isi ara fe neruk hatai ariŋ asai.
3Nyio, ariŋ onno oyyu 'to bebe ninyia efuotu ni, inyi ninyia eramak ni jihatai jio, oye nyia Kristo te eram ono eyyata hohoi, ihuo igioroni ibuk Hollum jio; 4#Mat 12:40; Ehanita 2:24-32onuhani nyia inyi, ette itubuhuna iholoŋ etahunihi, ihuo igioroni ibuk Hollum. 5#Mat 28:16-17; Mar 16:14; Luk 24:34, 36; Yoa 20:19Oleyehino nyia inyi jio Petro attati jio lefahat hula 'tomon harrihai. 6Ania ette ileyehino jio ejifak honyi esiha miyet iko allaŋo. Hesui arriai hosi buo omuk ayei. 7Teya ette ileyehino jio Yakobo buo fe jio lefahat 'daŋ.
8 #
Ehanita 9:3-6
Ihalu 'daŋ, ette buo fe inyi ileyehino jihoŋ, alla ara 'to ihuo atulo elle ibuatuni. 9Nyio, nani attubak lefahat 'daŋ ta afiahaji…obeŋ ikoddaŋ osiru iloŋori nani lefahata nyio, ettigemio nyia ni eluluŋ heruhok Hollum. 10Ati, ta ayiji taji Hollum, ara ni ahana elefahata. Obeŋ nyia ayiji taji ninyia isiarak inyi jihoŋ ara asai, ati enyiak tibuo ni igiama onno ogol agalik lefahat hullomuk. Ati, obiaŋara nyia nani luŋa elle egiama 'to alia, ati ayiji taji Hollum nyia igiamari nani. 11Tania, kuyya duadi bu ottu eram ania jihoŋ kuyya jio lefahat hullomuk, inyi ania eram enne ettittoyo hohoi 'daŋ jihatai. Inyi eram ania enne iruhoto itai.
Ebuhuna Hohoi
12Ihuania, elle ettittoyo hohoi jio itubuhuni nyia Kristo toye, aŋai ti oremehini omuk hulatai jiaran jio, obeŋi adi ayaak ibuhuna toye? 13Alla abeŋ ebuhuna jio ayaak, abeŋi nyia adi fe itubuhuni Kristo; 14buo alla abeŋi nyia adi itubuhuni Kristo, obeŋ duo fe riŋ jihohoi ittittoyere buo fe neruk hatai duo ette irahan asai. 15Jio hunia 'daŋ, itahutak fe ania jio etabahasio nyia adi hohoi eram Hollum te ettittoyo hohoi; ninyia ejiari hohoi jiojio inyi nyia itubuhu Kristo toye. Ati alla ara hode obeŋi adi itubuhuni ayaak toye, abeŋ nyia adi fe Hollum itubuhu Kristo. 16Nyio, alla abeŋi itubuhuni ayaak, abeŋi nyia adi fe itubuhuni Kristo. 17Alla abeŋi nyia itubuhuni Kristo, ara fe neruk hatai ariŋ asai, buo fe neyyau harasa ittehio itai. 18Itahutak buo fe ania jio, abeŋi fe eruhok hunyia oye 'to to Kristo orumani etalahuno. 19Elle eyihi jio Kristo te neram ono amanya ana ijiai#15:19 Elle eyihi jio Kristo te neram ono amanya ana ijiai : kuyya alla ara eyihina jio Kristo ariŋ enne emanyari ijiai., emehino fe luŋa bebe egalik aati 'daŋ ta fau.
20Ati ahode hode hiram ana; itubuhuni nyia luŋa Kristo toye itahutaniere jio, itubuhuni adi buo fe hia hunyia aye 'to. 21Ihuo ninyia ottuniere naye tottolo obo atulo, ihuo nyia buo fe ottu adi ebuhuna tottolo obo atulo. 22Ihuo onno oyerik aati 'daŋ ta arahan hosi to woyo Adam, ihuo nyia buo fe isui adi aati 'daŋ te enoso hosi iko Kristo. 23Ati itubuhuni adi aati 'daŋ ababo te ejifita hosi: itubuhuni Kristo ahosiere; attati jio oloŋ onno ocohuniere inyi, itubuhuni adi aati hulla arai 'to a hulonyi. 24Attati esidi fau ittuna, onno ottuniere Kristo itatturiere ajiohin huttehiji idou iko afau, iko elettaha buo egoliti, ette isiarana Olobie jio Hollum, Monye. 25Ijiara luŋa Kristo ilohittok, many ihananiere Hollum amiorok honyi 'daŋ ebalori hejek honyi. 26Naye, inyi amiottononi ecuŋi onno ofuoi itattur. 27Inyi onno ojio abuk Hollum jio, “Ihanak Hollum Kristo ellettok hirre 'daŋ.” Ati alla ajiori jio, “erre 'daŋ,” oleyo 'tel 'tel jio, obeŋ Hollum elle ihanak 'to Kristo ellettok hirre 'daŋ, owon itua erre hunia. 28Ati elle ihanani erre 'daŋ jio elohittok Kristo, ihanani fe Lonyi ta ahuan honyi jio elohittok Hollum; Hollum elle ihanak 'to erre 'daŋ jio elohittok Kristo jio, oŋida luŋa inyi ilohittok jihosi 'daŋ.
29Ihuania, aŋai buo eram waati hulle itifuotoni jihosi batisimo imaji hayaak? Anyio soho anna awahi isi irumana? Alla abeŋi luŋa itubuhuni ayaak, nyioti itifuotoni aati batisimo imaji hosi? 30Nyioti awon ni ittigemita asahien 'daŋ? 31Illarak iko haniyarak hoŋ, etadara ni tetai, te enoso hohoi iko Kristo Yesu, Lamonye hohoi, inyi enne ehumari ni ikianari jio, onyiha naye jihoŋ oŋitek 'daŋ! 32Te egigilo tulo ijiai, elle erriomonio hohoi iko aati Efeso hulla arai 'to ihuo ahuanyak, anyio 'tadi anna arumak ni? Alla abeŋi itubuhuni ayaak toye, ojiori, “Haŋiyete buo fe emata, nyio eye motie.”
33Hèlaha inyobi itai. “Ittarrohojie orriahat arrohojak ossi yijok.” 34Igigiloti onno oyyu. Hènyiahata iyyauna. Ariri hunia jihatai, ta atimo omuk hulatai Hollum.
Ahuan enne Ibuhu 'to
35Ati ojio adi lobo jiojio, “Aŋai adi itubuhuni ayaak? Arai adi ahuattek hosi aŋai?” 36Obeŋ hou! Ittallik enyomoti enne idulak iyye isuruna arari fe alla aye inyi do. 37Ariŋ enne idulak iyye, ara aŋerio ijiai, ara hara ometi kuyya obo emai hama, obeŋ inyi ara ahuan himai anna abolo 'to. 38Hollum isiarak ahuan jihonyi ihuo awak inyi, buo fe isiarak jio aaŋer 'daŋ ababo ahuattek hosi. 39Owoni ahuattek gele gele, owon ono atulo, owon ono aciaŋ, owon ono ahenyi buo fe ono ahami. 40Owoni ahuattek hutto hide buo fe hutta fau owoni. Olufa elamani huattek hutto hide jio hutta fau. 41Owon noloŋ iko elamani honyi, owon ayafa iko ononyi, buo fe elelefi iko onosi; duadi bu ihiji elelefi, owoni buo fe elamanita gele gele.
42Ara adi buo fe ihuo nyia elle itubuhuni ayak. Alla anuhani ahuan, aye inyi ette imuyahi; buo elle itubuhuni inyi, isu inyi 'tulaŋ. 43Alla anuhani inyi, aŋari inyi buo fe obeŋ owon iko agolon; buo elle itubuhuni inyi, ilaman adi inyi buo fe ogol. 44Ara nyia inyi ahuan to ninyia onuhanierek inyi, buo to ninyia itubuhunierek inyi, ara nyia inyi oloholio. Alla awon ahuan, owon buo fe oloholio. 45Inyi onno ojio abuk Hollum jio, “Oyyeuni nyia atulo etteri, Adam, elle isu”; ati, ara Adam ettesidi, Oloholio olo nesu. 46Obiaŋara oloholio ottu ahosiere; ati, ahuan ottu ahosiere, attati buo oloholio. 47Ottu nyia Adam etteri ta fau; oyyeuni nyia inyi to hifuoto, buo Adam etarrihi, ottu tedou. 48Hia hulla arai 'to a hulo afau, arai isi ihuo lia linyia oyyeuni to hifuoto; buo hia hulla arai 'to a hulo nedou, arai ihuo lia linyia ottu 'to tedou. 49Ihuo enne eyaluniere atulo linyia oyyeuni to hifuoto, eyalu#15:49 eyalu adi : kuyya ijiara luŋa eyalu. adi buo fe atulo linyia ottu 'to tedou.
50Illarak iko haniyarak hoŋ, eramak ni itai jio, ittallik ariŋ onno owon 'to iko ahuan buo nooto irutana Olobie Hollum; buo fe ariŋ onno oremik 'to iye ittallik iwanan iko nesu onno osio 'to 'tulaŋ. 51-52#1Tes 4:15-17Ihumata siehina ayyaha jio elahode anna agalik 'to ofioro tulo. Ebeŋ adi 'daŋ eye, ati alla ahuti afuruju esidi, iloiti adi hohoi teya teya, ihuo arifok honyek. Nyio, alla ahuti afuruju, itubuhuni adi ayaak; ittallihi adi isi inyiak iye, ette adi buo fe iloit hohoi 'daŋ. 53Nyio, iloiti adi luŋa ariŋ enne ittallik 'to isu 'tulaŋ, ariŋ enne isu 'to 'tulaŋ; buo fe iloiti luŋa ariŋ onno oremik 'to iye, ariŋ enne ittallik 'to iye. 54Tania, elle iloiti ariŋ enne ittallik 'to isu 'tulaŋ, ariŋ enne isu 'to 'tulaŋ, ette tibuo itasiruna ekenita hutto buk Hollum hunno ojiori jio: “Itamuhini Aye, itatturi inyi luŋa!” 55“Jai, Ye, tani buo agalihina hoi? Jai, Ye, tani buo agolon hoi ittohiere?” 56Eyyau inyi ara agolon Ye ittohiere, buo neyyau orumak agolon honyi jio efahita. 57Ati, humo jio Hollum elle ihanak 'to hohoi ahetatturok to Yesu Kristo, Lamonye hohoi.
58Tania, illarak iko haniyarak hoŋ, ogoloto, owojuna. Oduloro igottiere egiama hatai jio Lamonye, ihuo imijana itai jio obeŋ egiama hatai jio Lamonye olo asai.
Currently Selected:
1Korinto 15: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
