1Korinto 16

Eluahiti jio Eruhok Alociaŋak

1 # Rom 15:25-26 Ihuania, ijiara nani ekiana eram ono eddudduha isiorita jio aati Hollum hutto Yudea. Ihaniete luŋa ihuo ninyia eramaniere ni eluluŋi heruhok hutto Galasia. 2To oŋitek Dominika, ottunattati omuk arrobiyaa, ihuo iremehina itai 'daŋ ababo ifituna; nyio, oŋida ibiaŋata ifuanna iddudduha alla afany ni. 3Alla afany ni, attu adi ni isiarana awaraga etahuti jio hia hulle inyimuna itai oŋida iyarai esiorita hatai Yerusalem. 4Alla ayyu jihoŋ buo fe ilari, efuo adi isi ikoŋ.

Erre hunne Igigilo Paulo Ihaniere

5 # Ehanita 19:21 Attu adi ni jihatai elle elur ni Masedonia, nyio, awak ni leten totto Masedonia. 6Ara hattu ni itoŋonia omuk oŋitek ikatai; kuyya ayafajin hacoro 'daŋ, oŋida bati itai iluahata nani iculari, jio amaji anna alari ni teya. 7Awak ni ihum itoŋuna ikatai, obiaŋara obo kai. Alla awak Lamonye, eyihi ni itoŋori ikatai oŋitek arriai.

8 # Ehanita 19:8-10 Etoŋo adi ni Efeso many iholoŋ Pentakoste; 9nyio, awon ekoi onno obolo jihoŋ ihaniere egiama onno oyyu 'to, duadi bu oluaji amiorok.

10Alla attu Timoteyo talia, ifuotuna luŋa inyi onno oyyu, nyio, ihanio inyi egiama Lamonye ihuo enne ehaniere ni. 11Hèlaha obo iyas inyi, ati oluahata inyi iculari ahosiere te nelik taji oŋida ocohuno jihoŋ. Nyio, egigilo ni jio ocohuno adi inyi iko eruhok.

12Ihuania, alla ara eram illa hohoi Apolo, ehum ni ikianatio jihonyi oŋida olo imijuno itai iko eruhok hullomuk; ati obeŋ inyi ihum iruk#16:12 obeŋ inyi ihum iruk : kuyya obiaŋara luŋa awahan Hollum. ilari jihatai ihuania. Ottu adi alla arumak inyi obo ekoi ittuniere.

Ekenita hutte Isidi

13Ihumata mijio, ogottiette neruk hatai, itagoloto atajia, ogoloto. 14Ihaniete erre 'daŋ ta abuaran tajia.

15Imijana itai bo Stifanas iko aati hutto haŋ honyi; isi nyia etterita waati ta Akaya hunyia oyitoi 'to a Kristiani. Atuhoni isi ahuattek hosi 'daŋ igiamari ta aati Hollum. Illarak iko haniyarak hoŋ, attana ni itai jio, 16ijifatiete arihok ihuo hulia, iko aati 'daŋ hulle igiamai 'to ikosi. 17Amuno ni ta attuna ono Stifanas iko Fortunatos buo Akiyakos; nyio, arutani isi imaji hatai. 18Iyaŋunie isi amuno jihoŋ, ihuo ninyia iyaŋunierek isi jihatai. Itaniŋiete jio aati ihuo hulia.

19Itifonyai eluluŋi heruhok hutto Asia. Itifonyai Akuila iko Prisila itai te efonya Kristiani; isi iko eruhok hullo omojotie 'to ihasik hosi. 20Imalaye buo fe eruhok 'daŋ, hullo owoni 'to dini, itai.

Ifonyati ahuattek ta ahucio 'yaha ono elik tajia.

21Ani Paulo, egiorok efonyita huna ta aani hoŋ: 22Ijiara epit owon jio lia, ollo obeŋ ataji honyi obuor Lamonye.

Maranatta…Lamonye hohoi, waŋ!

23Hatawana ayiji taji Yesu Lamonye jihatai. 24Hatawana abuaran tajia hoŋ ikatai, to Kristo Yesu. Amen.

Currently Selected:

1Korinto 16: EA2003

Highlight

Copy

Compare