1Korinto 10

Asario te Eram Rijiorita

1Illarak iko haniyarak hoŋ, awak ni itai igiluna erre hunyia iduoŋi 'to jio hohonyiok hohoi hinyia ijifatie 'to Mose. Ogottierek nyia edohuo isi 'daŋ onno oyyu; ette isi 'daŋ 'laŋan Hari Mile obeŋ obo eram. 2Itifuotoni nyia jihosi 'daŋ batisimo totua bali idohuo iko totua Hari Mile irari a hejifak Mose. 3Anyai nyia isi 'daŋ arabotie aŋiyo ettedou, 4buo fe amati arabotie aari huttedou. Amati nyia isi aari Moruo ettedou ninyia ijifaru 'to isi. Amoruo ania, inyi nyia Kristo. 5Ati, ihide erre hunia 'daŋ, oluaji nyia hulosi hullo obeŋ Hollum omuno, ania, oyerik isi 'daŋ dor dor itua hidiofo. 6Ihuania, arai erre hunia 'daŋ jihohoi esariti jio, hèlaha emuno eyyau ihuo isi; 7kuyya etahabuyo arrijiorita ihuo ihanie nyia omuk hulosi. Ihuo ojio abuk Hollum jio, “Ihuhumani nyia aati hulia agari ono amata iko ehanio hirre somon onno obeŋ esidi, attati itterio ahia.” 8Hèlaha luŋa ewon iko eyyau ono erre somon ihuo omuk hulosi…ania, iholoŋ abotie, oyerik omuk hulosi alif atomuana arrihai hohunihoi (23,000). 9Hèlaha luŋa ekemio Lamonye#10:9 Lamonye : ojiori omuk egierita jio, Kristo. ihuo ihani nyia omuk hulosi — ania, otuhorik amunuok isi. 10Hèlaha luŋa eŋuŋunita ihuo omuk hulosi…ania, otuhiere Ajilo olo Naye isi.

11Iduoŋi nyia erre hunia jihosi isariere aati hullomuk, ati igioroni nyia erre hunia ittiyeniere hohoi. Nyio, emanya jio aŋasi hunne iliahari esidi fau.

12Elle igigilo obo alatai jio ogol neruk honyi, ijiara inyi ihum mijio ŋadi ofodoŋoro addi. 13Hèbiaŋata itai irumana obo akemio onno hobeŋi aati hullomuk orumani inyi. Ati ogottiere Hollum ecorit honyi. Ittallik adi inyi iŋatana okemi itai agalik agolon attanatai. Jio asaa onno okemierek itai, isiarak adi inyi jihatai agolon idihuniere akemio ania, ette buo fe isiarana jihatai ekoi erisi.

14Tania, illarak iko haniyarak hoŋ, idehina etahabuyo 'rijiorita. 15Ekiana ni jihatai nyio, amijak ni jio ilofiorojoto itai. Oŋototo eram enne ekiana ni ania ta ahuattek hatai. 16#Mat 26:26-28; Mar 14:22-24; Luk 22:19-20Ematit enne ematari jio Aŋiyo ono Lamonye, enne esiaraniere ahumo jio Hollum; elle ematari inyi, enosonio luŋa jio nooto Kristo. Elle ebeny buo fe emune ette iŋiyo, enosonio luŋa jio ahuan Kristo. 17Ta arahan emune ania abotie, era 'daŋ ahuan abotie, duadi bu eluaja; nyio, ebibeny 'daŋ emune abotie ania.

18Iko ogiluna aati Israele; hullo oŋiye 'to erre hunne isiori ehumita, inosonie isi jio ehuma ette ititiek enne isiori jio Hollum. 19Imijana soho itai eram enne ekiana ni? Ajio soho ni jio owon obo ariŋ jio aŋiyo enne isiori jio arrijiori jiok, kuyya ara soho arrijiori ariŋ hode? 20Obeŋ! Ajio ni jio, ehumi enne isiarani atimok Hollum, isiori isi jio aminiaŋa, obiaŋara jio Hollum. Ati, abeŋ ni awak itai inosoti iko aminiaŋa. 21Ittallihoto itai imatari ematit ono Lamonye buo fe imatati ono aminiaŋa. Ittallihoto itai iŋiyo itteremeja Lamonye buo fe iŋiyete itteremeja miniaŋa. 22Ewak ti itahayin Lamonye? Egalik soho inyi ta agolon?

23 # 1Kor 6:12 “Aŋatani hohoi ihaniere erre 'daŋ,” ati obiaŋara erre 'daŋ oyiji. “Aŋatani hohoi ihaniere erre 'daŋ”…ati obiaŋara erre 'daŋ oluahie hohoi. 24Igiamati luŋa iyaŋuniere ayiji jio aati hullomuk, buo obiaŋara jio ahuattek hatai.

25Oŋiyete erre 'daŋ hunne itinyiaŋie isuk hiriŋo. Hèttigemiete ossi hatai obojiai. 26Ojio abuk Hollum jio, “Ara afau iko erre huttononyi 'daŋ, a huno Lamonye.”

27Elle iloŋoro atulo ollo obeŋ 'to ara aheruhoni iyye iŋiria, buo iyye iruk aleten, oŋiye ariŋ enne ihanani ihosiere hoi. Hèttigemio ahou hoi obojiai. 28Buo elle iramak obo jihoi jio, “Isiori nyia aŋiyo ania jio arrijiorita jiohin,” te eram ono atulo elle iramak 'to alia jihoye iko te egigilo otto hou hoi, hèŋiyo aŋiyo ania… 29ekiana ni eram otto hou honyi, obiaŋara otto hou hoi.

Nyio, ifiyo adi obo jio, “Nyio itik ariŋ otto hou obo atulo ani ihaniere ihuo awak ni? 30Elle esio ni ahumo jio Hollum te eram ŋiria ottonoŋ, nyioti ikianai onno orroho jihoŋ te eram aŋiria ania, enne esiaraniere ni ahumo jio Hollum tenyi?”

31Tania, erre 'daŋ hunne ihaniete itai, kuyya iŋiyete itai kuyya imatati itai, ihaniete isi 'daŋ itakuaciere afure Hollum. 32Hèhanata obo ariŋ onno orroho jio Yudei kuyya jio Alufajak kuyya jio eluluŋ heruhok Hollum. 33Ihaniete luŋa ihuo enne ehaniere ni; awak ni itamuno aati 'daŋ te erre hunne ehanio ni. Abeŋ ni egigilo iyaŋuniere ayiji ihuan hoŋ, ati iyaŋuniere ayiji jio aati 'daŋ jio, oŋida bati italahuni isi.

Currently Selected:

1Korinto 10: EA2003

Highlight

Copy

Compare