1 Kor 8

Thiëc në Biäk de Kuïn ye Gäm Yiëth

1Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet. 2Ku të lueelë raan en, an, ŋic käŋ, ke ŋoot ke kuc käŋ kë cït kë bï dhil ŋic. 3Ku të nhiɛɛrë raan Nhialic, yen aye ŋic ë ye.

4Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei. 5Ku na ciɛk dɛ ka cï tɔ ye yiëth: nɔn ee yen tënhial ku nɔn ee yen ë piny nɔm, cït man nu yiëth juëc, ku nu bäny juëc, 6ku të de wook ade Nhialic tök tei, yen Wääda, Aciëŋ ë bïï käŋ kedhie ë ye, ku tɔ̈uku në yen, ku Bɛ̈nydït tök, yen Yecu Kërtho, raan tɔ̈uwë käŋ kedhie ë ye, ku tɔ̈uku në yen.

7Ku ŋïny de ee kënë acïï nu tëde kɔc kedhie: kɔc kɔ̈k a riëëukï yiëth ë kepiɔ̈ɔ̈th, gokï këdäŋ aa cam aɣet cï ënɔɔnë, ku tɔkï ë ke cï nɔ̈k yath, ago piɔ̈nden rac në kɔ̈c kɔ̈ɔ̈c en jɔ dhiöök. 8Ku këcam acïï wo duëër tɔ piɛth ë Nhialic nɔm: acakaa të ye wok cam, acïn këpiɛth yok yök, ku acakaa të cïï wok ee cath, acïn kë dak wook.

9Yak röt tiit, duökï riɛlduönë tɔ ye kë bï kɔc kɔ̈c tɔ wäc käŋ. 10Ku të tïŋë raan yïn, yïn raan de ŋïnydekäŋ, ke yï nyuc ë këcam nɔm luaŋ de yath, cïï piɔ̈n ë raan kɔ̈c bï ŋeeny ago ka cï näk yiëth aa cam? 11Ku në ŋïnyduön ë käŋ, bï mɛnhkui kɔ̈c määr, mɛnh cï Kërtho thou në baŋde? 12Ku të luöi wek mïthëkɔckuɔ kërac aya, ku jɔkï piɔ̈ndɛn kɔ̈c yiëkic kërac, ke Kërtho en a luöikï kërac ayadäŋ. 13Yen na ye rïŋ mɛnhkäi tɔ wäc käŋ, ka cïn rïïŋ bä ya cam anandï, ke ya cïï mɛnhkäi bï aa tɔ wäc käŋ.

Currently Selected:

1 Kor 8: dip-JPB

Highlight

Copy