Popular Bible Verses from 1 Kor 8

Share

ku të de wook ade Nhialic tök tei, yen Wääda, Aciëŋ ë bïï käŋ kedhie ë ye, ku tɔ̈uku në yen, ku Bɛ̈nydït tök, yen Yecu Kërtho, raan tɔ̈uwë käŋ kedhie ë ye, ku tɔ̈uku në yen.

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet. Ku të lueelë raan en, an, ŋic käŋ, ke ŋoot ke kuc käŋ kë cït kë bï dhil ŋic.

Yen na ye rïŋ mɛnhkäi tɔ wäc käŋ, ka cïn rïïŋ bä ya cam anandï, ke ya cïï mɛnhkäi bï aa tɔ wäc käŋ.

Yak röt tiit, duökï riɛlduönë tɔ ye kë bï kɔc kɔ̈c tɔ wäc käŋ.