KUZOYA 36

Kivalwa cha Esau

(1 Mal. 1.34-37)

1Ichi nicho kivalwa cha Esau (nuo Edomu). 2Esau orelowueghe waka wa Kikanaani, nawo ni Ada, mwai wa Eloni Mhiti, na Oholibama, mwai wa Ana mwana wa Sibeoni Mhivi,#Kuz. 26.34 3na Basemathi, mwai wa Ishmaeli, mruna Nebaiothi.#Kuz. 28.9 4Ada ukamva Elifazi; Basemathi ukamva Reueli, 5na Oholibama ukawiva Jeushi, Jalamu, na Kora. Wana awa wose wa Esau werevaloghe isanga ja Kanaani.

6Niko Esau ukawidwa waka wake, wana wake wa womi na wa waka, wandu wose wa nyumbenyi kwake, ng'ombe rake na nyamandu rake rose, na mali rose oreshamieghe ijo isanga ja Kanaani, ukafuma na kughenda noko kula na mruna Jakobo. 7Angu mali rawo rerekoghe nyingi na ndighi andenyi ya ijo isanga werekoghe wikijikaia, hata ndejerewikateghe kukaia chiaimweri, angu werekoghe na ng'ombe nyingi na ndighi. 8Kwa huwu Esau, (nuo Edomu), ukakaia mighondinyi isanga ja Seiri.

9Ichi nicho kivalwa cha Esau ndee Waedomu wikaiagha isanga ja mghondinyi Seiri. 10Mka Esau Ada, oremvaieghe Esau mwana umweri wa womi uwangwaghwa Elifazi, na Elifazi orekoghe na wana wa momi wasanu: 11Temani, Omari, Sefo, Gatamu na Kenazi. 12Na kwa muka wake mzima Timna, ukapata mwana umu wa womi, Amaleki. 13Mka Esau Basemathi, oremvaieghe Esau mwana umweri wa womi uwangwagha Reueli, na Reueli orekoghe na wana wa womi bana: Nahathi, Zera, Shama, na Miza. 14Mka Esau Oholibama, mwai wa Ana wawae Sibeoni, oremvaieghe Esau wana wa womi wadadu: Jeushi, Jalamu na Kora.

15Iri niro mbari rifumie kwa Esau. Mwana wa Esau wa imbiri Elifazi orekoghe m'baa wa mbari iri rinughagha: Temani, Omari, Sefo, Kenazi, 16Kora, Gatamu, na Amaleki. Awa wose werekoghe kivalwa cha Ada mka Esau. 17Mwana wa Esau Reueli orekoghe m'baa wa mbari iri rinughagha: Nahathi, Zera, Shamu, na Miza. Awa wose werekoghe kivalwa cha Basemathi mka Esau. 18Mbari iri rinughaani kivalwa cha Esau kwa muka Oholibama mwai wa Ana: Jeushi, Jalamu, na Kora. 19Iri mbari rose redefuma kwa Esau.

Kivalwa cha Seiri

(1 Mal. 1.38-42)

20Wandu wa imbiri werezoeghe kukaia Edomu, werewaghikieghe na kuwuya mbari riwonyeragha kukaia ni kichuku cha Seiri Mhori, seji inughagha: Lotani, Shobali, Sibeoni, Ana, 21Dishoni, Eseri, na Dishani. 22Lotani orekoghe m'baa wa kichuku cha Hori na Hemani, (Lotani orekoghe na mruna wa waka uwangwagha Timna.) 23Shobali orekoghe m'baa wa kichuku cha Alvani Manahathi, Ebali Shefo na Onamu. 24Sibeoni orekoghe na wana wawi wa womi, Aya na Ana. (Uhu nuo orewonieghe ndoria ra machi gha modo kireti, ukilisha weke punda wa ndee.) 25Ana orekoghe ndee Dishoni, 26nao orekoghe m'baa wa vichuku va Hemda, Eshbani, Ithrani, na Kerani. Wokoni Ana orekoghe na mwai uwangwagha Oholibama. 27Eseri orekoghe m'baa wa vichuku va Bilhani, Saawani, na Akawi. 28Dishani orekoghe m'baa wa vichuku va Uzi na Arani. 29Iri niro mbari ra Wahori wiko isanga ja Edomu: Lotani, Shobali, Sibeoni, Ana, 30Dishoni, Eseri, na Dishani.

Wazuri wa Edomu

(1 Mal. 1.43-54)

31Awa niwo wazuri werebonyereghe nguma isanga ja Edomu, imbiri mzuri ungi usebonyere nguma aighu ya Israeli. 32Bela mwana wa Beeri, oreibonyereghe nguma Edomu, na muzi ghwake ghorewangwaghwa Dinhaba. 33Bela ukafwa, na Jobabu mwana wa Zera kufuma muzi ghwa Bosra, ukabonya nguma wulalo ghwake. 34Jobabu ukafwa, na Hushamu wa isanga ja Watemani, ukabonya nguma wulalo ghwake. 35Hushamu ukafwa, na Hedadi mwana wa Bedadi uhu orewisimieghe Wamidiani isanga ja Moabu, ukabonya nguma wulalo ghwake, na irina ja muzi ghwake ni Awithi. 36Hadadi ukafwa, na Samla kufuma Masreka, ukabonya nguma wulalo ghwake. 37Samla ukafwa, na Shauli kufuma muzi ghwa Rehobothi ghuko kaavui na Moda ghwa Eufrate, ukabonya nguma wulalo ghwake. 38Shauli ukafwa, na Baal-hanani mwana wa Akbori, ukabonya nguma wulalo ghwake. 39Baal-hanani mwana wa Akbori ukafwa, na Hadari ukabonya nguma wulalo ghwake. Irina ja muzi ghwake jerewangiloghe Pau, na muka wake orewangwaghwa Mehetabeli mwai wa Matredi, wawae Mezahabu.

40Awa niwo wabaa wifumie kwa Esau, kunughana na marina gha vichuku vawo na mizi yawo, nawo ni: Timna, Alva, Jethethi, 41Oholibama, Ela, Pinoni, 42Kenazi, Temani, Mibsari, 43Magdieli, na Iramu. Awa niwo weni wabaa wa Edomu, nuo Esau ndee Waedomu, kunughana na andu werekoghe, andenyi ya masanga ghawo.

Currently Selected:

KUZOYA 36: TAITA

Highlight

Compare

Copy