Santiago 3
3
Nadomina̱t lo que nanʉmpay
1Tʉnhermanujat, nagatʉ'tstʉgʉygayu de ajque's̈pay. Najawigap ni'c ʉjtsat na-ajque's̈capay, Dios nas̈-ucyo'tcáj más mʉgʉc te nawatcau oy. 2Ni'c nu'pʉjʉn ʉjtsat nawatcapnaj ma̱jlat. Te tu'c jayau igajanʉmp ma̱jlat, ayé jayau iwatp oy mit oyap iguidomina̱t nu'pʉjʉn iwatpay. 3Nacomgajap frenu tu'c cawa̱yu i-auni'c pa nas̈jayaumaygáj, mit nadomina̱tcajap nu'pʉjʉn icuerpu. 4E'pca-ey tu'c barcu majamʉjo'gaj, mit tu'c s̈e'm mʉgʉcway iguimunʉcs̈p, po ituju'pje̱guí̱jcap tu'c timonwáy, mit we'n oyap iguimunʉs̈ acyo'ypayna' mamu iguiwa'n. 5We'ney nato̱jts titigo'c, po i-acchu̱chip mayo'c cosajat. Wename-ey tu'c titic jʉn-áratsic igui-actoy tu'c cujyuc mʉjway. 6Mit nato̱jts as̈amey jʉjn ni'c i-acchu̱chip nu'pʉjʉn mal, mit ayé tu'c parte itpay nacuerpuni'c mit ayé nas̈acnijingʉjʉp mit ma̱jlat, mit oyap igui-actogoy nu'pʉjʉn navida, ni'c ayé ma̱jlat nanʉmpay i-acchu̱chiu Awayagatsna'. 7Jayajwat oyap iguidomina̱tca nu'pʉjʉn aníma̱jtat, jojnat, tsanajyat, mit aníma̱jtat lama̱tni'jcatway, mit domina̱tic igui-actsʉ̱́nga. 8Po nejʉmay jayau ca-oyap iguidomina̱t ito̱jts, ni'c nato̱tsni'c ipichin nu'pʉjʉn mal nanʉmpay, mit nepʉn ca-oyap igui-atuc, mit ayé as̈am tu'c venenu nas̈ago'cpay. 9Mit na-ajw natu-oyninʉmgap Dios Nate̱jat, mit nije'yu na-ajw natumalninʉmgap jayajwat jeme Dios iwatcʉs̈way as̈am je'. 10Mit nije'yu na-ajw natu-oyninʉmgap mit natumalninʉmgap. Tʉnhermanujat, ca-oy nas̈watca we'n. 11¿Is̈jawiga oyap ipichin mam imu't nʉ' cadutsnʉ' mit ca̱mpa'cnʉ'? 12Tʉnhermanujat, ¿is̈jawiga oyap tu'c higuera-cujy iguiyac aceituna, o oyap tu'c uva-poj iguiyac higu? Wename najawigap ni'c mam imu't nʉ', ca-oyap iguiyac ca̱mpa'cnʉ' mit cadutsnʉ'.
Lo que Dios nas̈actujawigapay
13Te tu'c jayau mam mijchat más ijawip mit más i-is̈cap, ma nas̈actujawigaguéy te iwatp oy. Mit te ijawip may, maganimʉjninʉjmʉ cuandu iguiwatwa'n oy. 14Po te in-angap jeme ijtʉpay mit te mitsuguinwatcap, camnimʉjninʉmgʉjʉ. Ni'c jalmanu is̈jawiga lo que iyacs̈ta'cway, po ingawatcap. 15Dios is̈camoygap pi is̈capca mal cosajat. Ayé mal inis̈capcapay, ayé yamujyu ichu̱chi en ayʉ̱́j mundu, ni'c ayé mal inis̈capcapay, jayajwat i-acchu̱chigau. Ayé mal cosajat Awayagatsna' is̈moygau pi jawiga. 16Ni'c te na-angap jeme ijtʉpay o te natsuguinwatí̱jcap, nagatsʉ̱ngap tranquilu ni'c nawatcap puru mal. 17Po jeme Dios nas̈actujawigapay, primeru ayé nas̈acyo'ygap limpiu, nas̈acniwangʉjʉp, nas̈acjayaumaygap, nas̈actu-ayo̱wis̈cap namupro̱wije̱way, Dios iyacp puru cosa oyway pa nagawétca mit nagatígatsca lo que nanʉmgapay. 18Jeme iche'ngapay paz, igawatcap tsuguin pa nu'pʉjʉn ma watca lo que iyacs̈ta'cway.
Currently Selected:
Santiago 3: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
