Popular Bible Verses from Santiago 3

Share

Po jeme Dios nas̈actujawigapay, primeru ayé nas̈acyo'ygap limpiu, nas̈acniwangʉjʉp, nas̈acjayaumaygap, nas̈actu-ayo̱wis̈cap namupro̱wije̱way, Dios iyacp puru cosa oyway pa nagawétca mit nagatígatsca lo que nanʉmgapay.

Te tu'c jayau mam mijchat más ijawip mit más i-is̈cap, ma nas̈actujawigaguéy te iwatp oy. Mit te ijawip may, maganimʉjninʉjmʉ cuandu iguiwatwa'n oy.

Jeme iche'ngapay paz, igawatcap tsuguin pa nu'pʉjʉn ma watca lo que iyacs̈ta'cway.

Ni'c te na-angap jeme ijtʉpay o te natsuguinwatí̱jcap, nagatsʉ̱ngap tranquilu ni'c nawatcap puru mal.

Mit na-ajw natu-oyninʉmgap Dios Nate̱jat, mit nije'yu na-ajw natumalninʉmgap jayajwat jeme Dios iwatcʉs̈way as̈am je'. Mit nije'yu na-ajw natu-oyninʉmgap mit natumalninʉmgap. Tʉnhermanujat, ca-oy nas̈watca we'n.

Mit nato̱jts as̈amey jʉjn ni'c i-acchu̱chip nu'pʉjʉn mal, mit ayé tu'c parte itpay nacuerpuni'c mit ayé nas̈acnijingʉjʉp mit ma̱jlat, mit oyap igui-actogoy nu'pʉjʉn navida, ni'c ayé ma̱jlat nanʉmpay i-acchu̱chiu Awayagatsna'.

Po nejʉmay jayau ca-oyap iguidomina̱t ito̱jts, ni'c nato̱tsni'c ipichin nu'pʉjʉn mal nanʉmpay, mit nepʉn ca-oyap igui-atuc, mit ayé as̈am tu'c venenu nas̈ago'cpay.

Tʉnhermanujat, nagatʉ'tstʉgʉygayu de ajque's̈pay. Najawigap ni'c ʉjtsat na-ajque's̈capay, Dios nas̈-ucyo'tcáj más mʉgʉc te nawatcau oy.