Romanos 9

I yajcʌntel israelob#9.1-33 Ti jiñi Capítulo 9—11 Pablo mi' cha'len t'añ cha'añ laj coltʌntel, yic'ot che' bajche' jiñi judíojob yom mi ñopob jiñi wen t'añ, yic'ot mi' tsictesan i c'uxbiya yic'ot i yumʌntel Dios. Ili uxp'ejl capítulo mi' mejlel lac t'ox ti uxmojt (Rm 9.1-33; 10.1-21; 11.1-32), yic'ot añ jump'ejl c'ay ti' yujtibal, 11.33-36.

1Mic su'b chuqui isujm ti Cristo, ma'añic mic cha'len lot; che'ʌch mi' su'beñon c pusic'al cʌntesʌbil bʌ cha'añ jiñi Ch'ujul bʌ Espíritu. 2Wen ch'ijiyem c pusic'al, ca'bʌl mic cha'len ña'tʌbal ti pejtelel ora, 3come uts'at muq'uic c chojquel ti tojmulil cha'añ mij coltañ c pi'ʌlob, come c pi'ʌl lojon c bʌ, junlajal c ñojte'el lojon.#Ex 32.32 4Israelobʌch, tsa' pʌjyiyob cha'añ mi' yochelob ti' yalobil Dios,#Ex 4.22; Os 11.1; Rm 8.15,23 tsa' tsictiyi i ñuclel Dios ti' tojlelob,#Ex 16.10; 24.16-17; 40.34-38 tsi' mele Dios xuc'ul bʌ t'añ yic'otob,#9.4 Xuc'ul bʌ t'añ: Jiñi xuc'ul bʌ t'añ, i tajol woli i taj ti t'añ jiñi xuc'ul bʌ t'añ tsa' bʌ i mele Dios yic'ot Abraham (Gn 15.18) yic'ot jiñi tsa' bʌ i mele Dios yic'otob jiñi israelob ya' ti wits i c'aba' Sinaí (Ex 19.4-6) yic'ot ja'el Sal 89.3-4. tsa' aq'uentiyob jiñi mandar, tsa' pʌsbentiyob bajche' yom mi' ch'ujutesañob Dios, tsa' su'bentiyob chuqui mi caj i yʌq'ueñtelob. 5Abraham, Isaac yic'ot Jacob jiñobʌch i ñojte'elob, come ya'i tsa' tili Cristo ti' tojlelob.#Mt 1.1-16; Lc 3.23-38 Cristo jiñʌch lac Dios am bʌ ti' wenta pejtelel chuqui tac añ, la' sujbic i ñuclel ti pejtelel ora. Amén.

6Mach yomic mi la cʌl cha'añ ma'añic mi' ts'ʌctiyel i t'añ Dios, come mach i cha'añobic Dios ti pejtelel i p'olbal Israel.#9.6 Mach i cha'añobic Dios ti pejtelel i p'olbal Israel: Ili t'añ wen tsiquil isujmlel mi laj q'uel ti' tojlel Ismael v. 7-9 yic'ot ti cuxtʌlel Esaú v. 10-13 (Rm 2.28-29). 7Mach cha'añic i p'olbalob Abraham laj i yalobilob ti pejtelel, come ts'ijbubil: “I p'olbal Isaac jiñobʌch a walobilob”.#9.7 Q'uele Gn 21.12; Heb 11.18. Anquese Abraham tsa' tili yam bʌ i yalobilob che' bajche' Ismael yic'ot mu' bʌ i yʌl ti Gn 25.1-6, pero cojach Isaac tsa' bʌ q'uejli che' bajche' mero i yalobil Abraham yic'ot mu' bʌ i laj ch'ʌm pejtelel jiñi albil t'añ. 8Tsiquil che' jiñi: Mach i yalobilobic Dios pejtelel i p'olbal Abraham,#9.8 Mach i yalobilobic Dios pejtelel i p'olbal Abraham: Yom mi yʌl i p'olbal bʌ Abraham tsa' bʌ tili ti Agar yic'ot i yalobil Ismael (Gn 16.1-4,15-16; Gl 4.22-23). jiñi jach i yalobilob Abraham tsa' bʌ tiliyob che' bajche' tsi' wʌn alʌ Dios,#9.8 Che' bajche' tsi' wʌn alʌ Dios: Ilayi woli i taj ti t'añ i p'olbal Isaac (Gn 17.19-21). 9come jiñi t'añ tsa' bʌ su'benti Abraham jiñʌch iliyi: “Ti yam bʌ ja'b cha' talon, Sara mi caj i yʌc' ti pañimil ch'itoñ bʌ i yalobil”,#Gn 18.10,14 che'en.

10Pero mach cojic jach jiñi, che' ja'el Rebeca, tsi' cʌntʌbe i yalobil Isaac lac ñojte'el.#Gn 25.21-26 11Che' bʌ cʌntʌbil to i yalobilob, che' bʌ maxto añic tsi' cha'leyob chuqui wen yic'ot chuqui jontol (cha'añ mi' yujtel che' bajche' tsi' wʌn ña'ta Dios, mi' yajcan majqui jach yom, mach cha'añic wen bʌ i melbal#9.11 Mach cha'añic wen bʌ i melbal: Che' maxto i yila pañimil Esaú yic'ot Jacob, Dios tsi' ña'ta i mel chuqui yom ti' tojlel Jacob, mach ti' tojlelic Esaú. Iliyi yom mi yʌl cha'añ Dios ma'añic tsi' q'uele i melbalob, jiñi cha'añ Dios mi' ch'ʌm ti' wenta che' bajche' i tejclum jiñi judíojob yic'ot jiñi gentilob mu' bʌ i ñopob Cristo, mach cha'añic ti wen bʌ i melbalob (Rm 11.6). mi' yajcan, pero cha'añ yom i pʌy), 12Dios tsi' su'be Rebeca: “Jiñi ascuñʌl bʌ, mi caj i melben i ye'tel jiñi ijts'iñʌl bʌ”,#Gn 25.23 che'en. 13Che' bajche' ts'ijbubil: “Tsa' j c'uxbi Jacob, tsa' c ts'a'le Esaú”,#Mal 1.2-3; Lc 14.26; Jn 12.25 che'en.

14¿Chuqui yom mi lac cʌl, che' jiñi? ¿Mach ba tojic Dios? Toj cu, 15come Dios tsi' su'be Moisés: “Mi caj c pʌsben i yutslel c pusic'al jiñi com bʌ c pʌsben, mi caj c p'untan jiñi com bʌ c p'untan”,#Ex 33.19 che'en. 16Tsiquil che' jiñi mach cha'añic che' yom i pusic'al wiñic, mi cha'añic woli' wersa sajcan i p'untʌntel, mi' p'untʌntel cha'añ che'ʌch yom Dios, 17come i Ts'ijbujel Dios mi' yʌl chuqui tsa' su'benti faraón: “Tsa' c wa'chocoyet ti rey cha'añ mic pʌs c p'ʌtʌlel ti a tojel, cha'añ mi' sujbel j c'aba' ti pejtelel pañimil”,#Ex 9.16 che'en Dios. 18Tsiquil che' jiñi, Dios mi' p'untan majqui yom i p'untan, mi' tsʌts-esʌben i pusic'al majqui yom i tsʌts-esʌben.#Ex 7.3

19Che' jiñi mi caj a wʌl: ¿Chucoch mi' chʌn ña'tan lac mul, che' jiñi? Come ¿majqui mi mejlel i tic' chuqui yom i mel Dios? 20Pero jatet wiñic ¿majquiyet cha'añ ma' cha'len t'añ ti' tojlel Dios bajche' jiñi? Jiñi vaso melbil bʌ ti lum, ¿mu' ba caj i su'ben jiñi tsa' bʌ i mele: Chucoch che' tsa' meleyon che' bajche' iliyi?#Is 29.16; 45.9; Jer 18.1-6 21Jiñi xmel uc'um, ¿mach ba mejlic i c'ʌn jiñi jach bʌ oc'ol cha'añ mi' mel jump'ejl uc'um mu' bʌ i c'ʌjñel cha'añ chuqui uts'at, yic'ot yam bʌ uc'um mu' bʌ i c'ʌjñel cha'añ jiñi mach bʌ weñic?#Jer 18.4-6; 2 Tm 2.20

22¿Chuqui che' jiñi? Anquese yom Dios i pʌs i mich'ajel yic'ot i p'ʌtʌlel, wen jal tsi' cuchbeyob i mul jiñi tsa' bʌ i techbeyob i mich'ajel mu' bʌ caj i jisʌntelob.#Rm 3.25-26 23Cha'añ mi' yʌc' ti tsictiyel pejtelel i ñuclel ti' tojlel jiñi p'untʌbilo' bʌ i cha'añ, wen jal tsi' cuchbeyob i mul jiñi yajcʌbilo' bʌ cha'añ mi' tajob i ñuclel. 24I pi'ʌlonla come pʌybilonla i cha'añ ja'el. Mach jiñic jach judíojob pʌybilob, pero jiñi gentilob ja'el.

25Che' ja'el tsi' yʌlʌ ti' juñ Oseas:

“Mi caj c pejcañob tic tejclum

jiñi mach bʌ c tejclumobic ti yam bʌ ora,

mi caj c pejcan ti c'uxbibil bʌ c cha'añ

jiñi mach bʌ c'uxbibilic ti yam bʌ ora.#Os 2.23; 1 P 2.10

26Mi caj i yujtel ya' ba' tsa' su'bentiyob:

Jatetla mach c tejclumeticla.

Ya'i mi caj i pejcʌntelob

ti yalobil jiñi cuxul bʌ Dios”,#Os 1.10 che'en.

27Che' ja'el Isaías tsi' yʌlʌ ti' tojlel israelob: “Anquese lajal ti tsicol i yalobilob Israel bajche' i ji'il mar, lamital jach mi caj i coltʌntelob,#9.27 Q'uele Is 10.22-23; ca'bʌl texto tac ti Oñiyi bʌ Wen T'añ mu' bʌ i yʌl cha'añ ts'ita' jach jiñi mu' bʌ caj i yajñelob ti xuc'ul ti' tojlel Dios, jiñobʌch jiñi mu' bʌ caj i coltʌntelob (Is 1.9; 4.2-3; 37.31-32; Miq 5.7-8; Rm 11.5). Pablo che'ʌch tsi' ch'ʌmbe isujm cha'añ che' mi caj i yujtelob jiñi judíojob (Rm 11.1) tsa' pʌjyiyob, (v. 24) tsa' q'uejliyob ti toj cha'añ tsi' ñopoyob Jesucristo. 28come lac Yum ti orajach mi caj i cha'len meloñel ti toj ti pejtelel pañimil”,#Is 10.22-23 che'en. 29Che' bajche' tsi' wʌn alʌ Isaías:

“Machic jax tsi' cʌybeyonla lac p'olbalob

jiñi i Yum Panchan yic'ot Pañimil,

lajal tsa' jisʌntiyonla bajche'

jiñi año' bʌ ti Sodoma yic'ot ti Gomorra”,#9.29 Q'uele Is 1.9. Sodoma yic'ot ti Gomorra: Q'uele Gn 19.1-28. che'en.

Mi laj q'uejlel ti toj che' mi lac ñop

30¿Chuqui yom mi lac cʌl, che' jiñi? Jiñi gentilob mach bʌ añic tsi' sʌclayob toj bʌ i pusic'al, tsa' mejli tajob toj bʌ i pusic'al, cha'añ tsi' ñopoyob. 31Jiñi israelob tsa' bʌ i ñopo i tajob toj bʌ i pusic'al cha'añ ti' jac'ol mandar, ma'añic tsa' mejli i tajob. 32¿Chucoch? Come tsi' sʌclayob toj bʌ i pusic'al cha'añ ti' jac'ol [mandar],#9.32 Mandar: Ili t'añ ma'añic mi lac taj ti yan tac bʌ Biblia. mach cha'añic tsi' ñopoyob; jiñi cha'añ tsa' yajliyob ti jiñi xajlel ba' mi' jats'ob i yoc, 33che' bajche' ts'ijbubil:

“Awilan, mi cʌc' ti Sión jump'ejl Xajlel

ba' mi' jats'ob i yoc wiñicob x'ixicob,

yic'ot colem Xajlel mu' bʌ i yʌc'ob ti yajlel.

Jiñi mu' bʌ i ñop jiñi Xajlel

ma'añic mi caj i yu'bin quisin”,#9.33 Che' mi' laj q'uel Is 28.16, temel yic'ot Is 8.14; yic'ot ja'el 1 P 2.6-8. Jiñi Xajlel, jiñʌch i lajintel Cristo. che'en.

Currently Selected:

Romanos 9: NTCH

Highlight

Compare

Copy