Romanos 8
8
Cuxulonla ti Espíritu#8.1-27 Ili t'añ Cuxulonla ti Espíritu (v. 9), jiñi texto am bʌ ti Rm 7.6, ila ti cap. 8 mi' wen tsictesan isujmlel; jiñʌch i yujtibal i cʌntesa pejtelel jiñi capítulo tac tsa'ix bʌ laj q'uele tilel yic'ot ja'el jiñʌch i tejchibal jiñi cʌntesa mu' bʌ i yʌl ti capítulo, 12—15.
1Jiñi cha'añ ma'añix tojmulil ti' tojlelob jiñi año' bʌ ti Cristo Jesús,#Rm 6.11 [jiñi mach bʌ añix mi' chʌn jac'beñob i tsuculel i pusic'al, pero mi' jac'beñob jiñi Espíritu,]#8.1 Ili t'añ: Jiñi mach bʌ añix mi' chʌn jac'beñob i tsuculel i pusic'al, pero mi' jac'beñob jiñi Espíritu. Ma'añic mi lac taj ti yan tac bʌ Biblia. 2come i p'ʌtʌlel jiñi Espíritu mu' bʌ i yʌq'ueñonla laj cuxtʌlel ti Cristo Jesús, tsi' loc'sayonla ti' p'ʌtʌlel mulil mu' bʌ i yʌc'onla ti chʌmel. 3Jiñi mandar ma'añic tsa' mejli i coltañonla, come c'uñonla cha'añ lac tsucul pusic'al.#Hch 13.38-39; Rm 7.14 Dios tsi' choco tilel i Yalobil lajal bʌ i bʌc'tal che' bajche' lac cha'añ am bʌ i pʌyol ti mulil;#Rm 7.14; Jn 1.14; Heb 2.17-18; 4.15 tsi' yʌc'ʌ i bʌ ti chʌmel cha'añ mi' toj lac mul, cha'añ mi' jilel i p'ʌtʌlel mulil am bʌ ti lac bʌc'tal. 4Tsa' chʌmi cha'añ mi' yʌq'ueñonla lac mel chuqui tac toj che' bajche' yom jiñi mandar, cha'añ mi lac cha'len xʌmbal che' bajche' yom jiñi Espíritu, mach che'ic bajche' yom lac tsucul pusic'al.
5Come jiñi mu' bʌ i jac'beñob i tsucul pusic'al mi' chʌn ña'tañob chuqui yom i tsucul pusic'al;#Rm 7.14-25 pero jiñi mu' bʌ i jac'beñob jiñi Espíritu mi' chʌn ña'tañob chuqui yom jiñi Espíritu. 6Come jiñi mu' bʌ i chʌn jac'ben i tsucul pusic'al mi caj i chʌmel; pero jiñi mu' bʌ i chʌn jac'ben jiñi Espíritu mi' taj i cuxtʌlel yic'ot i ñʌch'tʌlel i pusic'al.#Gl 5.16-25; 6.8 7Jiñi mu' bʌ i chʌn ña'tan chuqui yom i tsucul pusic'al, woli' contrajin Dios, come ma'añic mi' jac'ben i mandar Dios, yic'ot ma'añic mi' mejlel i jac'ben, 8come jiñi mu' bʌ i jac'ben i tsucul pusic'al mach mejlic i mel chuqui uts'at ti' wut Dios.
9Pero jatetla mach chʌn añetixla ti' p'ʌtʌlel la' tsucul pusic'al, añetla ti' wenta Espíritu mi woli' yajñel i yEspíritu Dios ti la' pusic'al.#1 Cor 3.16; 6.19 Jiñi mach bʌ añic i cha'añ i yEspíritu Cristo, mach i cha'añic Dios. 10Pero mi añ Cristo ti la' pusic'al,#Gl 2.19-20; Ef 3.17 anquese mi' chʌmel la' bʌc'tal cha'añ mulil, jiñi Espíritu mi' yʌq'ueñetla la' cuxtʌlel cha'añ tsa' q'uejliyetla ti toj.#8.10 Lac bʌc'tal yic'ot jiñi espíritu: Woli taj ti t'añ jiñi wiñicob x'ixicob che' bajche' iliyi: Che' bajche' juntiquil c'um bʌ yujil bʌ chʌmel pero che' ba' ora mi' tsijibʌyel ti yEspíritu Dios mi' yʌq'uentel i cuxtʌlel mach bʌ añic mi jilel (Rm 7.14). 11Mi ya' chumul ti jatetla i yEspíritu Dios tsa' bʌ i teche ch'ojyel Jesús ba'añ chʌmeño' bʌ; jiñi Dios tsa' bʌ i teche ch'ojyel Cristo Jesús ba'añ chʌmeño' bʌ, mi caj i yʌq'ueñ i cuxtʌlel la' bʌc'tal yujil bʌ chʌmel#8.11 Mi caj i yʌq'ueñ i cuxtʌlel la' bʌc'tal: Iliyi mi caj i yujtel che' ba' ora mi caj i tejchel ch'ojyel pejtelel chʌmeño' bʌ, che' ti' q'uiñilel i meloñel Dios (1 Cor 15.12-14,50-57). cha'añ ti yEspíritu chumul bʌ ti la' pusic'al.#8.11 I yEspíritu mu' bʌ i chumtʌl ti lac pusic'al (Jn 14.17; 1 Cor 6.19; 2 Cor 1.22; Gl 4.6; 1 Jn 4.13).
12Jiñi cha'añ hermañujob, añ ti lac wenta cha'añ mi lac jac'ben lac Yum, mach yomix mi lac jac'ben lac tsucul pusic'al cha'añ mi lac mel chuqui yom lac bʌc'tal. 13Mi woli la' mel bajche' yom la' tsucul pusic'al, mi caj la' chʌmel; pero mi ti' p'ʌtʌlel Espíritu mi la' wʌc' ti chʌmel i melbal la' tsucul pusic'al, cuxul mi caj la' wajñel.#Gl 5.16,24
14Pejtelel mu' bʌ i toj-esʌntelob majlel cha'añ i yEspíritu Dios, jiñobʌch i yalobilob Dios.#Gl 5.18 15Ma'añic tsa' aq'uentiyetla espíritu mu' bʌ i yotsañetla ti mozo cha'añ mi la' cha' ajñel ti' bʌq'uen; Dios tsi' yʌq'ueyetla i yEspíritu, cha'añ mi la' wochel ti yalobil,#Gl 4.5; Ef 1.5 jiñi cha'añ mi la cʌl: ¡Abba, c Tat!#8.15 Q'uele Gl 4.6. ¡Abba! Ili t'añ tilem ti' t'añ arameo, yom mi yʌl: c Tat. Ili t'añ jiñʌch tsa' bʌ i c'ʌñʌ Jesús cha'añ mi' pejcan Dios (Mc 14.36; Lc 11.2). 16Jiñi Espíritu mi' su'beñonla ti lac pusic'al cha'añ i yalobilonla Dios. 17Mi i yalobilonla Dios, añ chuqui mi caj la cʌq'uentel ti Dios,#Ef 1.11; Gl 3.29; 4.7; Ap 21.7 mi tsa' la cu'bi wocol temel yic'ot Cristo, lac tem cha'añ jach la quic'ot Cristo chuqui mi caj la cʌq'uentel, cha'añ temel mi lac taj lac ñuclel yic'ot Cristo.
18Cujil ti isujm cha'añ mach mejlic ti lajintel jiñi wocol am bʌ wʌle yic'ot i ñuclel Cristo mu' bʌ caj i tsictiyel ti joñonla.#2 Cor 4.17 19Come pejtelel melbil tac bʌ ti pañimil woli ti pijt jinto mi' pʌstʌlob i yalobilob Dios. 20Come pejtelel melbil tac bʌ, tsa' asiyi yic'ot wocol,#8.20 Pejtelel melbil tac bʌ, tsa' asiyi yic'ot wocol: Cha'añ ti' caj jiñi mulil tsa' bʌ ochi ti' tojlel wiñicob x'ixicob, tsa' laj asiyi pejtelel chuqui tac añ tsa' bʌ i mele Dios ti wajali (Gn 3.17-19). mach cha'añic che' bajche' bajñel yom, pero che'ʌch yom Dios cha'añ mi' wersa pijtan jiñi ñumen uts'at tac bʌ mu' bʌ caj i tilel. 21Jiñi cha'añ pejtelel jiñi melbil tac bʌ mi caj i yʌjq'uel ti colel ja'el ti' p'ʌtʌlel chʌmel, mi caj i yochel ti libre cha'añ tijicña mi' yajñel yic'ot i ñuclel i yalobilob Dios. 22La cujil cha'añ pejtelel jiñi melbil tac bʌ ti pañimil, woli ti ajacñiyel,#8.22 Pejtelel jiñi melbil tac bʌ ti pañimil, woli ti ajacñiyel: Añ uxchajp jiñi woli bʌ ti ajacñiyel: Pejtelel pañimil, (v. 19-22), i yalobilob Dios, (v. 23-25) yic'ot jiñi Espíritu, (v. 26-27). woli ti bajq'uel yilal che' bajche' x'ixic mu' bʌ caj i yilan pañimil i yalobil. 23Mach cojic jach jiñi melbil tac bʌ woli ti ajacñiyel, pero joñonla ja'el, tsa'ix bʌ aq'uentiyonla ñaxan bʌ lac majtañ, jiñʌch jiñi Espíritu.#8.23 Ñaxan bʌ: Ili t'añ yom mi yʌl ñaxan bʌ i wut pʌc'ʌbʌl tac (Nm 15.18-20; Ef 1.14). Ñaxan bʌ lac majtañ, jiñʌch jiñi Espíritu: Iliyi yom mi yʌl cha'añ Dios mi caj i ts'ʌctesan pejtelel tsa' bʌ i yʌlʌ cha'añ mi caj i yʌq'ueñonla (2 Cor 1.22). Woliyonla ti ajacñiyel ti lac pusic'al, come woliyonla ti pijt jinto mi' tsictiyel i yalobilonla Dios che' mi la cʌq'uentel tsiji' bʌ lac bʌc'tal,#2 Cor 5.2-5; Fil 3.21 24come che' bʌ coltʌbilonla, tsa' caji lac pijtan; mi tsa'ix laj q'uele jiñi woli bʌ lac pijtan, mach chʌn pijtayajix che' jiñi; come jiñi tsa'ix bʌ laj q'uele, ¿chuqui toj mi lac chʌn pijtʌben? 25Mi woli lac pijtan jiñi maxto bʌ laj q'uele, la' lac pijtan ti' xuc'tʌlel lac pusic'al.
26Che' ja'el jiñi Espíritu mi' coltañonla che' c'uñonla, come mach la cujilic bajche' yom mi lac pejcan Dios; pero jiñi Espíritu mi' c'ajtiben Dios ti wocol t'añ chuqui yom ti lac tojlel yic'ot t'añ mach bʌ mejlic la' cʌl joñonla.#Gl 4.6 27Pero Dios mu' bʌ i wen q'uel lac pusic'al#Sal 139.1-4 yujil chuqui yom jiñi Espíritu, come mi' c'ajtiben Dios cha'añ mi' coltañ i cha'año' bʌ che' bajche' yom Dios.
Mi' wen mʌjlel lac cha'añ
28La cujil mi' c'ʌn Dios pejtelel chuqui tac mi yujtel cha'añ i wenlel jiñi mu' bʌ i c'uxbiñob Dios, jiñobʌch jiñi pʌybilo' bʌ i cha'añ che' bajche' tsi' wʌn ña'ta. 29Come Dios tsi' wʌn yajca i cha'año' bʌ,#Am 3.2 tsi' wʌn wa'chocoyob#Ef 1.3-12 cha'añ mi' yʌq'ueñtelob i pusic'al lajal bʌ che' bajche' i pusic'al i Yalobil,#Gl 4.19; Fil 3.10; 1 Jn 3.2 cha'añ mi' taj ca'bʌl i yijts'iñob jiñi ascuñʌl bʌ.#Mt 12.50 30Jiñi tsa' bʌ i wʌn yajcayob, tsi' pʌyʌyob ja'el; jiñi tsa' bʌ i pʌyʌyob, Dios tsi' q'ueleyob ti toj ja'el; jiñi tsa' bʌ i q'ueleyob ti toj, tsi' yʌq'ueyob i ñuclel ja'el.
31¿Chuqui yom mi lac cʌl che' jiñi? Mi woli' coltañonla Dios, ¿majqui mi mejlel i contrajiñonla?#Sal 118.6 32Dios ma'añic tsi' p'unta i Yalobil,#8.32 Ma'añic tsi' p'unta i Yalobil: Ti Gn 22.16, ili texto mi' taj ti t'añ che' bajche' Abraham tsi' yʌc'ʌ i yalobil cha'añ mi' pulben Dios. tsi' yʌc'ʌ ti chʌmel cha'añonla ti lac pejtelel, ¿mach ba muq'uic i yʌq'ueñonla yic'ot Cristo pejtelel chuqui añ to yom lac cha'añ?#Rm 5.8-10 33¿Majqui mi' mejlel i tsictesʌben i mul jiñi yajcʌbilo'#Is 50.7-9 bʌ i cha'añ Dios? Come Dios mi' q'uelonla ti toj. 34¿Majqui mi' mejlel i yʌc'onla ti tojmulil? Come Cristo tsa' chʌmi cha'añonla; tsa' tejchi ch'ojyel ja'el ba'añ chʌmeño' bʌ; che' ja'el añ ti' ñoj Dios#Sal 110.1; Ef 1.20; Mt 22.44 ba' woli' c'ajtiben Dios laj coltʌntel. 35¿Am ba majqui mi mejlel i t'oxonla ti c'uxbiya Cristo? ¿Mejl ba lac wocol, o laj c'oj-ol, o lac tic'lʌntel, o lac wi'ñal, o che' ma'añic lac pislel, o che' añ bʌbʌq'uen bʌ, o jiñi espada? 36Che' bajche' ts'ijbubil:
“Cha'añetla woli c tsʌnsʌntel lojon ti pejtelel ora,
mic pʌjyel lojon majlel che' bajche' tʌñʌme'
cha'añ mic tsʌnsʌntel lojon”,#Sal 44.22; 2 Cor 4.11 che'en.
37Ti pejtelel ili wocol tac bʌ, mi' wen mʌjlel majlel lac cha'añ, cha'añ ti' p'ʌtʌlel Jesús tsa' bʌ i c'uxbiyonla.
38Come cujil ma'añic chuqui mi mejlel i mʌctañ i c'uxbiya Dios, mi jiñic jax chʌmel, o che' cuxulontola, mi ángelob, mi yumʌlob, mi jiñic p'ʌtʌlo' bʌ, mi jiñic mu' bʌ i yujtel wʌle, mi jiñic mu' bʌ caj ti ujtel, 39mi jiñic chañ tac bʌ, mi jiñic am bʌ ti tamlel, mi yan tac bʌ melbil tac bʌ. Ma'añic chuqui mi mejlel i t'oxonla ti c'uxbiya Dios mu' bʌ lac taj ti lac Yum Cristo Jesús.
Currently Selected:
Romanos 8: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
