Romanos 3
3
1¿Am ba chuqui ñumen uts'at i cha'añob judíojob bajche' gentilob? ¿Chuqui i c'ʌjñibal jiñi tsep pʌchʌlel? 2Ca'bʌl, come jiñobʌch tsa' bʌ aq'uentiyob i t'añ Dios ti ñaxan.#3.2 Q'uele Sal 147.19-20. Ili t'añ mi' wen tsictesan isujmlel ja'el ti Rm 9.4-5. 3Isujm, ma'añic tsi' ñopoyob lamital, pero ¿tsa' ba jili i xuc'tʌlel i pusic'al Dios cha'añ ma'añic tsi' ñopoyob?#2 Tm 2.13 4Ma'añic mi' ts'ita'ic, anquese xlotob pejtelel wiñicob, pero Dios mach yujilic lot; che' bajche' ts'ijbubil:
“Cha'añ mi' tsictiyel tojʌch a t'añ
yic'ot cha'añ mi' mʌjlel a cha'añ che' ma' mel a bʌ”,#3.4 Q'uele Sal 51.4 Dios mach yujilic lot: Ili Salmo woli bʌ i taj ti t'añ ili versículo, mi yʌl mi mux i mel i bʌ Dios ti melobʌjʌl mi caj i tsictiyel cha'añ isujmlelʌch i t'añ. che'en.
5Lac jontolil ja'el mi' yʌc' ti tsictiyel toj bʌ i pusic'al Dios, ¿chuqui mi la cʌl, che' jiñi? ¿Mach ba tojic Dios che' mi' yʌc'onla ti tojmulil? (Woliyon ti t'añ che' bajche' mi' cha'leñob t'añ wiñicob). 6Toj cu. Mi mach tojic Dios, ¿bajche' mi mejlel i mel wiñicob x'ixicob año' bʌ ti pañimil? 7Mi woli ti wen tsictiyel i ñuclel Dios cha'añ isujmlel i t'añ Dios woli bʌ c su'b, anquese mi yʌlob cha'añ woliyon ti lot, ¿chucoch woli c chʌn q'uejlel che' bajche' juntiquil xmulil? 8Lamital mi yʌlob cha'añ woliyon lojon ti cʌntesa che' bajche' iliyi: “La' lac cha'len jontolil cha'añ mi' p'ojlel chuqui tac uts'at”.#Rm 6.1-2,15 Ili wiñicob woliyob ti lot, jiñi cha'añ yomʌch mi' tojob i mul che' bajche' yom.
Ma'añic majqui toj
9¿Ixcu che' jiñi? ¿Ñumen uts'atonbala che' bajche' yaño' bʌ? Ma'añic mi' ts'ita'ic, come tsa'ix c su'bu lojon cha'añ jiñi judíojob yic'ot gentilob, ti lac pejtelel chuculonla ti' p'ʌtʌlel mulil.#Rm 1.18—2.29 10Che' bajche' ts'ijbubil:
“Ma'añic majqui toj, mi juntiquilic,
11ma'añic majqui mi' ch'ʌmben isujm,
ma'añic majqui mi sajcan Dios.
12Ti lac pejtelel tsa' lac xoyo lac bijlel,
ma'añic laj c'ʌjñibal tsa' majliyonla,
ma'añic majqui mi' cha'len chuqui wen mi juntiquilic.#Sal 14.1-3; 53.1-3
13Lajal i yej wiñicob bajche' i ti' mucoñibʌl;
mi' cha'leñob lot.
Añ i venenojlel lucum ti' mal i yej;#Sal 140.3
14but'ul i yej ti p'ajoñel yic'ot ti wajleya.#Sal 10.7
15Ajñel mi' majlelob i tsʌnsan i pi'ʌlob.
16Baqui jach mi' majlelob
mi' techob wocol yic'ot jisaya.
17Ma'añic mi' cʌñob
jiñi bij ba'añ i ñʌch'tʌlel lac pusic'al.#Is 59.7-8
18Ma'añic mi' wis bʌc'ñañob Dios”.#Sal 36.1
19Pero la cujil cha'añ pejtelel chuqui ts'ijbubil ti mandar, i cha'añobʌch jiñi ochemo' bʌ ti' wenta jiñi mandar, cha'añ mi' ñʌjch'elob pejtelel wiñicob x'ixicob ti' pañimil, che' mi' melob i bʌ ti' tojlel Dios, 20come mach cha'añic i jac'ol mandar mi' caj i q'uelonla ti toj Dios,#Sal 143.2; Gl 2.16 come jiñi mandar mi' yʌq'ueñonla laj cʌñ cha'añ xmulilonla.
Dios mi' yʌq'ueñ toj bʌ i pusic'al jiñi mu' bʌ i ñop
21Pero wʌle mach cojic jach ti jiñi ts'ijbubil bʌ mandar tsa' tsictiyi toj bʌ i pusic'al Dios, che' bajche' ts'ijbubil ti mandar yic'ot ti' juñ x'alt'añob: 22Tsa' tsictiyi ja'el toj bʌ i pusic'al Dios che' mi lac ñop Jesucristo,#Gl 2.16 pejtelel mu' bʌ i ñopob Jesucristo, mi' yʌq'ueñtelob toj bʌ i pusic'al, come Dios mach jelchojquic mi' q'uel wiñicob x'ixicob, 23come ti pejtelelob tsa'ix i cha'leyob mulil, jiñi cha'añ mach i tajayobix i ñuclel Dios,#3.23 I ñuclel Dios: Q'uele Ex 40.34-35; 1 R 8.11, woli i taj ti t'añ che' bajche' tsa' ajñi jiñi wiñic x'ixic yic'ot Dios che' maxto yajlemobic ti mulil (Gn 1.26-27; 1 Cor 11.7), pero jiñi mulil jiñʌch tsa' bʌ i jisʌbe i tijicñʌyel jiñi wiñic yic'ot Dios. 24pero Dios mi' q'uelonla ti toj cha'añ jach i yutslel i pusic'al ti Cristo Jesús che' bʌ tsi' mʌñʌyonla, cha'añ mi' yʌc'ob ti colel;#3.24 Cha'añ ti' caj tsa' chʌmi yic'ot tsa' cha' ch'ojyi loq'uel Jesucristo ba'añ chʌmeño' bʌ, tsa' mejli i taj i coltʌntel pejtelel wiñicob x'ixicob ti pañimil (Rm 8.23; 1 Cor 1.30; Ef 1.7; Col 1.14). 25come Dios tsi' yʌc'ʌ Cristo cha'añ mi' tojbeñonla lac mul ti' ch'ich'el,#Jn 1.29; Ef 1.7; Heb 9.12-15,24-26; 10.1-14; 1 P 1.18-19 cha'añ mi' lajmel i mich'ajel ti' tojlel pejtelel mu' bʌ i ñopob; che' jiñi tsiquil tojʌch Dios tsa' bʌ i cuchbeyob i mul wiñicob x'ixicob ti yam bʌ ora, 26jiñi cha'añ Dios tsi' pijta ti ili q'uiñ cha'añ mi' pʌs tojʌch i pusic'al, che' bʌ tsi' yʌc'ʌ Jesucristo, jiñi cha'añ tojʌch Dios, yic'ot mi' q'uelob ti toj pejtelel mu' bʌ i ñopob Jesús.
27Che' jiñi, ¿baqui mi' cʌlel jiñi wiñic mu' bʌ i q'uelob i bʌ ti ñuc cha'añ i jac'ol jiñi mandar? Ma'añix i c'ʌjñibal. ¿Chucoch? Come mach cha'añic i jac'ol mandar mi' q'uelonla ti toj Dios, pero cha'añ jach tsa' lac ñopo Jesús. 28Jiñi cha'añ mi lac cʌl, cha'añ jiñi wiñicob x'ixicob mi' q'uejlelob ti toj cha'añ tsi' ñopoyob Jesucristo; mach cha'añic i jac'ol mandar.#Hch 13.39; Rm 1.17; Gl 2.16; Ef 2.8-9; 2 Tm 1.9; Tit 3.5 29Jiñi Dios ¿i cha'añ jach ba judíojob? ¿Mach ba i cha'añic gentilob ja'el? Isujm i cha'añob gentilob ja'el, 30come juntiquil jach Dios.#Dt 6.4 Mi caj i q'uejlelob ti toj pejtelel mu' bʌ i ñopob Jesucristo, jiñi tsepbil bʌ i pʌchʌlel yic'ot ja'el jiñi mach bʌ tsepbilic i pʌchʌlel. 31Ixcu che' jiñi, ¿mu' ba lac jisʌben i c'ʌjñibal jiñi mandar che' mi lac ñop Jesucristo? ¡Ma'añic mi' ts'ita'ic! Mi lac chʌn ña'tʌben i c'ʌjñibal.
Currently Selected:
Romanos 3: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
