Popular Bible Verses from Romanos 3

Share

come ti pejtelelob tsa'ix i cha'leyob mulil, jiñi cha'añ mach i tajayobix i ñuclel Dios, pero Dios mi' q'uelonla ti toj cha'añ jach i yutslel i pusic'al ti Cristo Jesús che' bʌ tsi' mʌñʌyonla, cha'añ mi' yʌc'ob ti colel

Tsa' tsictiyi ja'el toj bʌ i pusic'al Dios che' mi lac ñop Jesucristo, pejtelel mu' bʌ i ñopob Jesucristo, mi' yʌq'ueñtelob toj bʌ i pusic'al, come Dios mach jelchojquic mi' q'uel wiñicob x'ixicob

come Dios tsi' yʌc'ʌ Cristo cha'añ mi' tojbeñonla lac mul ti' ch'ich'el, cha'añ mi' lajmel i mich'ajel ti' tojlel pejtelel mu' bʌ i ñopob; che' jiñi tsiquil tojʌch Dios tsa' bʌ i cuchbeyob i mul wiñicob x'ixicob ti yam bʌ ora, jiñi cha'añ Dios tsi' pijta ti ili q'uiñ cha'añ mi' pʌs tojʌch i pusic'al, che' bʌ tsi' yʌc'ʌ Jesucristo, jiñi cha'añ tojʌch Dios, yic'ot mi' q'uelob ti toj pejtelel mu' bʌ i ñopob Jesús.

come mach cha'añic i jac'ol mandar mi' caj i q'uelonla ti toj Dios, come jiñi mandar mi' yʌq'ueñonla laj cʌñ cha'añ xmulilonla.

Che' bajche' ts'ijbubil: “Ma'añic majqui toj, mi juntiquilic, ma'añic majqui mi' ch'ʌmben isujm, ma'añic majqui mi sajcan Dios. Ti lac pejtelel tsa' lac xoyo lac bijlel, ma'añic laj c'ʌjñibal tsa' majliyonla, ma'añic majqui mi' cha'len chuqui wen mi juntiquilic.

Jiñi cha'añ mi lac cʌl, cha'añ jiñi wiñicob x'ixicob mi' q'uejlelob ti toj cha'añ tsi' ñopoyob Jesucristo; mach cha'añic i jac'ol mandar.

Ma'añic mi' ts'ita'ic, anquese xlotob pejtelel wiñicob, pero Dios mach yujilic lot; che' bajche' ts'ijbubil: “Cha'añ mi' tsictiyel tojʌch a t'añ yic'ot cha'añ mi' mʌjlel a cha'añ che' ma' mel a bʌ”, che'en.