Romanos 15
15
1P'ʌtʌlon bʌ la, yom mi laj cuchbeñob i sajtemal#Gl 6.1-2; 1 Ts 5.14 jiñi tilebixelo' bʌ i pusic'al, mach yomic mi lac mel chuqui yom lac bajñel pusic'al. 2Ti jujuntiquilonla la' lac mel chuqui uts'at ti' tojlel lac pi'ʌlob cha'añ mi' tajob i colel ti Cristo,#1 Cor 10.24,33 3come Cristo ma'añic tsi' mele chuqui yom i bajñel pusic'al, che' bajche' ts'ijbubil: “Jiñi tsa' bʌ i yʌ'leyetob, tsi' yʌ'leyoñob ja'el”,#15.3 Che' bajche' ts'ijbubil: Q'uele Sal 69.9. Pablo tsi' taja ti t'añ ili texto cha'añ mi' tsictesan cha'añ pejtelel jiñi tsa' bʌ i p'ajayob Dios tsa' yajliyob ti' tojlel Cristo. che'en. 4Pejtelel tsa' bʌ ts'ijbunti ti wajali, tsa' ts'ijbunti cha'añ laj cʌntesʌntel.#1 Cor 10.11 I Ts'ijbujel Dios mi yʌq'ueñonla i xuc'tʌlel yic'ot i ñuq'uesʌntel lac pusic'al cha'añ mi lac pijtan jiñi tal to bʌ. 5Jiñi Dios mu' bʌ i yʌq'ueñonla i xuc'tʌlel yic'ot i ñuq'uesʌntel lac pusic'al, la' i yʌq'uetla ti tem ajñel ti jump'ejl la' pusic'al che' bajche' yom Cristo Jesús,#2 Cor 8.9; Fil 2.5-11; Heb 12.3; 1 P 2.21 6cha'añ ti jump'ejl la' pusic'al mi la' tem tsictesan i ñuclel Dios, i Tat lac Yum Jesucristo.
Jiñi wen t'añ ti' tojlel gentilob
7Jiñi cha'añ tem ch'ʌmʌla la' bʌ ti' wenta che' bajche' Cristo tsi' ch'ʌmʌyetla ti' wenta, cha'añ i ñuq'uesʌntel Dios. 8Come mic su'beñetla tsa' tili Cristo Jesús i coltañ jiñi tsepbilo' bʌ i pʌchʌlel cha'añ mi yʌc' ti tsictiyel isujmlel Dios, cha'añ mi' ts'ʌctesan ja'el jiñi t'añ tsa' bʌ su'bentiyob lac ñojte'el, 9yic'ot cha'añ mi' tsictesʌbeñob i ñuclel Dios jiñi gentilob tsa' bʌ p'untʌntiyob ti Dios, che' bajche' ts'ijbubil:
“Jiñi cha'añ mi caj c su'b a ñuclel ti' tojlel gentilob
mi caj j c'ʌyibeñet a c'aba'”.#2 Sm 22.50; Sal 18.49
10Mi' cha' al:
“Tijicñesan la' pusic'al gentilet bʌ la,
temel yic'ot i cha'año' bʌ Dios”.#Dt 32.43
11Ts'ijbubil ja'el:
“Su'bula i ñuclel lac Yum pejtelel gentilet bʌ la,
yic'ot su'bula i ñuclel pejtelel xchumtʌl tac”.#Sal 117.1
12Tsi' cha' alʌ Isaías:
“Mi caj i tilel i p'olbal Isaí,
cha'añ mi' cha'len i yumʌntel
ti' tojlel pejtelel pañimil,
mu' bʌ caj i pijtañob”,#Is 11.1-10 che'en.
13Jiñi Dios mu' bʌ i yʌq'ueñonla lac pijtaya, la' i bujt'esan la' pusic'al ti' tijicñʌyel yic'ot i ñʌch'tʌlel che' mi la' ñop, cha'añ mi wen p'ojlel i xuc'tʌlel la' pusic'al ti pijtaya ti' p'ʌtʌlel jiñi Ch'ujul bʌ Espíritu.
I YUJTIBAL
(15.14—16.27)
I ye'tel Pablo
14Quermañujob cujil ti isujm, añ ca'bʌl i yutslel la' pusic'al yic'ot la' ña'tʌbal. La' wujil bajche' yom mi la' xic'ben la' bʌ ti uts'at. 15Pero tsa' c ña'ta ts'ijbubeñetla quermañujob, anquese mach che'ic yom, cha'añ mi la' cha' ña'tan, mic mel cha'añ i yutslel i pusic'al Dios tsa' bʌ aq'uentiyon, 16cha'añ mi cochel ti x'e'tel i cha'añ Jesucristo ti' tojlel gentilob, cha'añ mic su'beñob i wen t'añ Dios, cha'añ mi cʌq'uen Dios jiñi gentilob che' bajche' jump'ejl ofrenda mu' bʌ i mulan, sʌc-esʌbil bʌ ti Ch'ujul bʌ Espíritu.#15.16 Q'uele Rm 11.13; Gl 2.8. Pablo mi' cha'len t'añ che' bajche' tsi' meleyob i ye'tel jiñi motomajob ti wajali che' ba' ora tsi' yʌq'ueyob i majtañ Dios, che'ʌch mi caj i yʌq'ueñ Dios i cuxtʌlel jiñi gentilob che' bajche' jump'ejl i majtañ Dios (Rm 12.1).
17Ti Cristo Jesús mij q'uel c bʌ ti ñuc cha'añ que'tel aq'uebilon bʌ ti Dios. 18Come ma'añic chuqui com c tsictesan, cojach jiñi tsa' bʌ i mele Cristo tic tojlel, che' bʌ tsi' c'ʌñʌ c t'añ yic'ot c melbal, cha'añ mi' jac'ob t'añ jiñi gentilob. 19Tsi' pʌsʌ ñuc bʌ i yejtal i p'ʌtʌlel yic'ot bʌbʌq'uen tac bʌ ti' p'ʌtʌlel i yEspíritu Dios,#Hch 13.4-12; 14.8-10; 15.12; 16.16-18; 1 Cor 2.4; 2 Cor 12.12 jiñi cha'añ tsa' c laj but'u ti' wen t'añ Cristo jiñi Jerusalén yic'ot ti' joytʌlel, c'ʌlʌl ti Ilírico.#15.19 Ilírico: Jiñʌch jump'ejl tejclum am bʌ ti' wenta Roma (2 Tm 4.10). Ti ili tejclum wʌ' jaxʌl yilal ba' tsa' ujti i ye'tel Pablo ti subt'añ. 20Jiñʌch che' bajche' tsa' c cha'le wersa c su'b jiñi wen t'añ ba' maxto su'bilic i c'aba' Cristo ame woli c cha' su'b ba' tsi' ñaxan su'bu yam bʌ wiñic,#2 Cor 10.15-16 21come ts'ijbubil:
“Mi caj i c'otel i wut wiñicob x'ixicob
mach bʌ añic tsa' su'bentiyob isujmlel Cristo;
yic'ot mach bʌ añic ba' ora tsi' yu'biyob Cristo,
mi caj i ch'ʌmbeñob isujm”,#Is 52.15 che'en.
Pablo yom majlel ti Roma
22Che' bʌ tsa' c ña'ta majlel ba'añetla, añ ca'bʌl chuqui tsi' mʌctayon.#Rm 1.13 23Pero wʌle ma'añix ba' jochol lum ba' yom mic mel que'tel, come añix ca'bʌl ja'b com majlel ba'añetla, 24ba' ora mic majlel ti España, mi caj ñumel ba'añetla cha'añ mij q'ueletla, che' bʌ tsa'ix poj tem ajñiyonla, mic pijtan cha'añ mi la' coltañon c'ʌlʌl jinto mi j c'otel ya' ba' samiyon.#15.24 Ba' ora mic majlel ti España: (v 28) mach lac cujilic mi isujm tsa'ʌch c'oti Pablo c'ʌlʌl ya' ti España, come pablo yom majlel ti Roma mach cha'añic tsa'ix ujti i ye'tel (v 23) yic'ot mach cha'añic ma'añix chuqui junyajlel yom melol, come jiñi yom bʌ Pablo jiñʌch cha'añ jiñi xñopt'añob ya' ti Roma mi' coltañob ti' su'bol jiñi wen t'añ ti pejtelel jiñi lum ba' maxto su'bilic i t'añ Cristo (20). 25Pero wʌle mic majlel ti Jerusalén#15.25-29 Jiñi xʌmbal tsa' bʌ i mele Pablo ya' ti Jerusalén yic'ot che' bʌ tsa' pʌjyi majlel ti Roma che' cʌchbil, mi lac taj ti Hch 21—28, pero ti jiñi tsiji' bʌ wen t'añ ma'añic mi yʌl mi tsa'ʌch ts'ʌctiyi che' yom majlel ti España. cha'añ mic ch'ʌmbeñob majlel i coltʌntel i cha'año' bʌ Dios, 26come jiñi año' bʌ ti Macedonia yic'ot ti Acaya tsi' yʌc'ʌyob ofrenda cha'añ i coltʌntel i cha'año' bʌ Dios ya' ti Jerusalén mach bʌ añobic i chu'bʌañ.#15.26 Jiñi Macedonia jiñʌch jiñi am bʌ ti norte ya' ti Grecia ya' baqui añ jiñi tejclum Filipos yic'ot Tesalónica (Hch 16.9—17.14); jiñi Acaya ya'añ ti sur ya' ti Grecia ya' baqui añ jiñi tejclum Atenas yic'ot Corintios (Hch 17.15—18.18). Jump'ejl ofrenda (Gl 2.10; 1 Cor 16.1-4; 2 Cor 8—9). 27Tsi' ña'tayob cha'añ uts'at mi' melob ili coltaya, come añob i bet ti' tojlel israelob, come jiñi gentilob tsa' tem aq'uentiyob i wenlel ti Dios yic'otob, jiñi cha'añ yom mi' coltañob ja'el ti' chu'bʌañ jiñi hermañujob año' bʌ ti Jerusalén.#1 Cor 9.11 28Jiñi cha'añ ba' ora mi cujtel ti jiñi e'tel, che' bʌ tsa'ix cʌq'ueyob i majtañ, mi caj c ñumel ba'añetla che' mic majlel ti España. 29Cujil che' mij c'otel ba'añetla, Cristo mi caj i yʌq'ueñonla ca'bʌl lac wenlel yic'ot lac tijicñʌyel [ti jiñi wen t'añ.],#15.29 Ti yan tac bʌ Biblia ma'añic mi lac taj ili t'añ: ti jiñi wen t'añ.#Rm 1.11-12
30Pero wʌle mic cha'len wocol t'añ ti la' tojlel hermañujob cha'añ ti lac Yum Jesucristo, yic'ot cha'añ ti jiñi Espíritu mu' bʌ i yʌq'ueñonla laj c'uxbin lac bʌ, cha'añ mi la' coltañon ti oración, pejcanla Dios cha'añon, 31cha'añ ma'añic mic chujquel ti' c'ʌb jiñi mach bʌ añic mi' ñopob ya' ti Judea, cha'añ uts'at mi' ch'ʌmob i majtañ mu' bʌ caj cʌq'ueñob i cha'año' bʌ Dios ya' ti Jerusalén,#15.30-31 Q'uele 2 Cor 1.11. Che' ba' ora mi' c'otel ti Jerusalén, Pablo mi caj i taj i ts'a'lentel ti' tojlel judíojob mach bʌ añic mi' ñopob Dios (Hch 21—23); yic'ot ja'el woli i ts'ita' mel i pusic'al come i tajol ma'añic mi caj i ch'ʌmbentel ti uts'at jiñi ofrenda woli bʌ i ch'ʌm majlel cha'añ jiñi p'ump'uño' bʌ xñopt'añob ya' ti Jerusalén (v. 25-28). 32cha'añ mi che'ʌch yom Dios tijicña mij c'otel ba'añetla yic'ot cha'añ mij c'aj coj ba'añetla.
33Jiñi Dios mu' bʌ i yʌq'ueñonla i ñʌch'tʌlel lac pusic'al la' ajñic la' wic'ot ti la' pejtelel. Amén.
Currently Selected:
Romanos 15: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
