Romanos 13
13
1Ti pejteletla jac'benla i t'añ jiñi año' bʌ i ye'tel ti pañimil, come ma'añic am bʌ i ye'tel mach bʌ ch'oyolic ti Dios. Jiñi año' bʌ i ye'tel wʌle, Diosʌch tsi' wa'chocoyob.#1 Tm 2.1-2; Tit 3.1; 1 P 2.13-17; Pr 8.15-16 2Jiñi cha'añ, jiñi mu' bʌ i ñusʌbeñob i t'añ año' bʌ i ye'tel, mi' ñusʌben i t'añ jiñi wa'chocobilo' bʌ i cha'añ Dios, jiñi mu' bʌ i ñusañob t'añ mi caj i tojob i mul. 3Jiñi mu' bʌ i cha'len chuqui wen ma'añic mi' cajel ti bʌq'uen ti' tojlel jiñi yumʌlob, jiñi jach mu' bʌ i cha'leñob jontolil. Mi mach awomic mi' tejchel a bʌq'uen ti' tojlel año' bʌ i ye'tel, mele chuqui wen, che' jiñi, uts'at mi caj i q'uelet, 4come jiñi am bʌ i ye'tel i wiñicʌch Dios cha'añ mi' cʌntañet. Pero mi woli' a cha'len jontolil, cha'len bʌq'uen come mach lolomic jach añ i yespada, aq'uebil i ye'tel ti Dios cha'añ mi' cha'len toj bʌ meloñel yic'ot cha'añ mi yʌq'ueñ i toj i mul jiñi mu' bʌ i cha'len jontolil. 5Jiñi cha'añ yom mi lac jac'ben i mandar, mach cojic jach cha'añ ma'añic mi' laj cʌq'uentel lac toj lac mul, pero cha'añ ma'añic mi' cajel ti t'añ lac pusic'al ja'el, 6jiñi cha'añ mi la' wʌc' tojoñel ja'el, come jiñi año' bʌ i ye'tel i wiñicobʌch Dios che' mi' chʌn melob i ye'tel. 7Tojola ti pejtelel chuqui tac yom bʌ mi la' toj: Aq'uenla tojoñel ti' chajp ti' chajp jiñi mu' bʌ i ch'ʌmob tojoñel; p'isila ti la' wenta jiñi yom bʌ mi la' p'is ti' wenta, q'uelela ti ñuc jiñi yom bʌ mi la' q'uel ti ñuc.#Mt 22.21; Mt 17.24-27
8Mach yomic añ la' bet ti' tojlel la' pi'ʌlob, chʌn c'uxbin la' bʌ, come jiñi mu' bʌ i c'uxbin i pi'ʌlob ts'ʌcʌl mi' jac' jiñi mandar,#Jn 13.34; Gl 5.14; Stg 2.8 9come mi yʌl jiñi mandar: “Mach a cha'len ts'i'lel, mach a cha'len tsʌnsa, mach a cha'len xujch', mach a cha'len jop't'añ,#13.9 Mach a cha'len jop't'añ: Ti yan tac bʌ Biblia ma'añic mi lac taj ili t'añ. mach a mulan chu'bʌañʌl”,#Ex 20.13-17; Dt 5.17-21; Mt 19.18 yic'ot jiñi yam bʌ mandar tac, mi' ts'ʌctiyel che' mi lac jac' ili mandar: “C'uxbin a pi'ʌlob che' bajche' ma' bajñel c'uxbin a bʌ”.#Lv 19.18; Mt 5.43; 19.19; 22.37-40; Gl 5.14 10Jiñi c'uxbiya ma'añic mi' p'ol wocol ti' tojlel yaño' bʌ; jiñi cha'añ i ts'ʌctesʌntel jiñi mandar jiñʌch che' mi lac cha'len c'uxbiya.
11La cujil i yorajlelix wʌle, yomix mi lac ch'ojyel ti wʌyel,#1 Ts 5.4-8 come c'ax lʌc'ʌlix laj coltʌntel come añix ora tsa' caji lac ñop. 12Yomix ñumel jiñi ac'ʌlel, talix jiñi q'uiñ;#13.11-14 Q'uele 1 Ts 5.4-8. Jiñʌch lac xic'bentel ti ili texto yic'ot ti capítulo 12—13, mi' tsictesan i jilibal ili pañimil (Rm 12.2) yic'ot che' ba' ora mi caj i cha' tilel Cristo. la' laj cʌy i ye'tel ic'yoch'an bʌ pañimil,#Ef 4.22-25; Col 3.8-12 la' lac lʌpben i sʌclel pañimil i wenta lac mʌctijib.#13.12 Lac mʌctijib mi' wen tsictesan ti 2 Cor 6.7; 10.4; Ef 6.10-17; 1 Ts 5.8 ic'yoch'an bʌ… I sʌclel Ef 5.8-11. 13La' lac cha'len xʌmbal ti uts'at che' bajche' ti q'uiñil; mach yomic leco bʌ q'uiñijel, mi yʌc'ʌjel, mi ts'i'lel, mi jontolil, mi leto yic'ot mach yomic tsʌytsʌyña bʌ lac pusic'al cha'añ i wenlel lac pi'ʌlob.#Lc 21.34; Gl 5.19-21; Ef 5.18; 1 P 4.3 14Ña'tanla, ajñenla ti uts'at che' bajche' i cuxtʌlel lac Yum Jesucristo,#Gl 3.27 mach yomic mi la' chʌn mel chuqui yom la' tsucul pusic'al.
Currently Selected:
Romanos 13: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
