Romanos 12
12
2. I XIC'BENTEL BAJCHE' YOM MI' YAJÑEL XÑOPT'AÑOB
(12.1—15.13)
Jiñi tsiji' bʌ laj cuxtʌlel
1Jiñi cha'añ hermañujob, ti wocol t'añ mic su'beñetla cha'añ ti' p'untaya Dios, aq'uenla Dios la' bʌc'tal che' bajche' tsʌnsʌbil bʌ i majtañ anquese cuxulet to la,#12.1 Tsʌnsʌbil bʌ i majtañ anquese cuxulet to la: Ti' culto jiñi judíojob wajali tsi' tsʌnsayob alʌc'ʌl cha'añ i majtañ Dios; pero wʌle ma'añic woli i chʌn c'ajtin tsʌnsʌbil bʌ i majtañ cojach cha'añ mi' lac cʌq'uen lac bʌ ti' pejtelel lac cuxtʌlel ti melol i ye'tel Dios (Rm 6.19). jiñʌch ch'ujul bʌ i majtañ yic'ot uts'at bʌ mi' q'uel, jiñʌch i ch'ujutesʌntel ti' isujm. 2Mach mi la' mel bajche' mi' melob jiñi año' bʌ ti pañimil,#Ef 4.23; Rm 13.11-14 la' q'uextʌyic la' pusic'al ti tsijib, cha'añ mi la' cʌn chuqui yom Dios, jiñʌch wen tac bʌ yic'ot ts'ʌcʌl tac bʌ mu' bʌ i mulan.
3Mic su'beñetla ti' yutslel i pusic'al Dios tsa' bʌ aq'uentiyon:#Rm 1.1,5; 15.15-16 Ti jujuntiquiletla mach mi la' ña'tan ti la' pusic'al ñumen añ la ñuclel che' bajche' añ, ña'tan jach la ti toj la ñuclel ti jujuntiquiletla che' bajche' tsi' yʌq'ueyetla la ñop Dios. 4Che' bajche' ti lac bʌc'tal añ ca'bʌl chucbil tac bʌ, pero mach junchajpic jach i c'ʌjñibal, 5che' ja'el joñonla anquese ca'bʌlonla, jump'ejl jach lac bʌc'tal ti Cristo, lac tem cha'añʌch lac bʌ.#1 Cor 12.12-31; Ef 1.22-23; 4.15; Col 1.18
6Mach junchajpic jach laj c'ʌjñibal tsa' bʌ aq'uentiyonla ti' yutslel i pusic'al Dios: Mi añ lac c'ʌjñibal ti subt'añ,#1 Cor 14.1 la' laj su'b ti uts'at che' bajche' tsi' yʌq'ueyonla lac ñop Dios; 7mi cha'añʌch mi laj coltañ lac pi'ʌlob, la' laj coltañob; mi cha'añ mi lac cha'len cʌntesa, la' lac cha'len cʌntesa; 8mi cha'añ i ñuq'uesʌntel i pusic'al lac pi'ʌlob, la' lac ñuq'uesʌbeñob i pusic'al; mi cha'añ mi lac pucbeñob lac chu'bʌañ, la' lac cʌc' ti pejtelel lac pusic'al; mi cha'añ mi lac mel lac que'tel, la' lac wen mel ti uts'at; mi cha'añ la cujil p'untaya, la' lac cha'len ti' tijicñʌyel lac pusic'al.#12.6-8 Ti' chajp ti' chajp laj c'ʌjñibal (1 Cor 12.4-11; 1 P 4.10-11).
Jiñi yom bʌ mi' mel xñopt'añob
9Cha'lenla c'uxbiya ti isujm.#1 Tm 1.5; 1 P 1.22 Ts'a'lenla jontolil yic'ot melela chuqui tac wen.#Am 5.15 10C'uxbin la' bʌ, come la' pi'ʌl la' bʌ; yom ñumen ñuc mi la' q'uel la' pi'ʌlob che' bajche' mi la' bajñel q'uel la' bʌ.#Fil 2.3 11Mi añ chuqui yom melol, mach yomic ts'u'betla, yom chʌn ch'ejletla ti e'tel; cha'lenla i ye'tel lac Yum ti' tijicñʌyel la' pusic'al; 12yom tijicñayetla ti la' pijtaya, cuchula la' wocol ti uts'at, chʌn cha'lenla oración.#Ef 6.18; Fil 4.4-6; 1 Ts 5.17; Hch 1.14 13Coltañla i cha'año' bʌ Dios ti pejtelel chuqui tac añ to yom i cha'añob yic'ot otsanla ti la' wotot jiñi mu' bʌ i jula'tañetla.#12.13 Q'uele Heb 13.2; 1 P 4.9. Jiñi xñopt'añob ti wajali tsi' wen q'ueleyob ti ñuc yic'ot ti' ch'ujul che' ba' ora mi lac cotsañob ti la cotot jiñi mu' bʌ i julatañonla yic'ot jiñi ñajt bʌ ch'oyolob come mi tajob c'aj-o jiñi ñajt bʌ woli i tilel; pero ñumen ñuc che' ba' ora mi lac cʌq'ueñob lac cotot ba' mi' c'ajob i yoj jiñi mu' bʌ i su'bob jiñi wen t'añ. Jiñi x'e'telob ti' tojlel jiñi xñopt'añob ñumen yom mi' melob (1 Tm 3.2; Tit 1.8).
14Aq'ueñob i yutslel la' t'añ jiñi mu' bʌ i tic'lañetla;#Mt 5.44; Lc 6.28; 1 Cor 4.12 ac'ʌla i yutslel la' t'añ, mach mi la' p'ajob. 15Yom tijicñayetla yic'ot jiñi tijicñayo' bʌ; cha'lenla uq'uel yic'ot jiñi mu' bʌ i cha'leñob uq'uel.#1 Cor 12.26 16Ajñenla ti jump'ejl la' pusic'al yic'ot la' pi'ʌlob;#Fil 2.2 mach mi la' q'uel la' bʌ ti ñuc, tem ajñenla yic'ot jiñi pec' bʌ mi' melob i bʌ. Mach mi la' bajñel ña'tan ñumen ca'bʌl la' ña'tʌbal.#Pr 3.7; Rm 11.25
17Mach mi la' q'uextan jontolil;#Mt 5.38-44; Lc 6.27-30; 1 Ts 5.15; 1 P 3.9; Pr 20.22; 24.29 ña'tan la' mel chuqui toj ti' wut pejtelel wiñicob x'ixicob.#2 Cor 8.21 18Cha'lenla wersa cha'añ ñʌch'ʌl mi la' wajñel yic'ot pejtelel wiñicob x'ixicob.#Mt 5.9; Mc 9.50; Heb 12.14 19C'uxbibilet bʌ la, mach mi la' q'uextan jontolil,#Lv 19.18; Mt 5.39 la' i q'uextan Dios ti' mich'ajel, come ts'ijbubil: “Joñon mij q'uextan jontolil, joñon mi cʌq'ueñob i tojol i mul, che' tsi' yʌlʌ lac Yum”,#Dt 32.35; Heb 10.30 che'en lac Yum. 20Jiñi cha'añ mi añ i wi'ñal la' contra, aq'uen chuqui mi' c'ux; mi añ i tiquinti', aq'uen chuqui mi' jap; mi tsa' mele che' bajche' iliyi, chʌc waxan i wut mi caj i majlel cha'añ quisin.#Pr 25.21-22
21Mach a wʌc' a bʌ ti' jac'ol jontolil, mele chuqui wen cha'añ ma' mʌlben jiñi jontolil.
Currently Selected:
Romanos 12: NTCH
Highlight
Share
Compare
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
