Соломона хамгин сән дун 1
1
1Соломона хамгин сән дун.
Негдгч дун
[Күүкн:]#1:1 [] – иим темдгтә үгмүд евреймүдин бичврт уга. Энүг умшачнрт цәәлһхин төлә немҗ бичгдв.
– Үмс намаг, үмс!
Чини тааллһн чаһрас әмтәхн.
2Чини каңкнсн үнр әмтәхн,
Чини нерн каңкнснла әдл,
Тегәд чамд күүкд дурта.
3Намаг авлад ардасн дууд – хамдан гүүхмн!
Хан намаг эврәннь бәәрнд авч ирв.
Чини төлә бидн нәәрләд байрлхмн,
Чини хәәрлтиг чаһрас үлүһәр туурулхмн –
Чамд күүкд хара биш йир дурта.
[Күүкн:]
4– Ерусалимин күүкд!
Би харвр өңгтәв – болв йир сәәхмб,
Кедар улсин#1:4 Аравийин ар үзгин күчтә отг. сег мет,
Соломон хаана шатр мет.
5Намаг харвр гиҗ бичә хәләтн:
Нарн намаг шатав.
Нанд ахнр уурлв,
Тедн намаг уста үзмин тәрә
хәләтхә гилә,
Болв би эврәннь уста үзмән
хәләсн угав!
[Күүкн:]
6– Дурта иньгм, келич,
Альд малан көөҗ хәрүлдвч?
Альд үдлә теднләһән амрдвч?
Эс гихлә би аюдан эндүрәд,
Чини нәәҗ малчнрин сүрг тал одвзав!
[Көвүн:]
7– Хамгин сәәхн күүкн,
Йовх хаалһан эс медхлә,
Хөөдин мөрәр йов,
Хәрнь ямана ишксән дахул,
Хөөчнрин хошт күрхич!
[Көвүн:]
8– Эңкр күүкн чамаһан, египетин хаана
тергнд зүүлһгдсн гүн мөрнлә дүңцүлнәв!
9Чини халх кеерүләд – сиик өлгхнь,
Чини күзү кеерүләд – келкәтә сувс өлгхнь!
10Чамд алтн сиик кеҗ өгнәвидн,
Терүг цаһан мөңгәр кеерүлнәвидн.
[Күүкн:]
11– Кемр хан нәәрлхлә, Каңкнна мини нард#1:11 Индийд урһдг өвсн. Энүнә уңгас каңкнсн үнртә тос кенә. .
12Мини седкл авлсн күн нандан –
Сөөни дуусн чееҗ деерм
Санамр амрад кевтдг,
Сән үнртә мирртә#1:12 Мирр – каңкнсн үнртә салм., түңгрцг мет.
13Мини седкл авлсн күн нандан –
Минь Эн-Геди гидг һазрин
уста үзмин тәрән дунд цецгәлдг хна мет.
[Көвүн:]
14– Чи ямаран сәәхнч, эңкр күүкн!
Чини нүдн йир таалта.
[Күүкн:]
15– Чи ямаран сәәхнч, иньг минь,
Чи нанд таасгдҗанач!
Мадна орндг – ноһан өвсн,
16Мадна деевр – хошун модн,
Мадна ора – саңгин идәнә модн.
Currently Selected:
Соломона хамгин сән дун 1: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
