romana 8
8
1namawiya māka ēkwa nānipomāwak aniki Christ cisasihk kā ayācik. 2cikēmā ot oyasowēwin pimātisiwini ahcāhk Christ cisasihk ni ki isiikon ēkā kita tipēyimikoyān maciitiwini mina nipowini oyasowēwin. 3cikēmā anima ēkā kā ki itotamomakahk oyasowēwin, wiya ē nēsowahk oyāsiwiwin ohci, kisēmanito, ē isitisawāt wiya okosisa ē isinākosiyit kā isinākwahk maciitiwini wiyās mina kita pakitinimiht maciitiwin ohci, ki nānipotam maciitiwin oyāsowēwinihk: 4anima kā ki itakitēk oyasowēwin kita tipipayitāyahk kiyānaw, kā pimohtēyahk namawiya oyāsowēwinihk isi māka ahcāhkohk isi. 5cikēmā aniki oyāsowēwinihk kā isi ayācik nākatawēyitamwak anihi wiyāsihk kā ayāki; māka aniki ahcāhkohk kā isi ayācik anihi ahcāhkohk kā isi ayayiki. 6wiya ē isi mitonēyitamomakahk wiyāsiwiwin ēwako nipowin; māka ē isi mitonēyitahk ahcāhk ēwako pimātisiwin mina pēyatakēyimowin: 7cikēmā ē isi mitonēyitamomakahk wiyāsiwiwin ēwako kita pakwātiht kisēmanito; cikēmā namawiya tipēyitākwan oyasowēwinihk kisēmanito ohci, namawiya mina ēkosi kita ki ikihk: 8aniki māka wiyāsiwiwinihk kā ayācik namawiya kita ki nahiyawēācik kisēmanitowa. 9māka kiyawāw namawiya wiyāsiwiwinihk kit ayānāwāw, māka ahcāhkohk, kispin oti ot ahcāhkwa. kisēmanito ki kikiskākowāw. māka kispin awiyak ayisiyiniw ēkā ayāwāci ot ahcāhkwa Christ, namawiya tipēyimik. 10kispin māka Christ kikiskākoyēko, miyaw nipomakan maciitiwinihk wiya isi; māka ahcāhk pimātisiw kwayaskitātisiwinihk isi. 11#1 karintiyana 3:16māka kispin ot ahcāhkwa ana kā ki waniskānāt cisasa nipowinihk ohci ki kikiskākowāw, ana kā ki waniskānāt Christ cisasa nipowinihk ohci kita pimātisiskam kā nipomakaki kiyawiwāwa ot ahcāhkwa ohci kā kikiskākoyēk.
12ēkosi māka, niciwāmitik, ki masinaikānānaw, namawiya wiyāsiwiwinihk isi, kita pimātisiyahk ē isi natawēyitamomakahk wiyāsiwiwin: 13cikēmā kispin ki pimātisināwāw ē isi natawēyitamomakahk wiyāsiwiwin, ki ka nipināwāw; māka kispin ahcāhk ohci ki nipatānāwāw miyawi isihcikēwina, ki ka pimātisināwāw.
14cikēmā tahto kā kiskinotaikocik kisēmanito ot ahcāhkwa, ēwakonik kisēmanito okosisa. 15#kalēsiyana 4:5-7#mārk 14:36; kalēsiyana 4:6cikēmā namawiya kohci miyikawināwāw tipēyimikowi ahcāhk mina kita astāsiyēk; māka ki ki miyikawināwāw tāpākomiwēwi ahcāhk, kā ohci itatwēmoyahk, āpā, nohtā. 16ahcāhk wiya kēhciwāk ācimo kiki kit ahcākonawa, ē ot awāsimisimikoyahk kisēmanito: 17kispin māka ot awāsimisa, ēkosi ēkwa otāniskēskamākēwak, ē āniskēskamawāyahk kisēmanito, mina ē wici āniskēskamawāyahk Christ; kispin oti ki wicēwānaw o kotakitāwinihk, kita wicēwāyahk mina o kistēyitākosiwinihk.
18cikēmā nit itakicikān anihi kotakitāwina anohc mēkwāc kā ayaki namawiya ēkoyikohk kita ki itakitēki ēspitēyitākwahk anima kistēyitākosiwin kē nokotwākawiyahk. 19cikēmā ē mitoni pakosēyimot ana kā ki osiih pēhtāw kita nokoimiht okosisa kisēmanito. 20#cēnisis 3:17-19cikēmā ana kā ki osiiht ki tipēyimik pikonata kēkway, namawiya māka wiya ē itēyitahk, māka anihi ohci kā ki isi tipēyitākoikot, 21ē isi pakosēyimot ana kā ki osiiht kita paspit ē tipēyimikot nisiwanātisiwin ohci kita pihtokēt ē isi tipēyimisoyit kistēyitākosiwinihk ot awāsimisa kisēmanito. 22cikēmā ki kiskēyitēnānaw kahkiyaw awiyak kā ki osiiht ē mawimokēt mina ē kotakitāt wisakēyitamowinihk māmawi piyis anohc. 23#2 karintiyana 5:2-4namawiya māka piko ēkosi, māka kiyānaw mina, kā kikiskākoyahk o nistami minisiwiwin ahcāhk, ahpo kiyānaw ki mawimokānānaw picāyihk, ē pēoyahk kita tāpākomikawiyahk, ēwakwānima, kita kitwāmi pimācitāhk kiyawinaw. 24cikēmā pakwanawi itatēyitamowin kā ki ohci pimācihoyahk: māka kā itatēyitamihk ē wāpahtamihk namawiya ēwako pakwanawātāniwan: cikēmā awēnāna pēkwanawi itatēyitahk anima kā wāpahtahk. 25māka kispin ki pakwanawi itatēyitēnānaw anima ēkā kā wāpahtamahk, ēkwa sipēyitamowinihk ki pētānānaw.
26ēkosi mina ahcāhk isi nisokamawātam ki nēsowisiwininaw: cikēmā namawiya ki kiskēyitēnānaw kita isi ayamihāyahk anima kē isi ayamihāyakopan; māka wiya ahcāhk ki natotēstamākonaw ē isi mawimostamākoyahk ēkā kita ki itwēyahk; 27ana mina kā natonikēt mitēihk kiskēyitam ē isi o mitonēyicikanēyit ahcāhkwa, cikēmā natotēstamawēw okanātisiwa ē itēyitamiyit kisēmanitowa. 28ēkosi ki kiskēyitēnānaw aniki kā sākihācik kisēmanitowa kahkiyaw kēkway atoskēmakan kita miyo āpaciikocik, aniki oti kā natomihcik ē itastēyik ot itascikēwin. 29cikēmā anihi niyāk kā kiskēyimāt, ēwakoni mina niyāk kā oyakimāt kita isinākoikowisiyit ot isinākosiwiniyihk okosisa, kita ostēsimākatamiyit ē mihcēticik ociwāmimāwak: 30mina anihi kā ki nikāni oyakimāt, ēwakoni mina ki natomēw: ēkosi anihi kā ki natomāt, ēwakoni mina kā ki kwayaskitātisiwakimāt: anihi māka kā ki kwayaskitātisiwakimāt, ēwakoni mina kā ki kistēyitākohāt.
31tānisi māka kē ki itwēyahk ohi ohci? kispin kisēmanito ki wiciikonaw, awēna nāntaw kē ki itotākoyahk? 32ana ēkā kā ki manāciāt wiya tipiyaw okosisa, māka kā ki pakitināt kahkiyaw kiyānaw ohci, tāniyikohk wāwis kē ki mohci miyikoyahk kahkiyaw kēkway? 33awēna nāntaw kēkway kē ki atāmimāt anihi kisēmanito kā ki nawasonāt? kisēmanito ēwako kā kwayaskitātisiwakimiwēt; 34awēnāna kē nānipomiwēt? Christ cisas kā ki nipit, ēhē yāyaw, kā ki waniskāniht nipowinihk ohci, kā ayāt o kihciniskiyihk kisēmanitowa, ēwako mina kā natotēstamākoyahk. 35awēna kē ki paskētisinikoyahk o sākihiwēwinihk Christ ohci? ayimisiwin ci, ahpo wisakēyitamowin, ahpo kotakihikowin, ahpo notēkatēwin, ahpo mosēskatēwin, ahpo nānisānisiwin, ahpo isawēsk? 36#nikamona 44:22tāpiskoc kā itasinaikatēk, kiya ohci ni nipaikawinān kapēkisik; nit itakimikawinān tāpiskoc māyatihkwak kita mani nipaihcik. 37namawiya, kahkiyaw ēwakoni ohi ayiwāk kit isi ayānānaw iyikohk osākotwāwak, ana ohci kā ki sākihikoyahk. 38cikēmā mitoni ē kēcināoyān, namawāc ahpo nipowin, namawiya mina pimātisiwin, namawiya mina okisikowak, namawiya mina kā kistēyitākosicik, namawiya anihi anohc kā ayāki, namawiya anihi nikān kē ayāki, namawiya mina sokēyitākosiwina, 39namawiya mina kā ispāk, namawiya mina kā timik, namawiya mina nāntaw kotak osihcikan ki ka ki paskētisinikonānaw o sākihiwēwinihk ohci kisēmanito, kā ayāk Christ cisas kā tipēyimikoyahk.
This Bible text is a transliteration of a corrected edition of the 1908 Western Cree Bible; it is in the public domain.