romana 9
9
1tāpwēwin kā itwēyān Christ isi, namawiya pikonata nit itwān, kā kanātisit ahcāhk ē ācimot ni kiskēyimisowinihk, 2mistahi pikwēyitamowin mina wisakitēēwin nit āyan, 3cikēmā ni ka natawēyitē niya kiyām kita macakimit Christ niciwāmak ohci, ni wākomākanak wiyāsihk isi: 4#ēksatas 4:22kā isrēiliwiyiniwicik; kā ayācik tāpākomiwēwin, mina kistēyitākosiwin, mina kiskotamākowina mina oyasowēwin, mina ot atoskākowin kisēmanito, mina asotamākowina; 5wiyawāw koyotāwicik, mina wiyawāw ita kā ohcit Christ wiyāsihk wiya isi, ana kahkiyaw awiya kā tipēyimāt, kisēmanito kā kistakimiht kākikē. āmēn. 6māka namawiya tāpiskoc ot itwēwin kisēmanito ēkā nāntaw ē itāpataniyik. cikēmā namawiya kahkiyaw isrēiliwiwak isrēilihk kā ohcicik: 7#cēnisis 21:12namawiya mina, ēprēāma ē nihtāwikiikocik, ēkota ohci ot awāsimisiw: māka āisak ēkota kita ohci wicikāsowak ki nihtāwikiākanak. 8ēwakwānima, namawiya wiyāsihk ohci kā ot awāsimisihk kisēmanito kā ot awāsimisit; māka aniki asotamākēwin ohci awāsisak ēwakonik kā itakimihcik kita nihtāwikiākaniwicik. 9#cēnisis 18:10cikēmā ēwako oma asotamākēwi itwēwin, oma ikihki ni ka pē itohtān, ēkosi sēra kita okosisiw. 10namawiya māka ēkosi isi piko; māka ripēka wista ē ayāwāt awāsisa pēyak ohci kotāwinawa oti āisaka; 11#cēnisis 25:23cikēmā awāsisak ēkā cēskwa ē nokosicik mina ēkā kēkway ē ki itotahkik ē miywāsiniyik ahpo ē māyātaniyik, ot itascikēwin kisēmanito kita maskawastēyik ē isi otiniwēt, namawiya māka atoskēwina ohci, māka anihi ohci kā natomiwēt, 12ki itāw, ostēsimāw, kita atoskawēw osimimāwa. 13#mālakay 1:2,3tāpiskoc mina kā itasinahikātēk, cēkap ni ki sākihāw, māka isā ni ki pakwātāw.
14tānisi māka kē itwēyahk? maciitiwin ci kikiskāk kisēmanito? namawiya kita ki ihkin. 15#ēksatas 33:19cikēmā itēw mosisa, ni ka kisēwatotawāw ana kā wi kisēwātotawāk, mina ni ka kitimākinawāw ana kā wi kitimākinawak. 16ēkosi māka namawiya ana kā itēyitahk ohci, namawiya mina ana kā pimipatāt ohci, māka kisēmanito kā kisēwātisit. 17#ēksatas 9:16cikēmā kihci masinahikēwin itik pēro, ēwakoma ohci kā ki waniskānitān, kita wāpahtahiwēyān kiya ohci ni maskawisiwin, mina ni wiyowin kita kiskēyitākotāhk misiwēskamik. 18ēkosi māka kisēwātotawēw anihi kā itēyitahk, mina anihi kā itēyitahk maskawiēw.
19ki ka isin māka, tānēki kēyāpic kā ānwēyimiwēt? cikēmā awēnihi kā nakāskamiyit ot itēyitamowin? 20#aysāya 29:16; 45:9namawiya ēkosi, kiya ayisiyiniw, awēna kiya kā nanāskwēwasiat kisēmanito? anima kā ki osicikātēk kita itēw ci anihi kā ki osiikot, tānēki oma kā ki isiiyan? 21ahpo nama ci omikisiyākanikēw tipēyitam anima asiski, ē pēyakwahk wāwiyēnikan pahki kita ohci ositāt asiwacikan kita kistāpatahk, ēkosi pahki kotak ēkā ē kistāpatahk? 22tānisi kispin kisēmanito, ē wi wāpahtahiwēt o kisiwāsiwin, ēkosi o maskawisiwin kita kiskēyitākwaniyik, ki iyinamawēw mistahi sipēyitamowinihk kisiwāsiwi asiwacikana nisiwanācihowinihk ē itakitēki: 23ēkosi mina kita kiskēyitamoiwēt ē isi wēyotaniyik o kistēyitākosiwin kisēwātisiwini asiwacikana, kayās ohci kā ki wawēyiāt kistēyitākosiwinihk, 24kiyānaw oti, asici kā ki natomikoyahk, namawiya piko cowak ohci, māka mina cēntailak ohci? 25#hāsiya 2:23kā itwēt mina hāsiya o masinahikanihk, nit iyinimak ni ka isiyihkātāwak, ēkā kā ki ot iyinimiyān; mina o sākihākana ēkā kā ki sākihihcik. 26#hāsiya 1:10kita ihkin māka, ita kā ki itihcik, namayēw kiyawāw nit iyinimak, ēkota kē isiyihkāticik okosisa kā pimātisit kisēmanito.
27 #
aysāya 10:22,23 aysāya mina ki itwēw isrēila ohci, kispin ētasiyikwēna ot awāsimisa isrēil ē itatwāwakāk yēkaw kihcikamihk, kā iskocik piko kita pimācihāwak: 28cikēmā kā tipēyihcikēt kita tipitotam ot itwēwin askihk, ē kisitāt mina ē cimāsitāt. 29#aysāya 1:9ēkosi, tāpiskoc aysāya kayatē kā ki itwēt, kispin ēkā kā tipēyihcikēt sāpēātihk ki iskonamākoyahk nihtāwikicikēwin, ki ka ki isi ayātānaw tāpiskoc sātam, mina ki ka ki isinākocikēikawitānaw tāpiskoc kamāra.
30tānisi māka kē itwēyahk? aniki cēntailak, ēkā kā ki pimitisahahkik kwayaskitātisiwin, ki otinamwak kwayaskitātisiwin, anima oti kwayaskitātisiwin tāpwēyēyitamowinihk kā ohci ayāk: 31māka isrēil, ē pimitisahahkik kwayaskitātisiwini oyasowēwin, namawiya ohci otinamwak ēwakwānima oyasowēwin. 32tānēki? cikēmā ki natonamwak namawiya tāpwēyēyitamowin ohci, māka tāpiskoc atoskēwina ohci. cikēmā ki pisokēsinwak asinihk kā nēkāmi pisokēsinoiwēt; 33#aysāya 28:16tāpiskoc kā itasinahikātēk, mātika, noyayāw sāyanihk pisokēsinowi asini mina kistāpisk kē nayētāwēyimiht: māka ana kā tāpwētawāt namawiya kita nanēpēwiāw.
This Bible text is a transliteration of a corrected edition of the 1908 Western Cree Bible; it is in the public domain.