romana 7
7
1ahpo ci namawiya ki kiskēyitēnāwāw, niciwāmitik (cikēmā ayisiyiniwak ē kiskēyitahkik oyasowēwin kā itakik), tānisi oyasowēwin kā isi tipēyimikot ayisiyiniw isko ē pimātisit? 2cikēmā iskwēw kā o nāpēmit micimapitik oyasowēwin o nāpēma kita wicēwāt isko ē pimātisiyit; māka kispin ē poni pimātisiyit o nāpēma, pakitinaw o nāpēma oyasowēwiniyihk ohci. 3ēkosi māka kispin, mēkwāc ē pimātisiyit o nāpēma, kotaka nāpēwa wicēwāci, opisikwātisiw kita isiyihkātāw: māka kispin poni pimātisiyit o nāpēma, pakitinik oyasowēwin, ēkosi namayēw opisikwātisiw, kispin āta kotaka nāpēwa wicēwāci. 4ēkosi māka, niciwāmitik, kiyawāw mina ki ki isiikawināwāw tāpiskoc ē nipiyēk oyasowēwinihk isi wiyaw Christ ohci; kita wicēwāyēk kotak, ana oti kā ki waniskāniht nipowinihk ohci, kita nihtāwikitamawāyahk minisiwiwin kisēmanito. 5cikēmā mēkwāc wiyāsiwiwinihk ē ayāyahk, anihi maci natawēyitamowina, oyasowēwinihk kohci ayāki, ki atoskēmakanwa kiyawināhk ē itahto papēskis itāpataki kita nihtāwikitāmakaki minisiwiwin nipowinihk isi. 6māka ēkwa ki ki pakitinikawinānaw oyasowēwinihk ohci, ē ki poni pimātisistamahk anima ita kā ki miciminikawiyahk; ēkosi kit isi atoskānānaw ē oskāyiwit ahcāhk, namawiya māka ē kayāsāyiwāhk masinahikēwin.
7 #
ēksatas 20:17; tiyotaranami 5:21 tānisi māka kē itwēyahk? oyasowēwin ēwako ci maciitiwin? namawiya kita ki ihkin ēyiwēhk māka, namawiya ni ka ki kiskēyitē maciitiwin, kispin ēkā oyasowēwin ohci: cikēmā namawiya ni ka ki kiskēyitē mostawinamākēwin, kispin ēkā oyasowēwin ki itwēmakahk, namawiya ki ka mostawināmākan: 8māka maciitiwin, ē miskamomakahk kita isi wēciikoyān, ni ki isi atoskēskakon oyasowēwin ohci kahkiyaw towi mostawinamākēwin: cikēmā ohpimē ē ayāk oyasowēwin nipomakan maciitiwin. 9ēkosi wiya ni ki pimātisin ohpimē oyasowēwinihk ohci: māka ispi oyasowēwin tēkosinomakahk, maciitiwin āpisiwēyitamomakan, ēkosi ni ki nipin. 10oyasowēwin māka, pimātisiwinihk kā itastēk nipowinihk ni ki isi miskēn: 11#cēnisis 3:13cikēmā maciitiwin, ē miskamomakahk kita isi wēciikoyān, oyasowēwin ohci ni wayēsiikon, ēkota ohci mina ni nipaikon. 12kanātan māka oyasowēwin, mina kitaamākēwin kanātan, mina kwayaskwan, mina miywāsin.
13anima ci māka kā miywāsik kā ki nipaiskākoyān? namawiya kita ki ihkin. māka maciitiwin, kita nokwahk ē isi macāyiwahk, ē nipaiskākoyān anima ohci kā miywāsik; oyasowēwin ohci maciitiwin ayiwāk kita ati māyātāhk. 14cikēmā ki kiskēyitēnānaw oyasowēwin ē ahcākowahk: māka niya ni wiyāsiwin, maciitiwinihk ē isi atāwākātisoyān. 15#kalēsiyana 5:17cikēmā anima kā itotamān namawiya ni kiskēyitēn; wiya namawiya anima kā natawēyitamān, ēwako kā itotamān; māka anima kā pakwātamān, ēwako kā itotamān. 16māka kispin anima ēkā kā natawēyitamān, ēwako nit itotēn, ni naskotēn oyasowēwin ē miywāsik. 17ēkosi ēkwa namawiya niya kā itotamān, māka maciitiwin kā kikiskākoyān. 18cikēmā ni kiskēyitēn niya, ni wiyāsihk oti, nama kēkway ē miywāsik ni kikiskākon: cikēmā kita itēyitamān wiya tahki ni wicēwikon, māka kita itotamān anima kā miywāsik namatakwan. 19wiya kā miywāsik kā natawēyitamān namawiya nit itotēn: māka kā māyātahk ēkā kā natawēyitamān, ēwako kā itotamān. 20māka kispin anima ēkā kā natawēyitamān, ēwako nit itotēn, namayēw niya kā itotamān māka maciitiwin kā kikiskākoyān. 21ni miskēn māka oma oyasowēwin, ēwako, niya kā natawēyitamān kita itotamān kā miywāsik, maci kēkway ni wicēwikon. 22cikēmā ni miywēyitamwān oyasowēwin kisēmanito picāyihk wiya kā ayisiyiniwiyān: 23māka ni wāpatēn kotak oyasowēwin niyawihk ē itahto papēskis itāpatahk, ē notinamomakahk anima oyasowēwin ni mitonēyicikanihk kā ayāk, ēkosi ēwako ē ohci tipēyimikoyān anima maciitiwini oyasowēwin niyawihk ē itahto papēskis itāpatahk kā kikiskākoyān. 24ā kā kitimāki ayisiyiniwiyān? awēna kē ki wikwaciit oma kā isi miyawimakahk nipowin? 25ni nanāskomāw kisēmanito wiya ohci cisas Christ kā tipēyimikoyahk. ēkosi māka niya wiya ni mitonēyicikanihk nit atoskātamwān kisēmanito oyasowēwin: māka ni wiyāsihk maciitiwini oyasowēwin.
This Bible text is a transliteration of a corrected edition of the 1908 Western Cree Bible; it is in the public domain.