romana 6
6
1tānisi māka kē itwēyahk? maciitiwinihk ci ki ka itasi ayānānaw, kisēwātisiwin kita wēyocipayik? 2namawiya kita ki ihkin. kiyānaw kā ki nipiyahk maciitiwinihk isi, tānisi kē ki isi kēyāpic ēkota pimātisiyahk? 3ahpo ci ki wanēyitēnānaw kahkiyaw kiyānaw kā ki paptaisiwiikawiyahk Christ cisas isi, o nipowinihk ki ki isi pāptaisiwiikawinānaw? 4#kalāsiyana 2:12ēkosi māka ki ki asici nainikawinānaw ēwako pāptaisiwiwin ohci nipowinihk: tāpiskoc Christ kā ki wāniskāniht nipowinihk ohci o kistēyitākosiwiniyihk wēyotāwihk, ēkosi kiyānaw mina kita pimohtēyahk oski pimātisiwinihk. 5cikēmā kispin ki ki tako wicēwānaw ē isinākwāniyik o nipowin, ēkosi mina kē isi ayāyahk ē isinākwaniyik ot āpisisinowin ohci: 6ē kiskēyitamahk oma, kayās kit isi ayisiyiniwiwininaw ē ki cistahāskwācikāsot kiki wiya, ē miyawimakahk maciitiwin kita nama takwahk, ēkosi ēkā ayiwak kita tipēyimikoyahk maciitiwin; 7cikēmā ana kā ki nipit paspiāw maciitiwinihk ohci. 8māka kispin wici nipomāyahk Christ, ki tāpwētēnānaw mina kita wici pimātisimāyahk; 9ē kiskēyitamahk Christ ē ki waniskāniht nipowinihk ohci namawiya mina kita nipiw; namawiya awasimē tipēyimik nipowin. 10cikēmā anima nipowin kā ki nipit, ki nipiw maciitiwinihk isi pēyakwāw: māka pimātisiwin kā pimātisit, kisēmanitohk isi pimātisiw. 11ēkosi isi kistawāw itakimisok ē nipiyēk maciitiwinihk isi, māka ē pimātisiyēk kisēmanitohk isi kiki Christ cisas.
12ēkāwiya māka maciitiwin kita wi tipēyihcikēmakan kiyawiwāhk kā nipomakahk, kita nanaitamēk ē isi mostawēyitamomakahk: 13ēkāwiya mina pakitinamok kā tahto papēskis itāpataki kiyawiwāwa maciitiwinihk tāpiskoc ēkā kwayaskitātisiwi āpacicikana; māka pakitinisostāhk kisēmanito, tāpiskoc ē pimātisiyēk nipowinihk ohci, mina kā tahto papēskis itāpatahki kiyawiwāwa tāpiskoc kwayaskitātisiwi āpacicikana pakitinamāhk kisēmanito. 14cikēmā maciitiwin namawiya ki ka tipēyimikonāwāw: wiya ēkā oyasowēwinihk ē tipēyitākosiyēk, māka kisēwātisiwinihk ē tipēyitākosiyēk.
15tānisi māka? ki ka wanitotēnānaw ci, cikēmā ēkā oyasowēwinihk ē tipēyitākosiyahk, māka kisēwātisiwinihk ē tipēyitākosiyahk? namawiya kita ki ihkin. 16nama ci ki kiskēyitēnāwāw, ana kā pakitinisoyēk tāpiskoc atoskēyākanak kita ati nanaitawāyēk, ēwakwāna wētatoskēyākanimikoyēk ana kā nanaitawāyēk; kispin maciitiwin nipowinihk isi, ahpo nānaitamowin kwayaskitātisiwinihk isi? 17māka kita ki nanāskomiht kisēmanito, āta, ē ki ot atoskēyākanimikoyēk maciitiwin, ki ki nanaitēnāwāw ki tēiwāhk ohci anima isi kiskinohamātowin ita kā ki isi pakitinikawiyēk; 18ēkosi ē isi paspiikawiyēk ēkā maciitiwin kita tipēyimikoyēk, ki ki ati ot atoskēyākanimikonāwāw kwayaskitātisiwin. 19ayisiyiniwak kā isi pikiskwēcik nit isi pikiskwān cikēmā ē nēsowahk ki wiyāsiwāw: cikēmā kā ki isi pakitinamēkopan kā tahto papēskis itāpataki kiyawiwāhk ē ot atoskēyākanimikoyēk winiowin mina maciitiwin maciitiwinihk oti, ēkosi ēkwa pakitinamok kā tahto papēskis itāpataki kiyawiwāhk kita ot atoskēyākanimikoyēk kwayaskitātisiwin kanātisiwinihk oti. 20cikēmā mēkwāc ē ot atoskēyākanimikoyēk maciitiwin, ki ki tipēyimisonāwāw wiya kwayaskitātisiwinihk isi. 21kēko minisiwiwin māka kā ohtinamēk ēkospi anihi ēkwa kā nanēpēwiikoyēk? cikēmā ē isi kisipi ayāki ēwakoni ēwako nipowin. 22māka ēkwa ē tipēyimisoikawiyēk maciitiwinihk isi, mina ē ot atoskēyākanimikoyēk kisēmanito, kit ayānāwāw ki minisiwiwiniwāw kanāciowinihk, mina ē kisipi ayāk ēwako kākikē pimātisiwin. 23cikēmā ē isi kispinacikēmakahk maciitiwin ēwako nipowin; māka o mohci mēkiwin kisēmanito ēwako kākikē pimātisiwin Christ cisas kā tipēyimikoyahk ohci.
This Bible text is a transliteration of a corrected edition of the 1908 Western Cree Bible; it is in the public domain.