romana 4
4
1tānisi māka kē itwēyahk ēprēām, kayās kotāwinaw wiyasihk isi, kā isi miskahk? 2cikēmā kispin ēprēām kā kwayaskitātisiwakēyimāwitē atoskēwina ohci, ayāw kita ki ohci kakicimot; māka namawiya kisēmanitohk itēkē. 3#cēnisis 15:6; kalēsiyana 3:6cikēmā tānisi ētwēmakahk kihci masinahikēwin? ēprēām māka ki tāpwētawēw kisēmanitowa, ēkosi kwayaskitātisiwin ki itakitamawāw. 4ana māka kā atoskēt, anima tipahamākowin namawiya kisēwātisiwinihk itakitamawāw, māka tāpiskoc ē masinahikēt. 5māka ana ēkā kā atoskēt, māka kā tāpwēyēyimāt anihi kā kwayaskitātisiwakimāyit omacātisiwa, o tāpwēyēyitamowin kwayaskitātisiwin itakitamawāw. 6ahpo tēpit mina wihtam o sawēyitākosiwiniyiw anihi ayisiyiniwa, kisēmanitowa kā akitamākoyit kwayaskitātisiwin piskis atoskēwina ohci, 7#nikamona 32:1,2ē itwēt, sawēyitākosiwak aniki o waniitiwiniwāwa kā ponēyitamāhcik, mina o maciitiwiniwāwa kā akwanahikātēyiki. 8sawēyitākosiw ana ayisiyiniw ēkā kā akitamākot kā tipēyihcikēyit maciitiwin. 9oma māka sawēyitākosiwin piko ci kā sarkamsaisiwit kā wihtamāht, ahpo ci ēkā kā sarkamsaisiwit mina? cikēmā kit itwānānaw, ēprēām o tāpwētamowin kwayaskitātisiwin ē ki itakitamāht. 10tānisi māka kā itakitamāht? sāsay ci ē ki sarkamsaisiwit, ahpo ci ēkā ē sarkamsaisiwit? nāmawiya ē ki sarkamsaisiwit, māka ēkā ē sarkamsaisiwit: 11#cēnisis 17:10ēkosi ki miyāw anima kiskinawāciowin sarkamsaisiwiwin, ē āyātastamāht anima kwayaskitātisiwin kā ki ayāt tāpwētamowin ohci kēyāpic ēkā ē sarkamsaisiwit: kita ki oyotāwicik kahkiyaw aniki kā tāpwētahkik āta ēkā ē sarkamsaisiwicik, kwayaskitātisiwin kita akitamāhcik; 12mina kita oyotāwiskamawāt sarkamsaisiwiwin anihi ēkā piko kā sarkamsaisiwicik, māka kā pimohtēcik takoskēwinihk anima tāpwēyēyitamowin kotāwinaw ēprēām kā ki ayāt ēkā ē sarkamsaisiit.
13 #
cēnisis 17:4-6; 22:17,18; kalēsiyana 3:29 cikēmā namawiya oyasowēwin ohci kā ki asotamāht ēprēām ahpo ot awasimisa, kita āniskē tipēyitahk aski, māka anima kwayaskitātisiwin tāpwēyēyitamowin ohci. 14#kalēsiyana 3:18wiya kispin aniki oyasowēwinihk kohcicik iyāniski tipēyitamowākwē, tāpwēyēyitamowin tawinikātēw, mina asotamākēwin nama nānataw itāpatan: 15cikēmā oyasowēwin kisiwāsiwin atoskātamomakan; māka ita ēkā oyasowēwin ē ayāk, namawiya pikonikātēw. 16#kalēsiyana 3:7ēwakoma tāpwēyēyitamowin kohci ayāk, kisēwātisiwinihk kita itastēk; ēkosi māka asotamākowin kita kēcinataniyik kahkiyaw kā awāsisikāwiniwicik; namawiya piko aniki oyasowēwinihk kohcicik, māka aniki mina kohcicik o tāpwēyēyitamowin ēprēām, ēwako kahkiyaw koyotāwiyahk 17#cēnisis 17:5(kā itasinahikātēk, kiya kita oyotāwicik mihcēt ē itaskānēsicik ki ki isiitin) ē isi kitāpamikot anihi kā tāpwētawāt, kisēmanitowa oti, ana kā pimātisiskawāt onipiwa, mina kā isi tēpwatahk anihi ēkā kā ayāyiki tāpiskoc sāsay ē ayāyiki. 18#cēnisis 15:5ana ē isi pakosēyimot kā ki tāpwētahk āta ēkā ē itatēyitākwaniyik, wiya kita oyotāwiyit mihcēt ē itaskānēsiyit, ē itastēyik anima kā ki wihtamāht, ēkosi kē isi ayācik kit awāsimisak. 19#cēnisis 17:17ēkosi ēkā ē ati nēsowaniyik o tāpwēyēyitamowin namawiya māmitonēyitam wiyaw tāpiskoc ē nipomakaniyik (wiya sāsay nantaw mitātahtomitanaw ē itatopiponwēt), mina sērawa ē isi nēsowikikāyit: 20cikēmā, ē kanawāpahtamwāt ot asotamākēwiniyiw kisēmanitowa, namawiya ānwētamowin sawiskāt, māka ēyokam ki maskawisiw tāpwēyēyitamowin ohci, ē kistakimāt kisēmanitowa, 21mina mitoni ē kēcināot, anima kā ki asotamākot, ē kaskitāyit kita itotamiyit. 22ēkosi māka kwayaskitātisiwin ki itakitamawāw. 23namawiya māka wiya piko ohci kā ki masinaikātēk, ē ki isi akitamāht; 24māka kiyānaw mina ohci, kā tāpwētawāyahk ana kā ki waniskānāt cisasa kā tipēyimikoyahk nipowinihk ohci, 25#aysāya 53:4,5kā ki pakitiniht ki wanitotamowininawa ohci, mina kā ki waniskāniht kita kwayaskitātisiwakimikawiyahk.
This Bible text is a transliteration of a corrected edition of the 1908 Western Cree Bible; it is in the public domain.