romana 3
3
1kēkway māka ayiwāk ētāpacihikot kā cowit? ahpo kēkway wētisik sarkamsaisiwiwin? 2mistahi misiwē isi, nikan māka ē ki kanawēyitamoihcik ot itwēwina kisēmanito. 3tānisi māka kispin ātiht namawiya ki ayāwak tāpwēyēyitamowin? ēkā ē ayācik tāpwēyēyitamowin ēwako ci ohci nama nāntaw kita itāpataniyiw o tāpwēwin kisēmanito? 4#nikamona 51:4namawiya kita ki ihkin: cikēmā, kiyām kisēmanito ē tāpwēt kita kēcināāw, āta kahkiyaw ayisiyiniw kiyāskit; kā itasinahikātēk, kita kwayaskitakimikawiyan kit itwēwinihk, mina kita sākotwāyan ē pihtokēyan oyasowēwinihk. 5māka kispin ēkā ē kwayaskitātisiyahk ēkota ohci nokwaniyiw o kwayaskitātisiwin kisēmanito, tānisi kē itwēyahk? namawiya ci kwayaskitātisiw kisēmanito kā otihcipayitwākēt kisiwāsiwin? (ē isi pikiskwēt ayisiyiniw kā itwēyān.) 6namawiya kita ki ihkin: cikēmā kispin ēkosi, tānisi kē ki isi oyasowātahk kisēmanito oma aski? 7māka kispin o tāpwēwin kisēmanito niya ni kiyāskiwin ohci wēyoci ayāyiw wiya o kistēyitākosiwinihk isi, tānēki kēyāpic omacipimātisiw kā itasowātikawiyān? 8ēkosi tānēki namawiya (kā isi kiyāskiwacimikawiyāhk, mina ātiht ēkosi itwēwak kā itikoyākok), itotatāk kā māyātahk kā miywāsik kita ohcipayik? ēwakonik oyasowātikowiniwāw kwayaskwaniyiw.
9tānisi māka? awasimē ci ki māyi ayānānaw iyikohk wiyawāw? namawiya, nama nānataw ita: cikēmā sāsay ki ki akwātamawānawak cowak mina karikak, kahkiyaw ē ayācik macitiwinihk; 10#nikamona 14:1-3; 53:1-3kā itasinahikātēk,
namawiya awiyak kwayaskitātisiw, nama, namawāc pēyak; 11namawiya awiyak itāw ē nisitohtahk, namawiya awiyak itāw ē natonawāt kisēmanitowa, 12kahkiyaw ohpimē ki itohtēwak, māmawi nama nānataw itāpatisiwak; namawiya itāw awiyak ē miyototahk, nama, namawāc kanakē pēyak: 13#nikamona 5:9; nikamona 140:3o kotaskwāwāw tāpiskoc ē yotēkotēk nahinitowikamik; otēyaniwāwa ohci ki āpacitāwak kakayēyisiwin: o picipoiwēwin kā nipaiwēt kinēpik picitonēskākwak: 14#nikamona 10:7otoniwāw kā moskinēyik wiyakwēwin mina macitonāmowin: 15#aysāya 59:7,8ositiwāwa mikawikimakaniyiwa kita sikaakik mihko; 16nisiwanātisiwin mina kotakitāwin ayāyiw o mēskanāwāhk; 17mina pēyatakēyimowi mēskanaw namawiya ohci kiskēyitamwak: 18#nikamona 36:1namawiya o kosikwēyimikowin kisēmanito kanawapatamwāk.
19ki kiskēyitēnānaw māka tahto kēkway kā itwēmakahk oyasowēwin, aniki oyasowēwinihk kā ayāci ēwakonik kā itihcik; kahkiyaw miton kita kipahikātēk, mina misiwē aski kita tipēyitākwahk oyasowēwinihk kisēmanito: 20#nikamona 143:2; kalēsiyana 2:16cikēmā atoskēwina oyasowēwinihk ohci namawiya awiyak kā o wiyāsit kita ki kwāyaskitātisiwakimiht wiya ē isi kitāpatahk: cikēmā oyasowēwin kā ohci kiskēyitākwahk maciitiwin.
21māka ēkwa piskis oyasowēwinihk ohci o kwayaskitātisiwin kisēmanito ki nokotāniwan, ē ātotākwahk oyasowēwinihk mina okiskiwēhikēwak o masinahikaniwāhk; 22#kalēsiyana 2:16anima o kwayaskitātisiwin kisēmanito ē tāpwēyēyimiht cisas Christ kita ohci ayācik kahkiyaw kā tāpwētahkik; cikēmā namawiya kakēkinikāniwan; 23kahkiyaw māka awiyak ki wanitotam, mina notēpayiw o kistēyitākosiwin kisēmanito; 24ē mohci kwayaskitātisiwakimikawiyahk o kisēwātisiwin ohci kā ki isi tipahikēstamākoyahk Christ cisas: 25ēwakoni kisēmanito kā ki itayāt kita wici isihcikēiwēt tāpwēyēyitamowinihk, o mihko ohci, kita wāpahtahiwēt o kwayaskitātisiwin, ēkā ē akitamākēt maciitiwina awasispi kā ki itocikātēki, o manāciiwēwinihk kisēmanito; 26kita wāpahtahiwēhk, nit itwān, o kwayaskitātisiwin anohc oma mēkwāc: wiya kita kwayask itotahk, mina kita kwayaskwastamawāt anihi kā tāpwēyēyimāyit cisasa.
27tānita māka ēyāk kakicimowin? ācikipaikātēw. kēko oyasowēwin ohci? atoskēwina ci? namawiya: māka tāpwēyēyitamowi oyasowēwin ohci. 28kit itakicikānānaw māka ayisiyiniw ē kwayaskitātisiwakimiht tāpwēyēyitamowin ohci, piskis wiya atoskēwina oyasowēwinihk. 29ahpo ci kisēmanito cowak piko o kisēmanitomiwāwa? nama ci cēntailak mina o kisēmanitomiwāwa? cikēmā, cēntailak mina: 30#tiyotaranami 6:4; kalēsiyana 3:20kispin piyēyakokwē kisēmanito, ēkosi kita kwayaskitātisiwakimēw kā sarkamsaisiwiyit tāpwēyēyitamowin ohci, mina ēkā kā sarkamsaisiwiyit tāpwēyēyitamowin ohci, 31ēkosi ci māka kit isitānānaw oyasowēwin ēkā nāntaw kita itāpatahk tāpwēyēyitamowin ohci? namawiya kita ki ihkin: nawac, kit āyātastānaw oyasowēwin.
This Bible text is a transliteration of a corrected edition of the 1908 Western Cree Bible; it is in the public domain.