romana 2
2
1 #
mātyo 7:1; lok 6:37 ēkosi māka namawiya kita ki kwitawi itwēyan, ā ayisiyiniw, piko awiyak kiya kā oyasowēyan: cikēmā ita kā oyasowātat kotak, ki nānipomison; cikēmā kiya kā oyasowēyan ēkosi kista ētotaman. 2ēkosi ki kiskēyitēnānaw oyasowēwin kisēmanito tāpwēwinihk ē itastēyik ē itasowātāt anihi ēkosi kā itotamiyit. 3omisi ci māka kit itakicikān, ā ayisiyiniw, kā oyasowātacik aniki ēkotowa kā itotahkik, ēkosi māka kista kā itotaman, kita ki tapasitāwat oyasowēwin kisēmanito? 4ahpo ci kit ātawēyitamwān ē isi wēyotaniyik o miywātisiwin mina o sipēyitamowin, ēkā ē kiskēyitaman o miywātisiwin kisēmanito ē kiskinotaikoyan kita kwēskipimātisiyan? 5māka ē isi maskawāk mina ēkā ē kwēskātisimakahk kitēh ki māwacitamāson kisiwāsiwin kisiwāsiwini kisikāw otihcipayiki mina nokwāniyiki kā kwayaskwaniyik oyasowēwin kisēmanito; 6#nikamona 62:12; kakēhtāwēwina 24:12ana kē miyāt kahkiyaw ayisiyiniwa ē isi kaskitamākoyit ot isihcikēwiniyiwa: 7anihi ē sipēyitamiyit miyo totamowinihk kā natonamiyit kistēyitākosiwin mina kihcāyiwiwin mina ēkā kita nisiwanācihohk, kita miyāt kākikē pimātisiwin: 8māka anihi kā āyimisiyit, mina ēkā kā nanaitamiyit tāpwēwin, māka kā nanaitamiyit maci isiwēpisiwin, kita ayāyit kisiwāsiwin mina kisistākowin, 9āyimisiwin mina kotakitāwin, kahkiyaw ot ahcāhkwa ayisiyiniw kā atoskātahk macitiwin, kā cowit nikān mina ana karik; 10māka kistēyitākosiwin mina kihcāyiwiwin mina pēyatakēyimowin kahkiyaw ayisiyiniw kā atoskātahk miyo kēkway, kā cowit nikān, ēkosi mina ana karik: 11#tiyotaranami 10:17cikēmā namawiya awiya kisēmanito nawaso kistēyimēw.
12cikēmā tahto kā ki macitotakik ēkā oyasowēwin ē ayācik kita nisiwanātisiwak ēkā oyasowēwin ē ayācik: mina tahto kā ki macitotakik ē ayācik oyasowēwin kita oyasowātikwak oyasiwēwin; 13cikēmā namawiya aniki kā pēhtahkik oyasowēwin kā kwayaskitātisiwakimihcik ē isi kitāpatahk kisēmanito, māka kā itotahkik oyasowēwin kita kwayaskitātisiwakimāwak: 14cikēmā ispi cēntailak ēkā kā ayācik oyasowēwin ētotakwāwi wiyawāw tipiyaw ohci anihi oyasowēwinihk kā ayāki, oki āta ēkā ē ayācik oyasowēwin, wiyawāw oyasowātisowak; 15wiya ē wāpahtahiwēcik ē atoskēmakaniyik oyasowēwin kā masinaikātēyik otēhiwāhk, o kiskēyitamāwiniwāwa ē ācimostākocik, mina o mitonēyicikaniwāwa māmiskoc ē mamisimikocik ahpo ē kwayaskostamākocik; 16anima kisikāw otihcipayiki ita kisēmanito kē oyasowātamwāt o kimoci isihcikēwiniyiwa ayisiyiniwa, ē itastēk ni miywācimowin, cisas Christ ohci.
17māka kispin o wiyowin cow kit ayān, mina ki kitisimon oyasowēwin, mina ki mamicimon kisēmanito ohci, 18mina ki kiskēyitamwān ot isi natawēyitamowin, mina ki nisitawinēn anihi kā miywāsiki, wiya ē kiskinohamākawiyan oyasowēwinihk ohci, 19mina ē tēpakēyimoyan kiya ē kaskitāyan kita kiskinotaat ēkā kā wāpit, ē wāstēnamawacik aniki wanitipiskāhk kā ayācik, 20ē kakēskimacik ēkā kā iyinisicik, ē kiskinohamāwacik oskawāsisak, ē ayāyan oyasowēwinihk ē kiskinawāsinākwahk kiskēyitamowin mina tāpwēwin; 21kiya māka kā kiskinohamāwat kotak, nama ci ki kiskinohamāson? kiya kā isi wihtamawat ayisiyiniw ēkā kita kimotit, ki kimotin ci kiya? 22kiya kā itwēyan ayisiyiniw ēkā kita itotahk pisikwātisiwin, kit itotēn ci kiya pisikwātisiwin? kiya kā pakwātacik manitokānak, ki maniwatātamwān ci ot ayamihēwikamikowāwa? 23kiya kā mamicimoyan oyasowēwin ohci, ē pikonaman oyasowēwin ki piwēyitākoāw ci kisēmanito? 24#aysāya 52:5cikēmā o wiyowin kisēmanito pāstāmowi pikiskwātamwān mēkwa cēntailināhk kiyawāw ohci, tāpiskoc kā itasinahikātēk. 25cikēmā sarkamsaisiwiwin tāpwē āpatan kispin kit itotēn oyasowēwin: māka kispin ki pikonēn oyasowēwin, ki sarkamsaisiwiwin isi ayāw tāpiskoc ēkā ē sarkamsaisiwiyan. 26kispin māka ēkā kā sarkamsaisiwit kanawēyihtahki itascikēwina oyasowēwinihk, nama ci ēkā kā sarkamsaisiwit kita itakitamwān tāpiskoc ē sarkamsaisiwit? 27nama ci mina anima sarkamsaisiwiwin kā isiikowisihk, kispin tipitotamomakaki oyasowēwin, ki ka oyasowātikon kiyan āta ē ayāyan masinahikan mina oyasowēwin kā pikonaman oyasiwēwin? 28cikēmā namayēw ana cow, tēpiyāhk waskic kā ēkotowiwit mina namayēw anima sarkamsaisiwiwin, waskic wiyāsihk kā ayāk: 29#tiyotaranami 30:6māka ēwako ana cow, kā ēkotowiwit picāyihk; mina sarkamsaisiwiwin ēwako anima kā ayāk mitēihk, ahcāhkohk, namawiya masinahikanihk; kā mamicitamihk namawiya ayisiyinihk ohci, māka kisēmanito ohci.
This Bible text is a transliteration of a corrected edition of the 1908 Western Cree Bible; it is in the public domain.