romana 1
1
1pāl, ot atoskēyākana cisas Christ, kā ki natomiht kita apāstiliwit, ē ki piskitaiht, kisēmanito o miywācimowinihk, 2kā ki asotamākēt kayās okiskiwēhikēma ohci kanāci kihci masinahikēwinihk, 3ita ē ācimimiht okosisa, kā ki nihtāwikit ot awāsimisa tēpit ohci wiyāsiwiwinihk, oti isi, 4kā ki ācimiht kita kisēmanitowikosisāniwit kiki kaskihēwisiwin, kanātisiwi ahcāhk ē isi wāpahtahiwēt, āpisisinowin nipowinihk ohci; ana oti cisas Christ kā tipēyimikoyahk, 5ēwako kā ki miyikoyāhk kisēwātisiwin mina apastiliwiwin, kita nanahihtahkik tāpwēyēyitamowin kahkiyaw ē itaskānēsicik ayisiyiniwak, wiya o wiyowin ohci: 6ita kistawāw kā asitakicikāsoyēk, ē natomikawiyēk cisas Christ kita ayāwikoyēk: 7kahkiyaw kiyawāw romihk kā ayāyēk, kā sākihikoyēk kisēmanito, kā natomikawiyēk kita kanātisiyēk; kisēwātotākēwin mina pēyatakēyimowin ki ka wi miyikowāw kisēmanito kotāwinaw mina kā tipēyimikoyahk cisas Christ.
8nikān, ni nanāskomāw ni kisēmanitom wiya ohci cisas Christ kiyawāw ē nanāskomostamātakok ki tāpwēyēyitamowiniwāw ē wicikātēk misiwēskamik. 9cikēmā kisēmanito ni kiskēyimik, ana kā atoskawak nit ahcākohk o miywācimowiniyihk okosisa, ē isi ēkā wikāc poni māmiskomitakok. 10kākikē nit ayamihāwinihk ē natotamān, kispi nāntaw isi ēkwa kita ki piyis nanaipayiikoyān itēyitaki kisēmanito kita ki otititakok. 11cikēmā ki nohtē wāpamitināwāw, kita ki asowimiyitakok nāntaw ahcāhkowi mēkiwin, kita ohci sokikāpawiyēk; 12ēkosi isi, kita ki kiki kiyawāw miyotēēskawiyēk, tāpiskoc ki tāpwēyēyitamowininaw ohci, kiyawāw mina niyanān. 13#isihcikēwiniwāwa 19:21mina namawiya ki natawēyimitināwāw kita ēkā kiskēyitamēk, niciwāmitik, micētwāw ni ki āta itēyitēn kita pē natawāpamitakok (ēkosi ni ki otamiikawin anohc isko), kita ki ayāyān minisiwiwin kiyawāw mina ohci, tāpiskoc mina kotakak cēntailak. 14itastēw kita ohcistamawakik kārikak mina pārpēriyanak, kā iyinisicik mina ēkā kā iyinisicik 15ēkosi, ē isi kaskitāyān, namawiya ni pwāstawēyitēn kita kakēskimitakok miywācimowin kiyawāw mina rom kā ayāyēk. 16#mārk 8:38cikēmā namawiyā ni nanēpēwiikon miywācimowin: wiya ēwakwēyiw o maskawisiwin kisēmanito pimācihiwēwinihk isi kahkiyaw awiyak kā tāpwētahk; kā cowit nikān, ēkosi mina ana karik. 17#hāpākak 2:4cikēmā ēkota kisēmanito o kwayaskitātisiwin ē kiskēyitākwaniyik tāpwēyēyitamowin ohci mina tāpwēyēyitamowinihk isi: ē itasinahikātēk, māka okwayaskitātisiw tāpwēyēyitamowin kita ohci pimātisiw.
18cikēmā o kisiwāsiwin kisēmanito kiskēyitākwaniyiw kihci kisikohk ohci ayisiyiniwa ēkā kā ayamihāwātisiyit mina ēkā kā kwayaskitātisiyit, kā pātakonakik tāpwēwin ēkā ē kwayaskitātisicik; 19cikēmā anima kita ki āta isi kiskēyimiht kisēmanito nokwaniyiw; wiya kisēmanitowa ē ki wāpahtahikocik. 20cikēmā anihi ēkā kā nokwaniyiki ot isi ayāwin aspin kā ki osicikātēk aski ohci mosis nokwaniyiwa, ē nisitawinikātēki anihi ohci kā ki osicikātēki, o kākikē maskawisiwin oti mina o manitowiwin; ēkā kita ki kwitawi itwēcik: 21#ipisiyana 4:17,18cikēmā āta, ē kiskēyimācik kisēmanitowa, namawiya kistakimēwak ē isi kisēmanitowiyit, namawiya mina nanāskomēwak; māka pakwanata ki isi māmitonēyitamwak, mina ēkā ē iyinisimakaniyik otēhiwāw ki wanitipiskāyiw. 22ē iyinisiwakēyimisocik, ki ati mohcowiwak, 23#tiyotaranami 4:16-18ēkosi anima o kistēyitākosiwiniyiw ēkā kā nisiwanātisiyit kisēmanitowa ki miskotastāwak ot isinākosiwiniyiw kā nisiwanātisiyit ayisiyiniwa, mina piyēsiwa, mina kā nēokātēyit pisiskiwa, mina kā papāmitācimoyit.
24ēkosi māka kisēmanitowa ki pakitinikwak ē isi maci mostawēyitamomakaniyiki otēhiwāwa kita atoskātahkik ēkā kā pēkaniyik, wiyawiwāwa wiyawāw kēhciwāk kita nanipēwitācik: 25cikēmā ē ki miskotonamwācik o tāpwēwiniyiw kisēmanitowa kiyāskiwin kita ayācik, mina ē ki patapistawācik mina ē ki atoskawācik osihcikana yāyaw iyikohk wiya osiiwēwa, kā mamicimikowisit kākikē. āmēn.
26ēwako oma ohci kisēmanitowa ki pakitinikwak maci natawēyitamowinihk: cikēmā ot iskwēmiwāwa ki kwēskiwak kita pitos isihcikēcik anima kā ki isiikowisicik: 27ēkosi mina wistawāw nāpēwak, ē nakatahkik anima kā ki isiikowisiyit iskwēwa, wiyawāw kēhciwāk ki natawēyimitowak, nāpēwak kiki nāpēwak ē atoskātahkik ēkā kā miywāsiniyik, ēkosi ē tipahamākowisicik anima ē isi kaskitamākocik o wanitotamowiniwāw.
28tāpiskoc māka kā ki isi ānwētakik kita ayāwācik kisēmanitowa o mitoniyicikaniwāhk, kisēmanitowa ki pakitinikwak maci māmitoniyicikanihk, kita itotahkik anihi ēkā kā naipayiki; 29ē moskinēskākocik kahkiyaw ēkā kwayask kā itātisihk, macātisiwin, mostawinamākēwin, maci itēyimitowin; ē moskinēcik isawānakēyimowin, nipatākēwin, notinitowin, kakayēyisiwin, pakwātitowin; kākimoci ayamiwin, 30pakonomitowin ē pakwātācik kisēmanitowa, ē māyēyimiwēcik, ē kistēyimocik, ē kakicimoskicik, ē miskwēyitahkik maci kēkwaya, ē sasipitawācik o nikiikowāwa, 31ēkā ē o nisitohtamowinicik, ē pikonakik kiskimiwēwina, ēkā ē o kisēwātisiwinicik, ēkā ē kitimākinākēcik: 32ēwakonik, ē kiskēyitahkik oyasowēwiniyiw kisēmanitowa, aniki ēkotowa kā itotahkik ē kaskitamāsocik nipiwin, ēkā piko kā itotahkik wiyawāw, māka kā wicihācik anihi kā nēkāmi itotamiyit.
This Bible text is a transliteration of a corrected edition of the 1908 Western Cree Bible; it is in the public domain.