sēnt mārk 15
15
1sēmāk māka ē kēkisēpayāk kihci ayamihēwiyiniwak asici kā nikānēyitākosicik mina masinahikēwiyiniwak, mina kahkiyaw oyasowēwiyiniwak, ki māmawi oyasowēwak, ēkosi ki mamācikwapitēwak cisasa, mina ki sipwētahēwak, mina ki pakitinamawēwak pailata. 2pailat māka ki kakwēcimēw, kiya ci cowak o kihci okimāmiwāwa? ēkosi naskwēwasimēw mina itēw, kiya kit itwān. 3kihci ayamihēwiyiniwa māka mihcēt kēkway ki atāmimik. 4ēkosi pailat mina kakwēcimēw, ē itwēt, nama ci kēkway ki naskwēwasitān? cist tāni tahto kēkway ē atāmimiskik. 5cisas māka namawiya awasimē kēkway naskwēwasitāw; ēkosi pailat māmaskātam.
6ēkota māka ēwakwānima wihkohtowinihk ki māna pakitinamawēw pēyak kipawākana, pikwānii ē natawēyitamākot. 7ēkota māka ki ayāw pēyak pārāpas ē isiyihkāsot, ē mamācikwapisot asici aniki kā ki māyakamikisicik, ayisiyiniwak kā ki nipatākēcik mēkwāc ē māyakamikahk. 8aniki māka ē māmawēyaticik ayisiyiniwak ki natawi kakwēcimēwak kita itotamiyit ē ki māna itotākocik. 9ēkosi pailat naskwēwasimēw ē itāt, ki natawēyitēnāwāw ci kita pakitinamātakok cowak o kihci okimāmiwāwa? 10cikēmā wāpahtam isawānakēyimowin ohci kihci ayamihēwiyiniwa kā ki pakitinamākot. 11māka kihci ayamihēwiyiniwak ki sikiskawēwak ayisiyiniwa nawac pārāpasa kita pakitinamākocik. 12pailat māka ki naskwēwasimēw mina omisi ē ki itāt, tānisi māka kē totawak ana cowak o kihci okimāmiwāwa kā isiyihkātāyēk? 13ēkosi ki tēpwēwak mina, cistahāskwās. 14pailat māka ki itēw, tānēki, kēkway ē māyātaniyik kā itotahk? māka āci piko ki tēpwēwak, cistahāskwās.
15ēkosi pailat ē wi nahiyawēāt ayisiyiniwa, ki pakitinamawēw pārāpasa, mina ki pakitinēw cisasa ispi kā papasastēwāt kita cistahāskwātimiht. 16ēkwa simākanisak ki itohtahēwak picāyihk ē wāskā ayāk paritoriyam kā isiyihkātēk; ēkota māka ki māmawi natomēwak ē isi o wicēwākanicik. 17ki postasākaēwak māka mikwēkin, mina ē ki apikātākik kawiminakasiya kihci okimāwastotin ē ositācik ki postastotinaēwak; 18ēkwa ki ayatamiskawēwak, hēl, cowak o kihci okimāmiwāwa! 19ki pakamawēwak māka ostikwaniyihk āniskawask ohci, ēkosi ki sikwātēwak, mina ē nāmikēyicik ē ocicikwanistawācik. 20ispi māka kā mētowākātācik, ki kētasākēnēwak mikwēkinwēsākay, mina ki postasākaēwak o kikiskācikaniyiwa. ki sipwētahēwak māka kita cistahāskwātācik.
21 #
romana 16:13
ki otinēwak māka pēyak ēkota ē pimohtēyit, saiman sairini ohci, wayawitimāyihk ē pē ototēyit, otawiwāwa āliksāntar mina ropas, kita wicēkocik, kita onikātamiyit pimitaskoikaniyiw. 22ki itohtahēwak māka anita kālkata, ēwakwānima, ē itwēhk, ita ē ostikwanikaniwahk. 23ēkosi ki wi miyēwak somināpo ē kiyikawinikātēk wisakāpo: māka namawiya otinam. 24#nikamona 22:18ēkosi ki cistahāskwātēwak, mina ki mātinamātowak o kikiskācikaniyiwa, ē ayastwātocik, tānisi kita isi cacēp otinakik. 25ēkwa māka ki otihcipayiw nisto tipaikan, ēkosi ki cistahāskwātēwak. 26anima māka ē masinaikātēyik ot atāmimikowin ispimisihk ki masinaikātēyiw, cowak o kihci okimāmiwāwa. 27#aysāya 53:12niso māka o maskatwēwa ki asici cistahāskwātēwak; pēyak o kihciniskiyihk mina kotaka o namatiniyihk. 28kihci masinahikēwin māka ki tipipayiw kā itwēmakahk, ki asitakimāw owanitotamowa. 29#nikamona 22:7; 109:25; mārk 14:58; cān 2:19ēkota māka kā pimohtēcik ki kikāmēwak, ē wēwēpiskwēyicik, mina ē itwēcik, hā! kiya kā nisiwanācitāyan kihci ayamihēwikamik, ēkosi mina kā osihtāyan nisto kisikāw iyikohk, 30pimācihiso, mina pē nisātawi pimitāskoikanihk ohci. 31ēkosi mina tāpiskoc kihci ayamihēwiyiniwak ē mētawākatācik wiyawāw asici masinahikēwiyiniwak ki itwēwak, ki pimācihēw kotaka; wiya namawiya ki pimācihiso. 32kiyām Christ, o kihci okimāma isrēil, ēkwa kita pē nisātawiw pimitaskoikanihk ohci kita wāpahtamahk mina kita tāpwētamahk. aniki mina kā asici cistāāskwāticik ki māyi itēwak.
33ispi māka nikotwāsik tipaikan wēticipayik, ki wanitipiskāw misiwē anima aski piyis kēkāt mitātat tipaikan. 34#nikamona 22:1ispi māka wēticipayik kēkāt mitātat tipaikan cisas ki tēpwēw ē kisiwēt, ilāy, ilāy, lāma sapaktanay? ēwako, ē itwēstamawātamihk, ni kisēmanitom, ni kisēmanitom, tānēki kā wēpiniyan? 35ātiht māka ēkota ē nipawicik, ispi piyēhtahkik, ki itwēwak, cist, ilaicawa tēpwātēw. 36#nikamona 69:21pēyak māka ki ispatāw, ēkosi ē moskinatāt pakokwēon siwikāpoyiw, ki astāw aniskawaskohk, ē miyāt māka kita minikwēyit omisi ē itwēt, ēkā totāhk; māhti ilaicawa kē pē natawi nitinikokwē. 37cisas māka ki tēpwēw ē kisiwēt, ēkosi ki sipwēcākwēw. 38#ēksatas 26:31-33ākoēkaikan māka kihci ayamihēwikamikohk ki yāyikipayiw ē nisotāpayik ispimihk ohci tapasis isko.
39ispi māka ana simākanisiwikimāw, ēkota kā nipawistawāt, iyāpatahk ēkosi ē isi sipwēcākwēyit, ki itwēw, tāpwē awa ayisiyiniw ki kisēmanitowikosisāniwiw. 40#lok 8:2,3ēkota māka ki ayāwak mina iskwēwak ē kitāpamācik wāyaw ohci: ēkota ki wiciiwēwak tāpiskoc mēri māktalin, mina mēri okāwiya cēmis notaw kā ispitisit mina cosis, mina salomi; 41ēwakwanik, mēkwāc ē ayāyit kālalihk, kā ki pimitisawācik, mina kā ki pamihācik; mihcēt māka kotaka iskwēwa kā ki pē wicēwikot cērosalamihk isi.
42ispi māka ēkwa ē otākosik, cikēmā ēwako wawēyiwin, ēwakwānima kisikāw mwayēs ayamihēkisikāk, 43ki pē itohtēw cosip arimatiya ohci, oyasowēwiyiniw ē kistēyitākosit, wiya mina ē asawāpahtahk kisēmanito ot otēnawiwin; ēkosi ēkā ē nakit pitokawēw pailata, mina natotamawēw cisasa wiyawiyiw. 44pailat māka mātwāni ci sāswa nipiw itēyitam: ēkosi ē natomāt simākanisiwikimāwa ki kakwēcimēw kispin sāsay kinwēsis kā nipiyikwē. 45ispi māka kā kiskēyitamoikot simākanisiwikimāwa, ki pakitinamawēw. 46wiya māka ki atāwēw wāpiski papakiwayānēkin, ēkosi ē nitināt ki wēwēkinēw wāpiski papakiwayānēkinohk, mina ki pimisimēw nahinitowikamikohk kistāpiskāhk ē ki wipikaikātēk; ki isi titipinēw māka asiniya ē iskwātēmiwahk nahinitowikamik. 47mēri māktalin māka mina mēri okāwiya cosis ki wāpahtamwak ita ē pimisimimiht.
Currently Selected:
sēnt mārk 15: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.