sēnt mārk 16
16
1ispi māka ē ayamihēkisikāk kā mayāskamopayik, mēri māktalin mina mēri okāwiya cēmis, mina salomi ki atāwēwak maskikiya ē wi pē natawi maskikiwawācik. 2wipac māka kēkisēpā nistam ē kisikāk ēwako ē ispayik, ki takosinwak nahinitowikamikohk ē sākāstēk. 3ayitwēwak māka wiyawāw, awēna ohpimē kē isi titipinamākoyahk asiniya kā kipapit ē iskwātēmiwahk nahinitowikamik? 4ē itāpicik māka, poti wāpamēwak anihi asiniya ē ki asē titipinimiht: cikēmā mistahi ki micāpiskisiyiwa. 5ē pihtokēcik māka nahinitowikamikohk, wāpamēwak oskinikiwa ē apiyit kihciniskihk itēkē, wāpiskasākay ē kikiskamiyit; ēkosi ki māmaskātēyitamwak. 6ki itikwak māka, ēkāwiya māmaskātēyitamok: ki natonawāwāw cisas, ana nāsarin, kā ki cistaāskwatit: ki waniskāw; namawiya ota ayāw; mātika ita kā ki pimisimācik! 7#mātyo 26:32; mārk 14:28māka niyāk, wihtamāmāhk o kiskinohamawākana mina pitar, ki nikānotākowāw kālalihk: ēkota kē wāpamāyēk kā ki itikoyēk. 8ēkosi wiyawāw ki wayawiwak, mina ki tapasiwak nahinitowikamikohk ohci; cikēmā nanamipayiwin mina māmaskātamowin ki otitinikwak: ēkosi namawiya awiya nāntaw itēwak; wiya ē sēkisicik.
9ēkwa māka ispi kā waniskāt wipac ē kēkisēpāyāk ē pēyako kisikāk ēwako ē ispayik, ki nokohisostawēw nikān mēri maktalina, anihi kā ki ohci wayawi wēpināt ē kikiskākoyit tēpakop maci ahcāhkwa. 10wiya māka ki natawi wihtamawēw anihi kā ki wicēkot, ē pikwēyitamiyit mina ē mātoyit. 11ēkosi ēwakwanik, ispi piētakik ē pimātisiyit mina ē ki wāpamāyit namawiya tāpwētamwak.
12mwēstas iyikohk māka ki nokohisostawēw pitos isi niso ēwakwani, ē papimotēyit, ita ēkā ē otēnāwahk ē itohtēyit. 13ēkosi ēwakwanik ki sipwētēwak mina ki wihtamawēwak anihi kotaka: māka wiyawāw mina namawiya tāpwētākwak.
14mwēstas iyikohk māka ki nokohisostawēw anihi mitātat pēyakosāp ē apiyit ē micisoyit; ēkosi ki ānwēyimēw ot anwētamowiniyiw mina o maskawitēēwiniyiw ohci, cikēmā ēkā ē tāpwētawāyit anihi kā ki wāpamikot sāsay ē ki waniskāt. 15#isihcikēwiniwāwa 1:8ki itēw māka, itohtēk misiwēskamik, mina wihtamāhk miyo ācimowin kahkiyaw kā ki osiiht. 16ana kā tāpwētahk mina kā paptaisiwihiht kita pimācihāw; māka ana ēkā kā tāpwētahk kita nanipomāw. 17ohi māka kita ati ohci kiskinawātēyitākosiwak aniki kā tāpwētahkik: ni wiyowinihk kita wayawi wēpinēwak maci ahcāhkwa; kita pikiskwēwak oski kiswēwina; 18kita otinēwak kinēpikwa, kispin māka minikwētwāwi ē nipaiwēk kēkway, namawiya nāntaw kita itiskākwak; kita sāminēwak otākosiwa ēkosi kita miyo ayāyiwa.
19 #
isihcikēwiniwāwa 1:9-11
ēkwa māka kā tipēyihcikēt cisas ispi oma kā ayitāt, ki otināw kihci kisikohk, ēkosi ki nahapiw o kihciniskiyihk kisēmanitowa. 20wiyawāw māka ki sipwētēwak mina ki kakēskimiwēwak misiwēitē, kā tipēyihcikēyit ē wici atoskēmikocik, ēkosi ē āyātastāyit itwēwin kiskinawāci isihcikēwina ē ati nokwaki. āmēn.
Currently Selected:
sēnt mārk 16: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.