sēnt mātyo 8
8
1ispi māka kā pē nitaciwēt wacihk ohci, kihci mihcēt kā māmawēyatiyit ki pimitisahok. 2cist māka, ēkota ki pē takosin pēyak kā macāspinēt ē ki ocihcihkwanapistawāt māka, omisi ē itāt, tēpēyihcikēyan, kispin itēyitamani, ki ka ki pēkihin. 3ēkosi māka cisas ki isicicēyiw ē ki sāmināt, omisi ē itwēt, nit itēyitēn isa; ki ka wi pēkisin māka. ēkosi māka sēmāk kā isi pēkitāwit o macāspinēwin. 4#lipitikas 14:1-32cisas māka omisi itēw, ayākwāmisi ēkāwiya awiyak ayisiyiniw wihtamaw; māka sipwēhtē, wāpahtiyisostaw ayamihēwiyiniw, mina pakitina mēkiwin mosis kā ki isi kakēskimiwēt, kita ohci ācimostākocik.
5ispi māka cisas kā pihtokēt kēparnēamihk, ēkota ki pē nātik simākanisiwikimāwa, ē mawimostākot, 6omisi māka ē itwēyit, tēpēyihcikēyan, nit atoskēyākan pimisin nikihk ē ākosit, ē nanamāspinēt, nāspic ē kakwātakitāt. 7cisas māka omisi itēw, ni ka pē itohtān isa kita iyinikahak. 8simākanisiwikimāw ki naskwēwasimēw omisi ē itāt, tēpēyihcikēyan, namawiya nit ispitēyitākosin kita ki pē pihtokēyan ni wāskāhikanihk; māka moci ayami, ēkosi māka nit atoskēyākan kita iyinikahāw. 9cikēmā niya ayisiyiniw kā tipēyimikawiyān, ē tipēyimakik nista simākanisak; omisi māka nit itāw ana ayisiyiniw, sipwēhtē, ēkosi māka sipwēhtēw; mina māka kotak, āstam, ēkosi māka pē itohtēw; mina nit atoskēyākan, omisi tota, ēkosi māka totam. 10ispi māka cisas piyēhtahk oma, ki māmaskātēyēyihtam, omisi ē ki itāt anihi kā pimitisahokot, tāpwē kit itināwāw, namawiya ni ki miskēn ēkosi ē isi misāk tāpwēyēyitamowin, nama, namawiya isrēilihk. 11#lok 13:29mina māka kit itināwāw, mihcēt kita pē ohtohtēwak wāpanohk mina nēkāpēanohk, ēkosi māka kita wici nahapimācik ēprahama, mina aisaka, mina cēkapa, kihci kisikowi otēnawiwinihk. 12#mātyo 22:13; 25:30; lok 13:28māka wiya aniki kā ot awāsimisimikocik anima otēnawiwin kita wayawiwēpināwak anitē kākikē wanitipiskāhk isi; ēkotē kē tasi mamātohk mina kē kakiciskāpitēhk. 13cisas māka omisi ki itēw simākanisiwikimawa, kiwē isa; mwēhci māka kā ki isi tāpwētaman, ēkosi mwēhci kē isi totamākawiyan. ēkosi ot atoskēyākana ki pimātisiyiwa ēwako ē ispayik tipahipisimwān.
14ispi māka cisas kā pihtokēt pitara o wāskāhikaniyihk, ki wāpamēw o sikosiyiwa ē pimisiniyit, ē kisisowāspinēyit. 15ēkosi māka ki sāminamwēw ociciyiw, ēkosi māka kisisowāspinēwin ki nakatikoyiwa; ki waniskāyiwa māka, mina ē ki pamistākot.
16ispi māka ēti otākosik, ki pētowēwak mihcēt anihi kā wiyawiskākoyit maci ahcāhkwa; ēkosi māka ki wayawiwēpinēw ahcāhkwa ot ayamiwin ohci, mina ē ki iyinikahāt kahkiyaw anihi kā ākosiyit; 17#aysāya 53:4kita tipipayik māka anima kā ki itwēt okiskiwēhikēw aysāya, ē itwēt, wiya tipiyawē ki otinam kit itāspinēwininawa, mina ki nayahtam kit ākosiwininawa.
18ispi māka cisas wiyāpamāt ē kihci mihcētiyit misiwē ē waskāskākot, ki itasowēw kwēskitē itēkēkām kita itotēwit. 19pēyak māka masinahikēwiyiniw ki pē takosin, omisi māka ē ki itāt, kēskinohamākēyan, ki ka pimitisahotin piko itē kē papā ayitotēyan. 20cisas māka omisi itēw, mahkēsisak o watiwak, mina piyēsisak kā papāmiyācik o wacistoniwak; māka wiya iyiniwikosisān namawiya ayāw itē kita pimititāt ostikwān. 21mina māka kotaka anihi o kiskinohamawākana omisi ki itik, tēpēyihcikēyan, kiyām niya pitamā itēyimin kita itohtēyān kita natawi nahinak notāwi. 22māka cisas omisi ki itēw, pimitisahon isa; kiyām aniki nēpicik kita nahinēwak anihi o nipomiwāwa.
23ispi māka kā posit osihk, o kiskinohamawākana ki pimitisahok. 24cist māka, ēkota ki pakicimakan ē mistahi yotihk sākahikanihk, ē ki pāposipayik nipi osihk ē ki ispici mamakāahk; māka wiya ki nipāw. 25ēkosi māka o kiskinohamawākana ki pē nātik, ē ki koskonikot māka, omisi ē itikot, tēpēyihcikēyan, pimācihinān; ni nisiwanātisinān. 26omisi māka itēw, tānēki oma kā ohci kostāciyēk, o kiyawāw kā apisāsik ki tāpwēyēyitamowiniwāw? ēkosi māka ki waniskāw, ē ki kitotahk yotin mina sākahikan; ēkosi māka ki kihci aywāstin. 27māka aniki ayisiyiniwak ki māmaskātamwak, omisi ē itwēcik, kēkokāni ayisiyiniw wiya awa, apocika wawāc yotinwa mina sākahikan kā nanahihtākot!
28ispi māka kā takosihk anitē kwēskakām, ot askiwahk aniki karkasinak, ēkotē ki nakiskāk niso ē wiyawiskākoyit maci ahcāhkwa, cipayikamikohk ē pē ohtohtēcik, nāspic ē kostātikosicik, ēkosi māka ēkā awiya ayisiyiniw ēkota kita ki pimohtēt. 29cist māka, ki mistahi tēpwēwak omisi ē itwēcik, kēkway kē ki totātāhk, kiya kisēmanitowikosisān? ki pē itohtān ci ohcitaw kita kakwātakihiyahk ē mwayē otihcipayik? 30wāyaw māka ēkota ohci kā ayācik, ki ayāw ita ē itasi mamicisocik kokosak. 31ēkosi māka maci ahcāhkwak ki natotamawēwak, omisi ē itācik, kispin wayawiwēpiniyāhki, kiyām isitisahonān kita kikiskawāyāhkik kokosak. 32omisi māka ki itēw, niāk. ēkosi māka kā pē wayawicik ki piciyawēskawēwak kokosa; cist māka, kahkiyaw aniki kokosak ki ispatāwak ē kiskatināyik sākahikanihk, ēkosi māka ē ki nisiwanātisicik nipihk. 33aniki māka kā kanawēyimācik ki tapasiwak, ē ki itohtēcik māka anitē otēnāhk, ēkosi ē ki wihtahkik kahkiyaw kēkway, mina kēkway kā ayitotāmit anihi kā wiyawiskākoyit maci ahcāhkwa. 34cist māka, kahkiyaw ē ihtasicik otēnāhk ki wayawiwak kita nitawi nakiskawācik cisasa; ispi māka wiyāpamācik, ki natotamawēwak kita sipwētēyit ot askiwahk ohci.
This Bible text is a transliteration of a corrected edition of the 1908 Western Cree Bible; it is in the public domain.