sēnt mātyo 9
9
1ēkosi māka ki posiw osihk, mina ē ki ati āsowaahk, ē ki otitahk māka tipiyawē ot otēnaw. 2cist māka, ki pētamawēwak pēyak ayisiyiniwa ē ākosiyit nipowāspinēwin nipēwinihk ē pimisiniyit; cisas māka ē wāpahtamwāt o tāpwēyēyitamowiniyiw, omisi ki itēw kā ākosiyit nipowāspinēwin, nikosē, miwēyita; ki ponēyitamākawin ki maciitiwina. 3cist māka, ātiht masinahikēwiyiniwak ki itisowak, awa ayisiyiniw papāstāmo. 4cisas māka ē kiskēyitamwāt o māmitonēyicikaniyiwa, omisi ki itēw, tānēki kā maci itēyitamēk ki tēiwāhk? 5cikēmā tānānima nawac wiyētahk kita itwāniwik, ki ponēyitamākawin ki maciitiwina: ahpo kita itwēhk, waniskā, pimohtē māka? 6māka kita kiskēyitamēk iyiniwikosisān ē ayāt kaskihēwisiwin ota askihk kita ponēyitamākēt maciitiwina, (ēkosi māka itēw kā nipowāspinēyit) waniskā, otina ki nipēwin, itohtē māka ki wāskāhikanihk. 7ēkosi māka ki waniskāw, ē ki itohtēt o wāskāhikanihk. 8māka ispi kā māmawēyaticik ayisiyiniwak wiyāpahtakik, ki māmaskātēyitamwak, mina ē ki kistakimācik kisēmanitowa, ē ki isi miyayit ayisiyiniwa ēkotowi kaskihēwisiwin.
9ēkosi māka cisas ēkota ē ati ohci sipwētēt, ki wāpamēw pēyak ayisiyiniwa, mātyo ē isiyihkāsoyit, ē apiyit ita kā tasi otinimit tipahikēwi soniyāwa; omisi māka itēw, pimitisahon. ēkosi māka ki pasiko, ē ki pimitisawāt.
10 #
lok 15:1,2 ki ayikin māka, mēkwāc cisas ē apit ē micisot wāskāhikanihk, cist, mihcēt paplikanak, mina omacātisak ki takosinwak, ē ki witapimacik asici o kiskinohamawākaniyiwa. 11ispi māka pārasiyak wiyāpahtakik, omisi ki itēwak o kiskinohamawākaniyiwa, tānēki kā wici micisomāt kokiskinoamakēmiwāw paplikana mina omacatisa? 12māka ispi cisas piyēhtahk ēwakwēyiw, omisi ki itēw, aniki kā miyo ayācik namawiya natawēyimēwak maskikiwiyiniwa, piko aniki kā ākosicik. 13#mātyo 12:7; hāsiya 6:6māka niyak kiyawāw natawi kiskēyitamok tānisi ētwēmakahk oma, ni ka ayān kisēwātisiwin, namawiya māka macostēamākēwin; cikēmā namawiya ni pē itohtān kita natomakik kwayask otitatisiwak, māka omacātisak kita kwēskātisicik.
14ēkosi māka ki pē nātik anihi cāna o kiskinohamawākaniyiwa, omisi ē itikot, tānēki niyanān mina parasiyak, micētwāw kā iyiwaniisoyāk, māka kiya ki kiskinohamawākanak, namawiya iyiwaniisowak? 15cisas māka omisi ki itēw, kata matowak ci aniki kā ot awāsimisimikocik wikitowikamik, mēkwāc kēyāpic ē wicēkocik anihi oskiskwēwēwa? patimā māka kisikāwa kita otihcipayiwa, ispi oskiskwēwēwa kita maskamihcik, ēkospi māka kē iyiwanihisocik. 16namawiya awiyak ayisiyiniw astāw oski ayowinisēkin anita kayasi miskotākāhk, cikēmā anima ka misaikākāniwik ohci otinikatēw anita miskotakahk, anima māka kā tātopayik awasimē yāyikipayiw. 17namawiya mina ayisiyiniwak astāwak oski somināpo anita kayāsi wikwāhk, māskoc ētokē wiya wikwaya kata pikopayiwa, ēkosi māka somināpo wayawiyasikawan mina wikwaya nisiwanātanwa; māka astāwak oski somināpo oski wikwāhk, tapiskōc māka namawiya nisiwanātanwa.
18mēkwāc māka ohi ē wawitamawāt, cist, ēkota ki pē takosin pēyak oyasowēwiyiniw ē pē ocihcihkwanapistākot, ē itikot, nitānis sāsay nipiw; māka pē natawi samin, ēkosi māka kita pimātisiw. 19cisas māka ki pasikō, ē ki ati pimitisawāt, mina o kiskinohamawākana kiki.
20cist māka, pēyak iskwēw kā ki akosit mitātaht nisosāp tahto piponwa ē ocikawaniyik o miko, otāhk ki pē ohci natēw, ē ki sāminamwāt māka ē nēyēkaniyik oskotākāyiw; 21cikēmā wiya ki itiso, kispin piko sāminamwaki oskotakay, ēkosi kē miyo ayāyān. 22māka cisas ki kwēskikāpawiw, ispi māka wiyāpamāt, omisi ki itēw, nitānis, miwēyita isa; ki tāpwēyēyitamowin ki ki pimāciikon. ana iskwēw māka ki miyo ayāw ēwako ē ispayik tipaipisimwān. 23ispi māka cisas kā pihtokēt oyasowēwikimāwa o wāskāhikaniyihk, ē ki wāpamāt māka anihi opotācikēwa mina ayisiyiniwa ē wēstāsitākosiyit. 24ōmisi ki itēw, tawik; cikēmā awa oskinikiskwēw namawiya nipiw, māka nipāw. ēkosi māka ki pāpiēwak ē mētawākātācik. 25māka ispi aniki ayisiyiniwak kā wayawitisaohcik, ki pihtokēw, ki otinamwēw o ciciyiw; ēkosi ana oskinikiskwēw ki waniskāw. 26anima māka ē ātotākahk ēkota ki ohci sipwēpayiw misiwē ē ki ispayik ēwako askihk.
27ispi māka cisas ēti sipwētēt, niso ēkā ē wāpiyit ayisiyiniwa ki pimitisahok, ē tatēpwēyit, omisi ē itwēyit, kiya kā okosisimisk tēpit, kitimākinawinān. 28ispi māka kā pihtokēt wāskāhikanihk, aniki ēkā kā wāpicik ayisiyiniwak ki pē nātēwak; cisas māka omisi itēw ki tāpwētēnāwāw ci ē kaskitāyān kita totamān oma? omisi māka ki itēwak, ēhē tēpēyihcikēyan. 29ēkosi māka ki sasāminamwēw oskisikoyiwa, omisi ē itāt, mwēhci kā isinakwahk ki tāpwēwakēyitamowiniwāw ēkosi mwēhci kē totakawiyēk. 30anihi māka oskisikowāwa ki pāskitēnamwān; ēkosi cisas sēmāk ki ayākwāmimēw, omisi ē itāt, ayākwāmisik ēkā awiyak ayisiyiniw kita kiskēyitahk. 31māka wiyawāw, ispi kā ati sipwētēcik, ki siswēpayitāwak anima ot ācimikowiniyiw misiwē ēkota askihk.
32ē ati wayawicik, poti, ki pētamawāw ayisiyiniwa ēkā ē nitāwēyit, ē wiyawiskākoyit maci ahcāhkwa. 33ispi māka maci ahcāhk kā wayawiwēpiniht, ēkā kā nitāwēt ki ayamiw; aniki māka kā māmawēyaticik ayisiyiniwak ki māmaskātamwak, omisi ē itwēcik, namawikāc ēkosi ki isi wāpacikātēw isrēilihk. 34#mātyo 10:25; 12:24; mārk 3:22; lok 11:15māka wiya parasiyak omisi ki itwēwak, wayawiwēpinēw maci ahcāhkwa ē wicihikot ot okimāmiyiwa maci ahcāhkwa. 35#mātyo 4:23; mārk 1:39; lok 4:44cisas māka misiwē ki papamotēw otēnāhk, mina kistapiwinihk, ē kakiskinoamākēt ot ayamihēwikamikoyihk, mina ē kakēskimiwēt ē isi miwātotākwak otēnawiwin mina ē iyinikahāt kahkiyaw ākosiwin kā ayāyit mina nanātohk itāspinēwin ita ē ayācik ayisiyiniwak.
36 #
nampars 27:17; 1 kihci okimāwak 22:17; 2 akinē ācimowina 18:16; isikiēl 34:5; mārk 6:34 māka ispi wiyāpamāt anihi kā māmawēyatiyit ayisiyiniwa, ki mikoskātiskak ēspici kitimākinawāt, cikēmā ki ayēskosiwak, mina pikwanita ē ki siswēskācik, tāpiskoc māyatihkwa ēkā ē okanawimāyatihkwēmiyit. 37#lok 10:2ēkospi māka omisi itēw o kiskinohamawākana, tāpwē isa anima kē māwacicikātēk mihcētin, māka otatoskēwak cakawasisiwak. 38ēwako māka ohci ayamiēstāhk kā tipēyihtahk māwacicikēwin, kita pē isitisawāt otatoskēwa anita o māwacicikēwinihk.
This Bible text is a transliteration of a corrected edition of the 1908 Western Cree Bible; it is in the public domain.