sēnt mātyo 3
3
1ēkospi māka oma ē kākisikāk kā pē takosihk cān pāptist, ē kakēskimiwēt cotia pikwataskamikāhk, 2#mātyo 4:17; mārk 1:15omisi māka ē itwēt, kwēskātisik; cikēmā sāsay pēswēyitākwan kihci kisikowi otēnawiwin. 3#aysāya 40:3ēokoni ohi kā ki āyimomāt okiskiwēhikēw aysāya, ē itwēt,
pēyak matwē pēhtākosiw ē tēpwēt pikwataskamikāhk, wawēyitamāhk o mēskanāma kā tipēyihcikēt, kwayaskwamotwāhk o mēskanāma.
4 #
2 kihci okimāwak 1:8
ēwako māka awa can ki wiyātam opiskwāwikanēwipisiskiw o piwaya, mina pakēkinowi pakwatēhon ki pakwatēho, mina kwāskotisisa mina pikwaci amosisipāskwat ki o miciwiniw. 5ēkosi māka ki pē nātik cērosalam, mina kahkiyaw cotia, mina misiwē aski wāsakām cārtanihk, 6ē ki pāptāsiwihikocik anita cārtan sipihk, ē wāwitakik o macāyiwiniwāwa.
7 #
mātyo 12:34; 23:33 māka ispi wiyāpamāt mihcēt pārasiya mina sātyosiya ē pēci nātamiyit o pāptāsiwihiwēwin, omisi ki itēw, o kiyāwāw kinēpikohk wētātisiyēk, awēna kā wihtamākoyēk kita tapasitāyēk kisiwāsiwin kē pāpayik? 8nokotāk māka ēsiminisiwahk mitātamowin: 9#cān 8:33mina ēkāwiya itēyitamok kita itisoyēk, noyotāwinān ēprēām; cikēmā kit itināwāw, kisēmanito ē kaskitāt ohi asiniya ohci kita waniskānāt kē ot awāsimisit ēprēām. 10#mātyo 7:19āsay ahpo cikahikan āstāniwiw ē ocēpikiwicik mistikwak; ēkosi māka tahto mistik ēkā ē miyo minisiwit, kawawāw macostēwāw māka. 11tāpwē niya ki pāptasiwihitināwāw nipi ohci mitātamowinihk isi; māka wiya kā pē askowit ayiwāk kihcāyiwiw ispic niya, o maskisina namawiya nit ispitēyitākosin kita takonamwak; wiya isa ki ka ohci pāptāsiwihikowāw kā kanātisiyit ahcāhkwa, mina iskotēw: 12o yoyowēamān o cihcihk kā takonahk, mitoni isa kita wēpahikēw ot anāskānihk; ēkosi kita māwacihēw o pakwēsikanikāna o māwacicikēwikamikohk; māka wiya kita kisisam sikawēpayicikana iskotēhk ēkā kē ki āstawēhikātēk.
13ēkospi māka cisas kālalihk kā pē ohci nātāt cāna, anita cārtanihk, kita pāptāsiwihikot. 14māka cān ki ohciēw, ē itwēt, niya isa wiya ni ka ki natawēyitētay kita pāptāsiwihiyan, tayēkwac ci kiya ki pē nāsin? 15māka cisas ki naskwēwasimēw, ē ki itāt, kiyām ēkosi kata ihkin anohc; cikēmā ēkosi ki ka ayititānaw kita tipipayitāyahk misiwē kwayask isiwēpisiwin. ēkosi piyis kiyām kā ki tāpwētawāt. 16cisas māka, ispi kā ki pāptāsiwihiht, sēmāk ē ati kapāt nipihk ohci; cist, ki pāskitēpayiw kihci kisik, ki wāpamēw māka kisēmanitowa ot ahcāhkoyiwa ē pē yāsitotākot wāpiomimihk ē isinākosiyit, ē pē twēhototākot māka; 17#cēnisis 22:2; nikamona 2:7; aysāya 42:1; mātyo 12:18; 17:5; mārk 1:11; lok 9:35cist mina, kihci kisikohk ohci pēhtākwan ē matwē itwēhk, ēwako awa kā sākihak nikosis, kā nahiyawēhit.
This Bible text is a transliteration of a corrected edition of the 1908 Western Cree Bible; it is in the public domain.