sēnt mātyo 4
4
1 #
hiparowa 2:18; 4:15 ēkospi māka cisas kā itotahikot ahcāhkwa pikwataskamikāhk, kita kakwēcihikot maci ahcāhkwa. 2ispi māka nēmitanaw kisikāwa mina nēmitanaw tipiskāwa ēkā kā micisot, ēkospi mwēstas kā notēkatēt. 3ispi māka okakwēcihiwēwa kā otihtikot, omisi ki itik, kispin kiya kisēmanitowi kosisāniwiwanē, isik oki asiniyak kita pakwēsikanihicik. 4#tiyotaranami 8:3māka ki naskwēwasimēw ē ki itāt, itasinahikātēw, ayisiyiniw namawiya piko pakwēsikana kita ohci pimātisit, māka kā itatihk itwēwin kā ohcipayiyik kisēmanito otonihk. 5ēkwa māka maci ahcāhk ki otinēw ē ki itohtahāt anita kanāci otēnāhk, ē ki nahapihāt ē wanaskowahk kihci ayamihēwikamik. 6#nikamona 91:11,12omisi māka itēw, kispin kiya kisēmanitowi kosisāniwiwanē, nihcipayiho; cikēmā itasinahikātēw,
kita sikimēw okisikoma kita kanawēyimiskik; o cihciwāhk kita miciminiskik kita ēkā saskāpiskisitēsimoyan. 7#tiyotaranami 6:16cisas ki itēw, mina isa itasinahikātēw,
ēkāwiywa kakwēci kā tipēyihcikēt ki kisēmanitom. 8kēyāpic maci ahcāhk kitinēw ē ki kospāmaciwētaāt anima ayiwāk ē ispāyik waci, ēkosi ē ki wāpahtaāt kahkiyaw otēnawiwina ota askihk, mina ē isi kihcēyihtākwaniyiki. 9ōmisi māka itēw, kahkiyaw ōhi ki ka miyitin, kispin pahkisiniyani mina ocihcihkwanapistawiyani. 10#tiyotaranami 6:13ēkwa cisas kā itāt, awasitē kiya, sētan; cikēmā itasinahikātēw,
ki ka ocihcihkwanapistawāw kā tipēyihcikēt ki kisēmanitom, ēwako piko kē atoskawat. 11ēkwa māka maci ahcāhk nakatēw, cist māka, okisikowa ki pē nātik ē pē pamihikot.
12 #
mātyo 14:3; mārk 6:17; lok 3:19,20 ēkwa ispi cisas kā pēhtahk ē ki kipahomiht cāna, kālalihk ki itohtēw: 13#cān 2:12ē nakatahk māka nāsarēt, ki pē itohtēw mina ki pē ayāw kēparnēamihk, anima ciki sākahikanihk kā ihtakwahk, kisiwāk anita sēpyolan mina nāptēlim: 14kita tipipayik kā ki itwēt aysāya okiskiwēhikēw, ē itwēt, ot aski
15 #
aysāya 9:1,2 sēpyolan, mina ot aski nāptēlim, ciki kihcikamihk akāmihk itēkēkām cārtan o kālalimiwāhk aniki cēntailak;
16aniki ayisiyiniwak kā apicik wanitipiskāhk, ki wāpahtamwak kihci wāstēw; mina aniki nipowinināhk kā apicik, mina ē ākawāstēskākēk nipowin, wāstēw otihtikwak.
17 #
mātyo 3:2
ēkospi māka ohci cisas kā kakēskimiwēt, omisi ē itwēt, kwēskātisik; cikēmā sāsay pēswēyihtākwan kihci kisikowi otēnawiwin.
18cisas māka ē pimohtēt sisonē kālali sākahikanihk, ki wāpamēw niso ē ociwāmitoyit, sāiman, pitar ēsiyihkāsoyit, mina ociwāmiyiwa āntarowa, ē pakastawēwācik ayapiya sākahikanihk: cikēmā ki noci kinosēwēwiyiniwiwak. 19omisi māka itēw, pimitisahok, ki ka isiitināwāw kita noci kinosēwātāyēkok ayisiyiniwak. 20ēkosi māka sēmāk ki nakatēwak ayapiya, ē ki pimitisawācik. 21ē ati sipwētēt māka ēkota ohci, ki wāpamēw kotaka niso ē ociwāmitoyit, cēmis okosisa sēpiti, mina ociwāma cāna, osihk ē wicēwāyit otāwiyiwa sēpitiwa, ē mamisawāyit ot ayapiwāwa; ki natomēw māka. 22ēkosi māka sēmāk ki nakatamwak osi mina otāwiwāwa, ē ki pimitisawācik māka.
23 #
mātyo 9:35; mārk 1:39 cisas māka ki papāmotēw misiwē kālalihk, ē kiskinohamākēt ot ayamihēwikamikoyihk, mina ē kakēskimiwēt ē isi miwātotākwahk anima otēnawiwin, mina ē ki iyinikatāt misiwē isi ākosiwin, mina kahkiyaw nanātohk itāspinēwin ita ē ayāyit ayisiyiniwa. 24ki papā ācimāw māka misiwē siriyaihk; ki pētamawēwak māka kahkiyaw kā ākosiyit ayisiyiniwa nanātohk kā isi kikiskākoyit ākosiwina mina kakwātakēyimowina, mina anihi kā owiyawiskākoyit maci ahcāhkwa, mina anihi kā wāocipitikoyit, mina anihi kā nānipowiyit; ki iyinikahēw māka. 25ki osāmēyatiyiwa māka anihi ayisiyiniwa kā ki pimitisahokot kālalihk ohci, mina tikāpolisihk ohci, mina cērosalamihk ohci, mina cotiaihk ohci, mina akāmihk cārtanihk ohci.
This Bible text is a transliteration of a corrected edition of the 1908 Western Cree Bible; it is in the public domain.