ᒑᐢᔪᐊ 23
23
1ᑭ ᐊᔨᑭᐣ ᒫᑲ ᒥᐦᒉᑐᑭᓯᑳᐤ ᒣᐧᐢᑕᐢ ᐃᔨᑯᕽ, ᐃᐢᐱ ᑳ ᑎᐯᔨᐦᒋᑫᐟ ᑳ ᒥᔮᐟ ᐃᐢᕒᐁᐃᓬᐊ ᒥᓯᐁᐧ ᐋᐧᐢᑳ ᐁᑳ ᑭᑕ ᒥᑯᐢᑳᒋᐦᐃᑯᔨᐟ ᐅ ᓄᑎᓈᑲᓂᔨᐊᐧ, ᒥᓇ ᒑᐢᔪᐊ ᐁ ᑭᓭᔨᓂᐃᐧᐟ ᒥᓇ ᐁ ᐊᑎ ᓀᓱᐃᐧᑭᐦᑳᐟ; 2ᒑᐢᔪᐊ ᑭ ᓇᑐᒣᐤ ᑲᐦᑭᔭᐤ ᐃᐢᕒᐁᐃᓬ, ᑳ ᓂᑳᓀᔨᑖᑯᓯᔨᐟ ᒥᓇ ᑳ ᑭᐢᑕᑭᐦᒋᑳᓱᔨᐟ, ᒥᓇ ᐅᔭᓱᐁᐧᐃᐧᔨᓂᒥᔨᐊᐧ ᒥᓇ ᐅᑭᒫᒥᔨᐊᐧ, ᐁᑯᓯ ᑭ ᐃᑌᐤ, ᓂ ᑭᓭᔨᓂᐃᐧᐣ ᐁᑲᐧ ᒥᓇ ᓂ ᓀᓱᐃᐧᑭᐦᑳᐣ; 3ᐁᑯᓯ ᑭ ᑭ ᐋᐧᐸᐦᑌᓈᐋᐧᐤ ᑲᐦᑭᔭᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᐃᑐᑕᐋᐧᐟ ᑲᐦᑭᔭᐤ ᐅᐦᐃ ᓇᓈᑐᑯᐢᑳᐣ ᐊᔨᓯᔨᓂᐊᐧ ᑭᔭᐋᐧᐤ ᐅᐦᒋ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᐁᐊᐧᑯ ᐊᓇ ᑳ ᑭ ᓄᑎᓂᑫᐢᑕᒫᑯᔦᐠ. 4ᒫᑎᑲ, ᑭ ᑭ ᐸᐱᐢᑭᐦᑎᓇᒫᑎᓇᐋᐧᐤ ᐅᑭ ᓇᓈᑐᑯᐢᑳᐣ ᑳ ᐃᐢᑯᒋᐠ, ᑭᑕ ᐅ ᑎᐯᔨᒋᑲᓂᒋᐠ ᑳ ᐸᐯᐢᑭᑐᑌᐃᐧᓯᔦᐠ, ᒑᕒᑕᐣ ᐅᐦᒋ, ᐊᓯᒋ ᑲᐦᑭᔭᐤ ᓇᓈᑐᑯᐢᑳᐣ ᑳ ᑭ ᓂᓯᐊᐧᓈᒋᐦᐊᑭᐠ, ᐱᔨᐢ ᐃᐢᑯ ᑭᐦᒋ ᐃᐧᓂᐯᐠ ᐁ ᐊᑎ ᐸᐦᑭᓯᒧᐟ ᐱᓯᒼ ᐃᑌᐦᑫ. 5ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭᑕ ᐋᐧᔭᐃᐧᑎᓴᐁᐧᐤ ᑭ ᓂᑲᓂᒥᐋᐧᕽ, ᒥᓇ ᑭᑕ ᐊᐧᔭᐃᐧᔮᒧᑫᐤ ᐁᑳ ᑭᑕ ᐋᐧᐸᒫᔦᑯᐠ; ᑭ ᑲ ᑎᐯᔨᐦᑕᒫᐧᓈᐋᐧᐤ ᒫᑲ ᐅᐟ ᐊᐢᑭᐋᐧᐤ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᐃᑎᑯᔦᐠ. 6ᒥᐢᑕᐦᐃ ᒫᑲ ᓱᑫᔨᒧᐠ ᑭᑕ ᑲᓀᐧᔨᑕᒣᐠ ᒥᓇ ᑭᑕ ᐃᑐᑕᒣᐠ ᑲᐦᑭᔭᐤ ᑳ ᒪᓯᓇᐃᑳᑌᐠ ᒪᓯᓇᐦᐃᑲᓂᕽ ᐅᔭᓱᐁᐧᐃᐧᓂᕽ ᒧᓯᐢ, ᐁᑳ ᑭᑕ ᐸᐢᑫᔦᐠ ᐁᑯᑕ ᐅᐦᒋ ᑭᐦᒋᓂᐢᑭᕽ ᐃᑌᐦᑫ ᐊᐦᐳ ᓇᒪᑎᓂᕽ ᐃᑌᐦᑫ; 7ᐁᑳ ᑭᑕ ᒣᑳᐧᔦᔭᓯᐢᑲᐋᐧᔦᑯᐠ ᐅᑭ ᐊᔨᓯᔨᓂᐊᐧᐠ, ᐅᑭ ᑳ ᐃᐢᑯᒋᐠ ᐃᑕ ᑳ ᐊᔮᔦᐠ; ᒥᓇ ᐁᑳᐃᐧᔭ ᒫᒥᐢᑯᑕᒼ ᐅ ᐃᐧᔪᐃᐧᓂᔨᐊᐧ ᐅ ᒪᓂᑐᒥᐋᐧᐊᐧ, ᒥᓇ ᐁᑳᐃᐧᔭ ᐊᐢᐱᒧᐠ ᐁ ᑭᐦᒋᐃᑌᐧᔦᐠ, ᒥᓇ ᐁᑳᐃᐧᔭ ᐊᑐᐢᑳᑯᐠ, ᐊᐦᐳ ᐁᑳᐃᐧᔭ ᑳᑭᓯᒧᑐᑕᑯᐠ. 8ᒫᑲ ᒥᒋᒥᓂᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑳ ᑭ ᐃᑐᑕᒣᐠ ᐱᔨᐢ ᐊᓄᐦᐨ ᑳ ᑭᓯᑳᐠ; 9ᒋᑫᒫ ᑳ ᑎᐯᔨᐦᒋᑫᐟ ᑭ ᐊᐧᔭᐃᐧᑎᓴᐁᐧᐤ ᑭ ᓂᑳᓂᒥᐊᐧᕽ ᑭᐦᒋ ᐊᔨᓯᔨᓂᐊᐧ ᒥᓇ ᐁ ᒪᐢᑲᐃᐧᓯᔨᐟ; ᒫᑲ ᐃᐧᔭ ᑭᔭᐋᐧᐤ, ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑲᐢᑭᑖᐤ ᑭᑕ ᐅᐦᑎᐢᑲᐃᐧᑳᐸᐃᐧᐢᑖᑯᔦᐠ ᐱᔨᐢ ᐊᓄᐦᐨ ᑳ ᑭᓯᑳᐠ. 10#ᑎᔪᑕᕒᐊᓇᒥ 32:30; ᑎᔪᑕᕒᐊᓇᒥ 3:22ᐯᔭᐠ ᓈᐯᐤ ᑭᔭᐋᐧᐤ ᑭᑕ ᓯᐯᐧᔮᒧᑫᐤ ᑭᐦᒋᒥᑖᐦᑐᒥᑕᓇᐤ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐤ ᐁᐊᐧᑳᐧᓇ ᑳ ᓄᑎᓂᑫᐢᑕᒫᑯᔦᐠ ᑳ ᑭ ᐃᓯ ᐊᓱᑕᒫᑯᔦᐠ. 11ᒣᔮᑳᐧᒼ ᒫᑲ ᑭᔭᐋᐧᐤ, ᑭᑕ ᓵᑭᐦᐋᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ. 12ᒋᑫᒫ ᑭᐢᐱᐣ ᓈᐣᑕᐤ ᐃᓯ ᑭᐁᐧᔦᑯ, ᒥᓇ ᓈᑖᔦᑳᐧᐃᐧ ᑳ ᐃᐢᑯᒋᐠ ᐅᑭ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ, ᐅᑭ ᐅᑎ ᑳ ᐃᐢᑯᒋᐠ ᐃᑕ ᑳ ᐊᔮᔦᐠ, ᒥᓇ ᐃᐧᑭᒫᔦᑳᐧᐃᐧ, ᐱᑐᑲᐊᐧᔦᑳᐧᐃᐧ ᑭᔭᐋᐧᐤ ᒥᓇ ᐃᐧᔭᐋᐤ ᐱᑕᑳᑯᔦᑳᐧᐃᐧ; 13ᑫᐦᒋᓈ ᑭᐢᑫᔨᑕᒧᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᓇᒪᐃᐧᔭ ᑭᑕ ᐊᐧᔭᐃᐧᑎᓴᐁᐧᐤ ᐅᐦᐃ ᐊᔨᓯᔨᓂᐊᐧ ᐁᑳ ᑭᑕ ᐋᐧᐸᒫᔦᑯᐠ, ᒫᑲ ᑖᐱᐢᑯᐨ ᓇᑳᐧᑲᐣ ᒥᓇ ᐊᐧᓂᐃᑲᐣ ᑭ ᑲ ᐃᑕᐱᐢᑖᑯᐋᐧᐊᐧᐠ, ᒥᓇ ᑖᐱᐢᑯᐨ ᐸᓴᐢᑌᐃᑲᐣ ᑭᔭᐃᐧᐋᐧᕽ ᒥᓇ ᒥᓯᑳᐃᐧᒥᓇᑲᓯᔭᐠ ᑭᐢᑭᓯᑯᐋᐧᕽ, ᐱᔨᐢ ᑭᑕ ᓂᓯᐊᐧᓈᑎᓯᔦᐠ ᐅᒪ ᒥᔪ ᐊᐢᑭᕽ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᒥᔨᑯᔦᐠ.
14ᐁᑲᐧ ᒫᑲ ᒋᐢᐟ ᐊᓄᐦᐨ ᑳ ᑭᓯᑳᐠ ᓂᐟ ᐃᑐᐦᑖᐣ ᐃᑌ ᑳ ᐃᑐᐦᑌᐟ ᑲᐦᑭᔭᐤ ᐊᐃᐧᔭᐠ ᐊᐧᐢᑭᑕᐢᑲᒥᐠ ᑳ ᐊᔮᐟ; ᑭ ᑭᐢᑫᔨᑌᓈᐋᐧᐤ ᒫᑲ ᑲᐦᑭᔭᐤ ᑭᑌᐦᐃᐋᐧᕽ ᒥᓇ ᑲᐦᑭᔭᐤ ᑭᐟ ᐊᐦᒑᐦᑯᐋᐧᕽ, ᐁᑳ ᐯᔭᐠ ᑫᑲᐧᐩ ᐁ ᑭ ᐅᐦᒋ ᓄᐦᑌᐸᔨᐠ ᑲᐦᑭᔭᐤ ᐊᓂᐦᐃ ᒥᔪ ᑫᑲᐧᔭ ᑳ ᑎᐯᔨᐦᒋᑫᐟ, ᑭ ᑭᓭᒪᓂᑐᒥᐋᐧᐤ ᑳ ᑭ ᐃᑌᑯᔦᐠ; ᑲᐦᑭᔭᐤ ᑭ ᑭ ᑎᐱᐸᔨᑖᐧᑲᐃᐧᓈᐋᐧᐤ, ᓇᒪᐋᐧᐨ ᐯᔭᐠ ᑫᑲᐧᐩ ᑯᐦᒋ ᓄᐦᑌᐸᔨᐃᑯᓈᐋᐧᐤ. 15ᑭᑕ ᐃᐦᑭᐣ ᒫᑲ, ᑲᐦᑭᔭᐤ ᐊᓂᐦᐃ ᒥᔪ ᑫᑲᐧᔭ ᑳ ᐃᓯ ᐅᑎᐦᑎᑯᔦᐠ ᑳ ᑭ ᐊᓱᑕᒫᑯᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᐁᑯᓯ ᒣᐧᐦᒋ ᑳ ᑎᐯᔨᐦᒋᑫᐟ ᑫ ᐸᑭᑎᓇᒫᑯᔦᐠ ᑲᐦᑭᔭᐤ ᐊᓂᐦᐃ ᒪᒋ ᑫᑲᐧᔭ, ᐱᔨᐢ ᑭᑕ ᓂᓯᐊᐧᓈᑎᓯᔦᐠ ᐅᑕ ᐅᐦᒋ ᒥᔪ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᒥᔨᑯᔦᐠ. 16ᑭᐢᐱᐣ ᐊᐧᓂᑐᑕᒣᑯ ᐅ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑳ ᑭ ᐃᑕᓱᐋᐧᑎᑯᔦᐠ, ᒥᓇ ᓇᑕᐃᐧ ᐊᑐᐢᑲᐊᐧᔦᑳᐧᐃᐧ ᑯᑕᑲᐠ ᒪᓂᑐᐊᐧᐠ, ᒥᓇ ᑳᑭᓯᒧᑐᑕᐋᐧᔦᑳᐧᐃᐧ; ᐁᑲᐧ ᑳ ᑎᐯᔨᐦᒋᑫᐟ ᑫ ᑭᓯᐢᑖᑯᔦᐠ ᐁᑯᓯ ᑭᔨᐸ ᑭ ᑲ ᓂᓯᐊᐧᓈᑎᓯᓈᐋᐧᐤ ᐊᓂᒪ ᒥᔪ ᐊᐢᑭ ᐅᐦᒋ ᑳ ᑭ ᒥᔨᑯᔦᐠ.
Currently Selected:
ᒑᐢᔪᐊ 23: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
