ᒑᐢᔪᐊ 22
22
1ᒑᐢᔪᐊ ᒫᑲ ᑭ ᓇᑐᒣᐤ ᕒᐅᐱᓇᐃᑕ ᒥᓇ ᑳᑕᐃᑕ ᒥᓇ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ, 2#ᓇᒼᐸᕒᐢ 32:20-32; ᒑᐢᔪᐊ 1:12-15ᐅᒥᓯ ᒫᑲ ᑭ ᐃᑌᐤ, ᑭ ᑭ ᑎᐱᑐᑌᓈᐋᐧᐤ ᑲᐦᑭᔭᐤ ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᔦᐠ, ᒥᓇ ᑭ ᑭ ᓇᑐᐦᑌᓈᐋᐧᐤ ᓂᐟ ᐃᑌᐧᐃᐧᐣ ᑲᐦᑭᔭᐤ ᐊᓂᒪ ᑳ ᑭ ᐃᑕᓱᐋᐧᑎᑕᑯᐠ. 3ᓇᒪᐃᐧᔭ ᑯᐦ ᓇᑲᑖᐋᐧᐊᐧᐠ ᑭᒋᐋᐧᒥᐋᐧᐊᐧᐠ ᐁᑲᐧ ᐅᒪ ᒥᐦᒉᑐᑭᓯᑳᐊᐧ ᐱᔨᐢ ᐊᓄᐦᐨ ᑳ ᑭᓯᑳᐠ, ᒫᑲ ᑭ ᑭ ᑲᓀᐧᔨᑕᒫᐧᓈᐋᐧᐤ ᐅᐟ ᐊᔮᑳᐧᒥᒥᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ. 4ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᒥᔦᐤ ᐯᔭᑕᑭ ᐊᔮᐃᐧᐣ ᑭᒋᐋᐧᒥᐋᐧᐊᐧ, ᑳ ᑭ ᐃᓯ ᐊᓱᑕᒪᐋᐧᐟ; ᐁᑲᐧ ᒫᑲ ᑭᐁᐧᐠ ᒥᓇ ᐃᑐᐦᑌᐠ ᑭᑭᐋᐧᕽ, ᐊᓂᑕ ᐊᐢᑭᕽ ᑳ ᑎᐯᔨᐦᑕᒣᐠ, ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑳ ᑭ ᒥᔨᑯᔦᐠ ᐊᑳᒥᕽ ᒑᕒᑕᐣ. 5ᒫᑲ ᐋᐦᑲᒥ ᐊᔮᑳᐧᒣᔨᑕᒧᐠ ᑭᑕ ᐃᑐᑕᒣᐠ ᐃᑕᓱᐁᐧᐃᐧᐣ ᒥᓇ ᐅᔭᓱᐁᐧᐃᐧᐣ, ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᔦᐠ, ᑭᑕ ᓵᑭᐦᐋᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᒥᓇ ᑭᑕ ᐱᒧᑖᑐᑕᒫᐧᔦᐠ ᑲᐦᑭᔭᐤ ᐅᐟ ᐃᑖᑎᓯᐃᐧᓇ, ᒥᓇ ᑭᑕ ᑎᐱᑐᑕᒣᐠ ᐅᐟ ᐃᑕᓱᐁᐧᐃᐧᓇ, ᒥᓇ ᑭᑕ ᒥᒋᒥᓈᔦᐠ, ᒥᓇ ᑭᑕ ᐊᑐᐢᑲᐋᐧᔦᐠ ᒥᓯᐁᐧ ᑭᑌᐦᐃᐋᐧᕽ ᒥᓇ ᒥᓯᐁᐧ ᑭᐟ ᐊᐦᒑᐦᑯᐋᐧᕽ. 6ᐁᑯᓯ ᒫᑲ ᒑᐢᔪᐊ ᑭ ᓴᐁᐧᔨᒣᐤ, ᒥᓇ ᑭ ᓯᐯᐧᑎᓴᐁᐧᐤ; ᑭ ᑭᐁᐧᐊᐧᐠ ᒫᑲ ᐃᐧᑭᐋᐧᕽ.
7ᐊᓂᐦᐃ ᒫᑲ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᒧᓯᐢ ᑭ ᒥᔦᐤ ᑭᑕ ᐅ ᑎᐯᔨᒋᑲᓂᔨᐟ ᐯᓵᐣ; ᒫᑲ ᐊᓂᑭ ᑯᑕᑲᐠ ᐋᐱᑕᐤ ᒑᐢᔪᐊ ᑭ ᒥᔦᐤ ᐃᑕ ᐁ ᐊᔮᔨᐟ ᐅᒋᐋᐧᒥᔨᐊᐧ ᑫᐧᐢᑲᑳᒼ ᒑᕒᑕᐣ ᓀᑳᐯᐊᓄᕽ. ᐁᑯᓯ ᒥᓇ ᐃᐢᐱ ᒑᐢᔪᐊ ᐁ ᓯᐯᐧᑎᓴᐋᐧᐟ ᑭᑕ ᑭᐁᐧᔨᐟ ᐃᐧᑭᔨᕽ ᑭ ᓴᐁᐧᔨᒣᐤ. 8ᑭ ᑭᑐᑌᐤ ᒫᑲ ᐁ ᐃᑌᐧᐟ, ᒥᐢᑕᐦᐃ ᐁᐧᔪᑎᓯᐃᐧᐣ ᑭᑭ ᑭᐁᐧᐠ ᑭᑭᐋᐧᕽ ᐃᓯ, ᒥᓇ ᓈᐢᐱᐨ ᒥᐦᒉᐟ ᐱᓯᐢᑭᐊᐧᐠ, ᒥᓇ ᐋᐧᐱᐢᑭᓱᓂᔮᐤ, ᒥᓇ ᐅᓵᐃᐧᓱᓂᔮᐤ, ᒥᓇ ᐅᓵᐋᐧᐱᐢᐠ, ᒥᓇ ᐱᐋᐧᐱᐢᐠ, ᒥᓇ ᒥᐢᑕᐦᐃ ᑭᑭᐢᑳᒋᑲᐣ; ᒫᑎᓇᒫᑐᐠ ᑭᔭᐋᐤ ᒥᓇ ᑭᒋᐋᐧᒥᐋᐧᐊᐧᐠ ᑳ ᑭ ᒪᓂᐊᐧᑖᑖᔦᑯᐠ ᑭ ᓄᑎᓈᑲᓂᐋᐊᐧᐠ.
9ᐁᑯᓯ ᐅᐟ ᐊᐋᐧᓯᒥᓴ ᕒᐅᐱᐣ ᒥᓇ ᐅᐟ ᐊᐋᐧᓯᒥᓴ ᑳᐟ ᒥᓇ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᑭ ᑭᐁᐧᐊᐧᐠ, ᑭ ᓇᑲᑌᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓴᐃᓬᐆᐃᕽ ᐅᐦᒋ, ᐁᐊᐧᑳᐧᓂᒪ ᑫᓇᐣ ᐊᐢᑭᕽ ᑳ ᐊᔮᐠ, ᑭᑕ ᐃᑐᐦᑌᒋᐠ ᑭᓬᐃᔭᐟ ᐊᐢᑭᕽ, ᐊᓂᒪ ᐊᐢᑭ ᑳ ᑎᐯᔨᐦᑕᑭᐠ, ᑳ ᑭ ᒥᔨᐦᒋᐠ ᐁ ᐃᑕᐢᑌᔨᐠ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ ᒧᓯᓴ ᐅᐦᒋ.
10ᐃᐢᐱ ᒫᑲ ᑌᑯᓯᑭᐠ ᐊᐢᑭᕽ ᒋᑭ ᒑᕒᑕᓂᕽ, ᐁᐊᐧᑳᐧᓂᒪ ᑫᓇᐣ ᐊᐢᑭᕽ, ᐅᐟ ᐊᐋᐧᓯᒥᓴ ᕒᐅᐱᐣ ᒥᓇ ᐅᐟ ᐊᐋᐧᓯᒥᓴ ᑳᐟ ᒥᓇ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᐁᑯᑕ ᑭ ᐅᓯᐦᑖᐊᐧᐠ ᐸᑭᑎᓈᓱᐃᐧᓈᐱᐢᐠ ᒋᑭ ᒑᕒᑕᓂᕽ, ᐁ ᒥᓵᐠ ᐸᑭᑎᓈᓱᐃᐧᓈᐱᐢᐠ ᐁ ᓄᑲᐧᕽ.
11ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᐯᐦᑕᒪᐧᐠ ᐁ ᐃᑌᐧᐃᐧᐦᐟ, ᒫᑎᑲ, ᐅᐟ ᐊᐋᐧᓯᒥᓴ ᕒᐅᐱᐣ ᒥᓇ ᐅᐟ ᐊᐋᐧᓯᒥᓴ ᑳᐟ, ᒥᓇ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᑭ ᐅᓯᐦᑖᐊᐧᐠ ᐸᑭᑎᓈᓱᐃᐧᓈᐱᐢᐠ ᐸᔭᑌᔮᕽ ᑫᓇᐣ ᐊᐢᑭᕽ, ᑭᓯᐋᐧᐠ ᒑᕒᑕᐣ ᐃᑕᑳᒼ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᐊᔮᒋᐠ. 12ᐃᐢᐱ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐱᔦᐦᑕᐦᑭᐠ ᑲᐦᑭᔭᐤ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒫᐊᐧᒋᐦᐃᑐᐊᐧᐠ ᐁᑯᑕ ᓴᐃᓬᐆᐃᕽ ᑭᑕ ᓇᑐᐸᔨᐢᑕᐋᐧᒋᐠ. 13ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᐃᓯᑎᓴᐦᐊᒪᐁᐧᐊᐧᐠ ᕒᐅᐱᐣ ᐅᐟ ᐊᐋᐧᓯᒥᓴ ᒥᓇ ᑳᐟ ᐅᐟ ᐊᐋᐧᓯᒥᓴ, ᒥᓇ ᐊᓂᐦᐃ ᐋᐱᑕᐤ ᐁ ᐱᐢᑭᑐᑌᐃᐧᓯᔨᐟ ᒪᓈᓯ, ᐊᓂᑕ ᑭᓬᐃᔭᐟ ᐊᐢᑭᕽ, ᐱᓂᔮᓴ ᐅᑯᓯᓴ ᐁᓬᐃᐁᓴᕒ ᐊᔭᒥᐦᐁᐃᐧᔨᓂᐤ; 14ᑭ ᐃᐧᒉᐃᐧᐠ ᒫᑲ ᒥᑖᑕᐦᐟ ᐅᑭᒫᐊᐧ, ᐹᐯᔭᐠ ᐅᑭᒫᐊᐧᐠ ᐅᑖᐃᐧᒫᐊᐧᐠ ᐅ ᐋᐧᐢᑳᐦᐃᑲᓂᐋᐧᕽ ᐅᐦᒋ ᐁ ᐃᑕᐦᑐᑌᐃᐧᓯᒋᐠ ᐃᐢᕒᐁᐃᓬ ᐁᑯᓯ ᑭ ᓂᑲᓇᑭᒫᐊᐧᐠ ᐅᑖᐃᐧᐋᐧᐊᐧ ᐅ ᐋᐧᐢᑳᐦᐃᑲᓂᔨᕽ ᐁ ᑭᐦᒋ ᒥᑖᐦᑐᒥᑕᓇᐁᐧᒋᐠ ᐃᐢᕒᐁᐃᓬ.
15ᑭ ᐯ ᓈᑌᐊᐧᐠ ᒫᑲ ᐊᓂᐦᐃ ᕒᐅᐱᐣ ᐅᐟ ᐊᐋᐧᓯᒥᓴ ᒥᓇ ᑳᐟ ᐅᐟ ᐊᐋᐧᓯᒥᓴ, ᒥᓇ ᐊᓂᐦᐃ ᐋᐱᑕᐤ ᐁ ᐱᐢᑭᑐᑌᐃᐧᓯᔨᐟ ᒪᓈᓯ, ᐊᓂᑕ ᑭᓬᐃᔭᐟ ᐊᐢᑭᕽ, ᑭ ᑭᑐᑌᐊᐧᐠ ᒫᑲ ᐁ ᐃᑌᐧᒋᐠ, 16#ᑎᔪᑕᕒᐊᓇᒥ 12:13,14ᐁᑯᓯ ᐅᒪ ᐁᑌᐧᒋᐠ ᑲᐦᑭᔭᐤ ᑳ ᒫᐊᐧᒋᐦᐃᑐᒋᐠ ᑳ ᑎᐯᔨᐦᒋᑫᐟ ᐅᐟ ᐊᔨᓯᔨᓂᒪ, ᑫᑲᐧᐩ ᐅᒪ ᑳ ᑭ ᐃᓯ ᐊᐧᓂᑐᑕᐋᐧᔦᐠ ᐅ ᑭᓭᒪᓂᑐᒪ ᐃᐢᕒᐁᐃᓬ, ᑳ ᐳᓂ ᐱᒥᑎᓴᐋᐧᔦᐠ ᑳ ᑎᐯᔨᐦᒋᑫᐟ ᐊᓄᐦᐨ ᑳ ᑭᓯᑳᐠ, ᐊᓂᒪ ᐁ ᑭ ᐅᓯᐦᑖᐧᓱᔦᐠ ᐸᑭᑎᓈᓱᐃᐧᓈᐱᐢᐠ ᑭᑕ ᐊᐧᓂᑐᑕᐋᐧᔦᐠ ᐊᓄᐦᐨ ᑳ ᑭᓯᑳᐠ ᑳ ᑎᐯᔨᐦᒋᑫᐟ? 17#ᓇᒼᐸᕒᐢ 25:1-9ᑳ ᑭ ᒪᒋᑐᑕᒥᕽ ᐊᓂᑕ ᐱᐋᕒ ᐅᓵᒼ ᒋ ᑭᐟ ᐊᐱᐢᑌᔨᑌᓈᓇᐤ, ᐊᓂᒪ ᐁᑳ ᒉᐢᑲᐧ ᑳ ᐯᐦᑭᐃᓱᔭᕽ ᐱᔨᐢ ᐊᓄᐦᐨ ᑳ ᑭᓯᑳᐠ, ᐋᑕ ᐋᔨᒫᐢᐱᓀᐃᐧᐣ ᐁ ᑭ ᐅᑎᐦᑎᑯᒋᐠ ᑳ ᒫᐊᐧᒋᐦᐃᑐᒋᐠ ᑳ ᑎᐯᔨᐦᒋᑫᐟ ᐅᐟ ᐊᔨᓯᔨᓂᒪ, 18ᐁᑲᐧ ᑳ ᐳᓂ ᐱᒥᑎᓴᐋᐧᔦᐠ ᑳ ᑎᐯᔨᐦᒋᑫᐟ ᐊᓄᐦᐨ ᑳ ᑭᓯᑳᐠ? ᐁᑯᓯ ᑭᑕ ᐃᐦᑭᐣ, ᐊᔨᐢ ᐁ ᐊᐧᓂᑐᑕᐋᐧᔦᐠ ᑳ ᑎᐯᔨᐦᒋᑫᐟ, ᐋᐧᐸᐦᑭ ᑭᑕ ᑭᓯᐢᑕᐁᐧᐤ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐃᐢᕒᐁᐃᓬᐊ. 19ᒫᑲ ᐃᐧᔭ ᑭᐢᐱᐣ ᐊᓂᒪ ᐊᐢᑭ ᑳ ᑎᐯᔨᐦᑕᒣᐠ ᓇᒪᐃᐧᔭ ᐯᑲᐣ, ᑭᔮᒼ ᐋᓱᐊᐧᐊᒧᐠ ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑳ ᐊᔮᐟ, ᐃᑕ ᑳ ᑎᐯᔨᐦᒋᑫᐟ ᐃᐧᑭ ᑳ ᐊᔮᔨᐠ, ᒥᓇ ᑭᑕ ᐅᑎᓇᒣᐠ ᑎᐯᔨᒋᑲᐣ ᐃᑕ ᑳ ᐊᔮᔮᕽ: ᒫᑲ ᐁᑳᐃᐧᔭ ᐊᐧᓂᑐᑖᕽ ᑳ ᑎᐯᔨᐦᒋᑫᐟ, ᒥᓇ ᐁᑳᐃᐧᔭ ᓂᔭᓈᐣ ᐊᐧᓂᑐᑕᐃᐧᓈᐣ, ᑳ ᐅᓯᐦᑖᔦᐠ ᐸᑭᑎᓈᓱᐃᐧᓈᐱᐢᐠ ᐱᐢᑭᐢ ᐊᓂᒪ ᐅ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᐟ. 20#ᒑᐢᔪᐊ 7:1-26ᓇᒪ ᒋ ᐁᑲᐣ ᐅᑯᓯᓴ ᓯᕒᐊ ᑭ ᐊᐧᓂᑐᑕᒼ ᐊᓂᒪ ᑳ ᑭ ᐸᑭᑌᔨᐦᒋᑳᑌᐠ, ᐁᑯᓯ ᑭᓯᐋᐧᓯᐃᐧᐣ ᑭ ᐸᑲᒥᐢᑳᐠ ᑲᐦᑭᔭᐤ ᐃᐢᕒᐁᐃᓬ? ᐁᑯᓯ ᐊᓇ ᓈᐯᐤ ᓇᒪᐃᐧᔭ ᑭ ᐯᔭᑯ ᓂᓯᐊᐧᓈᑎᓯᐤ ᐅ ᐊᐧᓂᑐᑕᒧᐃᐧᓂᕽ.
21ᐁᑲᐧ ᕒᐅᐱᐣ ᐅᐟ ᐊᐋᐧᓯᒥᓴ ᒥᓇ ᑳᐟ ᐅᐟ ᐊᐋᐧᓯᒥᓴ, ᒥᓇ ᐋᐱᑕᐤ ᑳ ᐱᐢᑭᑐᑌᐃᐧᓯᐟ ᒪᓈᓯ ᑭ ᓇᐢᑫᐧᐊᐧᓯᐁᐊᐧᐠ, ᒥᓇ ᑭ ᑭᑐᑌᐊᐧᐠ ᑳ ᓂᑳᓂᐢᑲᐋᐧᔨᐟ ᐁ ᑭᐦᒋᒥᑖᐦᑐᒥᑕᓇᐁᐧᔨᐟ ᐃᐢᕒᐁᐃᓬ, 22ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᒪᓂᑐᐊᐧᐠ, ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᒪᓂᑐᐊᐧᐠ, ᐃᐧᔭ ᑭᐢᑫᔨᑕᒼ, ᒥᓇ ᐃᐢᕒᐁᐃᓬ ᑭᑕ ᑭᐢᑫᔨᑕᒼ; ᑭᐢᐱᐣ ᒫᔭᑲᒥᑭᓯᐃᐧᓂᕽ ᐊᐦᐳ ᐁ ᐊᐧᓂᑐᑕᐋᐧᔮᕽ ᑳ ᑎᐯᔨᐦᒋᑫᐟ, (ᐁᑳᐃᐧᔭ ᒪᓈᒋᐃᓈᐣ ᐊᓄᐦᐨ ᑳ ᑭᓯᑳᐠ), 23ᑭᐢᐱᐣ ᑳ ᐅᓯᐦᑖᐋᐧᑫ ᐸᑭᑎᓈᓱᐃᐧᓈᐱᐢᐠ ᑭᑕ ᐳᓂ ᐱᒥᑎᓴᐋᐧᔮᕽ ᑳ ᑎᐯᔨᐦᒋᑫᐟ; ᐊᐦᐳ ᑭᑕ ᐸᑭᑎᓇᒫᕽ ᐁᑯᑕ ᒪᒍᐢᑌᐦᐊᒫᑫᐃᐧᓇ ᐊᐦᐳ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᐊᐦᐳ ᑭᑕ ᐸᑭᑎᓇᒫᕽ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐁᑯᑕ, ᑭᔮᒼ ᑳ ᑎᐯᔨᐦᒋᑫᐟ ᐃᐧᔭ ᑫᐦᒋᐋᐧᐠ ᑭᑕ ᓇᑐᐢᑲᒼ; 24ᒫᑲ ᓇᐊᐧᐨ ᐁ ᐊᔮᑳᐧᒣᔨᑕᒫᕽ ᐅᒪ ᑳ ᑭ ᐃᑐᑕᒫᕽ, ᒥᓇ ᐅᐦᒋᑕᐤ ᐁ ᐃᑌᐧᔮᕽ, ᓂᑳᐣ ᐅᑌ ᑭᐟ ᐊᐋᐧᓯᒥᓯᐋᐧᐊᐧᐠ ᒫᐢᑯᐨ ᑭᑕ ᑭᑐᑌᐊᐧᐠ ᓂᐟ ᐊᐋᐧᓯᒥᓯᓈᓇ, ᐁ ᐃᑌᐧᒋᐠ, ᑖᓂᓯ ᐃᐧᔭ ᑭᔭᐋᐧᐤ ᐁᓯ ᐃᐧᒉᐋᐧᔦᐠ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ? 25ᒋᑫᒫ ᑳ ᑎᐯᔨᐦᒋᑫᐟ, ᑭ ᐃᓯᑖᐤ ᒑᕒᑕᐣ ᑭᑕ ᑭᓯᐱ ᐊᔮᐠ ᑭᐟ ᐊᐢᑭᐋᐧᐤ ᒥᓇ ᓂᔭᓈᐣ, ᑭᔭᐋᐧᐤ ᕒᐅᐱᐣ ᐅᐟ ᐊᐋᐧᓯᒥᓴ ᒥᓇ ᑳᐟ ᐅᐟ ᐊᐋᐧᓯᒥᓴ; ᓇᒪᐃᐧᔭ ᑭᔭᐋᐧᐤ ᑭ ᐃᐧᒋᐦᐃᐋᐧᓈᐋᐧᐤ ᑳ ᑎᐯᔨᐦᒋᑫᐟ; ᐁᑯᓯ ᒫᑲ ᑭᐟ ᐊᐋᐧᓯᒥᐋᐧᐊᐧᐠ ᑭᑕ ᐳᒣᒫᒋᐠ ᓂᐟ ᐊᐋᐧᓯᒥᓯᓈᓇ ᐁ ᑯᓯᑫᐧᔨᒫᔨᐟ ᑳ ᑎᐯᔨᐦᒋᑫᔨᐟ. 26ᐁᐊᐧᑯ ᐅᐦᒋ ᓂ ᑭ ᐃᑖᐧᓈᐣ, ᑭᔮᒼ ᐁᑲᐧ ᒪᒋᑖᐠ ᑭᑕ ᐅᓯᐦᑕᒫᓱᔭᕽ ᐸᑭᑎᓈᓱᐃᐧᓈᐱᐢᐠ, ᓇᒪᐃᐧ ᒪᒍᐢᑌᐦᐊᒫᑫᐃᐧᐣ ᐅᐦᒋ ᐊᐦᐳ ᐸᑭᑎᓈᓱᐃᐧᐣ. 27ᒫᑲ ᐁᐧᐋᐧᐦᒋ ᑭ ᑲ ᐋᒋᒧᐢᑖᑯᓈᓇᐤ ᓂᔭᓈᐣ ᒥᓇ ᑭᔭᐋᐧᐤ, ᒥᓇ ᐊᓂᑭ ᑫ ᐋᓂᐢᑫᐢᑲᒫᑯᔭᑯᐠ, ᑭᑕ ᑭ ᐊᑐᐢᑲᐊᐧᔮᕽ ᑳ ᑎᐯᔨᐦᒋᑫᐟ ᐁ ᐅᐦᑎᐢᑲᐃᐧᐢᑲᐋᐧᔮᕽ ᑭᑭ ᓂ ᒪᒍᐢᑌᐦᐊᒫᑫᐃᐧᓂᓈᓇ, ᒥᓇ ᓂ ᐸᑭᑎᓈᓱᐃᐧᓂᓈᓇ, ᒥᓇ ᓂ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓂᓈᓇ; ᑭᐟ ᐊᐋᐧᓯᒥᓯᐋᐧᐊᐧᐠ ᐁᑳ ᑭᑕ ᐃᑖᒋᐠ ᓂᐟ ᐊᐋᐧᓯᒥᓯᓈᓇ ᐅᑌ ᓂᑳᐣ, ᓇᒪᐃᐧᔭ ᑫᑲᐧᐩ ᑭ ᐃᐧᒋᐦᐃᐊᐧᓈᐋᐧᐤ ᑳ ᑎᐯᔨᐦᒋᑫᐟ. 28ᐁᐊᐧᑯ ᐅᐦᒋ ᑳ ᐃᑌᐧᔮᕽ, ᑭᑕ ᐃᐦᑭᐣ, ᐃᐢᐱ ᐃᑎᑯᔭᑳᐧᐃᐧ ᑭᔮᓇᐤ ᐊᐦᐳ ᑫ ᐋᓂᐢᑫᐢᑲᒫᑯᔭᑯᐠ ᐅᑌ ᓂᑳᐣ ᑭ ᑲ ᐃᑖᐧᓇᐤ, ᐋᐧᐸᐦᑕᒧᐠ ᐁᓯᓈᑲᐧᕽ ᐅ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᐟ, ᓄᑖᐃᐧᓈᓇᐠ ᑳ ᑭ ᐅᓯᐦᑖᒋᐠ ᓇᒪᐃᐧᔭ ᑭᑕ ᐸᑭᑎᓇᑭᐠ ᒪᒍᐢᑌᐦᐊᒫᑫᐃᐧᐣ ᐊᐦᐳ ᐸᑭᑎᓈᓱᐃᐧᐣ; ᒫᑲ ᑭᑕ ᐁᐧᐋᐧᐦᒋ ᐋᒋᒧᐢᑖᑯᔭᕽ ᓂᔭᓈᐣ ᒥᓇ ᑭᔭᐋᐧᐤ. 29ᓇᒪᐃᐧᔭ ᑭᑕ ᑭ ᐃᐦᑭᐣ ᑭᑕ ᒫᔨᑐᑕᐋᔮᕽ ᑳ ᑎᐯᔨᐦᒋᑫᐟ, ᒥᓇ ᑭᑕ ᐳᓂ ᐱᒥᑎᓴᐋᐧᔮᕽ ᐊᓄᐦᐨ ᑳ ᑭᓯᑳᐠ, ᑭᑕ ᐅᓯᐦᑖᔮᕽ ᐸᑭᑎᓈᓱᐃᐧᓈᐱᐢᐠ ᒪᒍᐢᑌᐦᐊᒫᑫᐃᐧᐣ ᐅᐦᒋ, ᐊᐦᐳ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᐊᐦᐳ ᒧᐦᒋ ᐸᑭᑎᓈᓱᐃᐧᐣ, ᐅᐦᐱᒣ ᐊᓂᒪ ᐅ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑳ ᐊᔮᐠ ᐅᐦᑎᐢᑲᐤ ᐃᐧᑭᕽ.
30ᐃᐢᐱ ᒫᑲ ᐱᓂᐋᐢ ᐊᔭᒥᐦᐁᐃᐧᔨᓂᐤ, ᒥᓇ ᐅᑭᒫᒥᐋᐧᐊᐧ ᑳ ᒫᒪᐁᐧᔭᑎᒋᐠ, ᐊᓂᑭ ᐅᑎ ᑳ ᓂᑳᓇᑭᐦᒋᑳᓱᒋᐠ ᐁ ᑲᑭᐦᒋᒥᑖᐦᑐᒥᑕᓇᐁᐧᔨᐟ ᐃᐢᕒᐁᐃᓬᐊ ᑳ ᐃᐧᒉᐃᐧᑯᐟ ᐱᔦᐦᑕᐦᑭᐠ ᑳ ᐃᑌᐧᔨᐟ ᕒᐅᐱᐣ ᐅᐟ ᐊᐋᐧᓯᒥᓴ ᒥᓇ ᑳᐟ ᐅᐟ ᐊᐋᐧᓯᒥᓴ ᒥᓇ ᒪᓈᓯ ᐅᐟ ᐊᐋᐧᓯᒥᓴ ᐁ ᐱᑭᐢᑫᐧᔨᐟ, ᑭ ᓇᐦᐁᔨᑕᒪᐧᐠ. 31ᐁᑯᓯ ᐱᓂᐋᐢ ᐅᑯᓯᓴ ᐁᓬᐃᐁᓴᕒ ᐊᓇ ᐊᔭᒥᐦᐁᐃᐧᔨᓂᐤ ᑭ ᐃᑌᐤ ᐅᐟ ᐊᐋᐧᓯᒥᓯᔨᐊᐧ ᕒᐅᐱᐣ ᒥᓇ ᐅᐟ ᐊᐋᐧᓯᒥᓯᔨᐊᐧ ᑳᐟ, ᒥᓇ ᐅᐟ ᐊᐋᐧᓯᒥᓯᔨᐊᐧ ᒪᓈᓯ, ᐊᓄᐦᐨ ᑳ ᑭᓯᑳᐠ ᑭ ᑭᐢᑫᔨᑌᓈᐤ ᑳ ᑎᐯᔨᐦᒋᑫᐟ ᐁ ᐃᐧᒉᐃᐧᑯᔭᕽ, ᒋᑫᒫ ᐁᑳ ᐅᒪ ᐁ ᑭ ᐊᐧᓂᑐᑕᐋᐧᔦᐠ ᑳ ᑎᐯᔨᐦᒋᑫᐟ; ᐁᑲᐧ ᒪᓇ ᒫᑲ ᑭ ᑭ ᐸᐢᐱᐦᐃᒫᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᑎᐯᔨᐦᒋᑫᐟ ᐅᒋᐦᒋᕽ.
32ᐱᓂᔮᐢ ᒫᑲ ᐅᑯᓯᓴ ᐁᓬᐃᐁᓴᕒ ᐊᔭᒥᐦᐁᐃᐧᔨᓂᐤ, ᒥᓇ ᐊᓂᑭ ᐅᑭᒫᐊᐧᐠ, ᑭ ᑭᐁᐧᐊᐧᐠ ᑫᓇᐣ ᐊᐢᑭᕽ ᐁ ᑭ ᓇᑕᐋᐧᐸᒫᒋᐠ ᐅᐟ ᐊᐋᐧᓯᒥᓯᔨᐊᐧ ᕒᐅᐱᐣ, ᒥᓇ ᐅᐟ ᐊᐋᐧᓯᒥᓯᔨᐊᐧ ᑳᐟ ᐊᓂᑕ ᑭᓬᐃᔭᐟ ᐊᐢᑭᕽ; ᑳᐃᐧ ᒫᑲ ᑭ ᐯ ᐋᒋᒧᐢᑕᐁᐧᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 33ᐁᐊᐧᑫᐧᔨᐤ ᒫᑲ ᑭ ᓇᐦᐁᔨᑕᒪᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓇᓈᐢᑯᒣᐊᐧᐠ ᑭᓭᒪᓂᑐᐊᐧ, ᒥᓇ ᓇᒪᐃᐧᔭ ᐊᐊᐧᓯᒣ ᒥᐢᑯᑕᒪᐧᐠ ᑭᑕ ᓇᑐᐸᔨᐢᑕᐋᐧᒋᐠ, ᑭᑕ ᓂᓯᐊᐧᓈᒋᐦᑖᒋᐠ ᐊᓂᒪ ᐊᐢᑭ ᐃᑕ ᐅᐟ ᐊᐋᐧᓯᒥᓴ ᕒᐅᐱᐣ ᒥᓇ ᐅᐟ ᐊᐋᐧᓯᒥᓴ ᑳᐟ ᑳ ᐅᐟ ᐃᐦᑖᐃᐧᓂᔨᐟ. 34ᐊᓂᑭ ᒫᑲ ᐅᐟ ᐊᐋᐧᓯᒥᓴ ᕒᐅᐱᐣ ᒥᓇ ᐅᐟ ᐊᐋᐧᓯᒥᓴ ᑳᐟ ᐊᓂᒪ ᐸᑭᑎᓈᓱᐃᐧᓈᐱᐢᐠ ᐁ ᑭ ᐃᓯᔨᐦᑳᑕᒪᐧᐠ; ᒋᑫᒫ ᑭ ᐃᑌᐧᐊᐧᐠ, ᐋᒋᒧᒪᑲᐣ ᑕᐢᑕᐋᐧᔨᕽ ᐃᑕ ᑳ ᐊᔮᔭᕽ ᑳ ᑎᐯᔨᐦᒋᑫᐟ ᐁ ᑭᓭᒪᓂᑐᐃᐧᐟ.
Currently Selected:
ᒑᐢᔪᐊ 22: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
