ᒑᐢᔪᐊ 24
24
1ᒑᐢᔪᐊ ᒫᑲ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᐁ ᐸᐯᐢᑭᑐᑌᐃᐧᓯᔨᐟ ᐃᐢᕒᐁᐃᓬ ᐊᓂᑕ ᓯᑫᒼ, ᑭ ᓇᑐᒣᐤ ᒫᑲ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬ, ᒥᓇ ᑳ ᑭᐦᒉᔨᑖᑯᓯᒋᐠ, ᒥᓇ ᐅᔭᓱᐁᐧᐃᐧᔨᓂᒥᐋᐧᐊᐧ, ᒥᓇ ᐅᑭᒫᒥᐋᐧᐊᐧ; ᑭ ᐯ ᐃᑐᐦᑌᐊᐧᐠ ᒫᑲ ᐅᐦᑎᐢᑲᐤ ᑭᓭᒪᓂᑐᐊᐧ. 2#ᒉᓂᓯᐢ 11:27ᒑᐢᔪᐊ ᒫᑲ ᑭ ᐃᑌᐤ ᑲᐦᑭᔭᐤ ᐊᔨᓯᔨᓂᐊᐧ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᑯᑖᐃᐧᐋᐧᐊᐧᐠ ᑭ ᐅᐟ ᐃᐦᑖᐃᐧᓂᐊᐧᐠ ᑲᔮᐢ ᐊᑳᒥᓯᐱᕽ, ᑎᕒᐊ ᐅᑎ ᐅᑖᐃᐧᔭ ᐁᑊᕒᐁᐋᒼ, ᒥᓇ ᐅᑖᐃᐧᔭ ᓀᐦᐅᕒ; ᐁᑯᓯ ᑭ ᐊᑐᐢᑲᐁᐧᐊᐧᐠ ᑯᑕᑲ ᒪᓂᑐᐊᐧ. 3#ᒉᓂᓯᐢ 12:1-9; ᒉᓂᓯᐢ 21:1-3ᓂ ᑭ ᐅᑎᓈᐤ ᒫᑲ ᑯᑖᐃᐧᐋᐧᐤ ᐁᑊᕒᐁᐋᒼ ᐊᑳᒥᓯᐱᕽ ᐅᐦᒋ, ᒥᓇ ᓂ ᑭ ᐊᔨᑐᑕᐋᐤ ᒥᓯᐁᐧ ᑫᓇᐣ ᐊᐢᑭᕽ, ᐁᑯᓯ ᓂ ᑭ ᒥᐦᒉᑐᐃᒫᐊᐧ ᐅ ᓂᐦᑖᐃᐧᑭᐦᐋᑲᓇ, ᒥᓇ ᓂ ᑭ ᒥᔮᐤ ᐋᐃᓴᐠ. 4#ᒉᓂᓯᐢ 25:24-26; ᒉᓂᓯᐢ 36:8; ᑎᔪᑕᕒᐊᓇᒥ 2:5; ᒉᓂᓯᐢ 46:1-7ᐋᐃᓴᐠ ᒫᑲ ᓂ ᑭ ᒥᔮᐤ ᒉᑲᑊ ᒥᓇ ᐃᓵ; ᐃᓵ ᒫᑲ ᓂ ᑭ ᒥᔮᐤ ᓯᔭᕒ ᐊᐧᒋ ᑭᑕ ᑎᐯᔨᐦᑕᕽ; ᐁᑯᓯ ᒉᑲᑊ ᒥᓇ ᐅᐟ ᐊᐋᐧᓯᒥᓴ ᐃᒋᑊᑎᕽ ᑭ ᐃᑐᐦᑌᐊᐧᐠ. 5#ᐁᐠᓴᑕᐢ 3:1—12:42ᓂ ᑭ ᐃᓯᑎᓴᐋᐧᐊᐧᐠ ᒫᑲ ᒧᓯᐢ ᒥᓇ ᐁᕒᐊᐣ, ᐁᑯᓯ ᓂ ᑲ ᑯᑕᑭᐋᐊᐧᐠ ᐃᒋᑊᑎᕽ, ᑳ ᐊᔮᒋᐠ ᑳ ᑭ ᐊᔨᓯᒋᑫᔮᐣ ᐁᑯᑕ ᒣᑳᐧᐨ; ᒣᐧᐢᑕᐢ ᐃᔨᑯᕽ ᒫᑲ ᑭ ᑭ ᐯ ᐊᐧᔭᐃᐧᑕᐦᐃᑎᓈᐋᐧᐤ. 6#ᐁᐠᓴᑕᐢ 14:1-31ᓂ ᑭ ᐯ ᐊᔭᐃᐧᑕᐋᐊᐧᐠ ᒫᑲ ᑯᑖᐃᐧᐋᐧᐊᐧᐠ ᐃᒋᑊᑎᕽ ᐅᐦᒋ; ᐁᑯᓯ ᑭ ᑭ ᐯ ᐅᑎᑌᓈᐋᐧᐤ ᐃᐧᓂᐯᐠ; ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᑭ ᓇᐊᐧᓵᐧᑌᐊᐧᐠ ᑯᑖᐃᐧᐋᐧᐊᐧ ᑎᑎᐱᑖᐸᓈᐢᑲᐧ ᒥᓇ ᐅᑌᑕᐱᐊᐧ ᐁ ᐊᔮᐊᐧᒋᐠ ᐁᑯᑕ ᒥᐦᑳᐧᑲᒥᐃᐧ ᐃᐧᓂᐯᑯᕽ. 7ᐃᐢᐱ ᒫᑲ ᒣᐃᐧᒧᐢᑕᐋᐧᒋᐠ ᑳ ᑎᐯᔨᐦᒋᑫᔨᐟ, ᑭ ᐊᐢᑖᐤ ᐊᐧᓂᑎᐱᐢᑳᐤ ᑕᐢᑕᐋᐧᔨᕽ ᑭᔭᐋᐧᐤ ᒥᓇ ᐃᒋᑊᐟ ᐊᔨᓯᔨᓂᐊᐧᐠ, ᓂ ᑭ ᐃᑐᑌᐣ ᒫᑲ ᐃᐧᓂᐯᐠ ᑭᑕ ᐸᑲᒥᐢᑳᑯᒋᐠ ᒥᓇ ᑭᑕ ᔨᐢᑭᐯᐢᑳᑯᒋᐠ, ᑭᐢᑭᓯᑯᐊᐧᕽ ᒫᑲ ᑭ ᑭ ᐋᐧᐸᐦᑌᓈᐋᐧᐤ ᑳ ᑭ ᐃᑐᑕᒫᐣ ᐃᒋᑊᑎᕽ; ᐁᑯᓯ ᒥᐦᒉᑐᑭᓯᑳᐤ ᑭ ᑭ ᐊᔮᓈᐋᐧᐤ ᐱᑲᐧᑕᐢᑭᕽ. 8#ᓇᒼᐸᕒᐢ 21:21-35ᑭ ᑭ ᐯ ᐃᑐᑕᐃᑎᓈᐋᐧᐤ ᒫᑲ ᐅᐟ ᐊᐢᑭᐋᐧᕽ ᐋᒪᕒᐊᐃᑕᐠ, ᑳ ᑭ ᐊᔮᒋᐠ ᐊᑳᒥᕽ ᒑᕒᑕᓂᕽ; ᐁᑯᓯ ᑭ ᑭ ᓄᑎᓂᑯᐋᐧᐊᐧᐠ; ᓂ ᑭ ᐸᑭᑎᓈᐊᐧᐠ ᒫᑲ ᑭᒋᐦᒋᐋᐧᕽ, ᐁᑯᓯ ᑭ ᑭ ᑎᐯᔨᐦᑕᒫᐧᓈᐋᐧᐤ ᐅᐟ ᐊᐢᑭᐋᐧᐤ; ᓂ ᑭ ᓂᓯᐊᐧᓈᒋᐦᐋᐊᐧᐠ ᒫᑲ ᑭ ᓂᑳᓂᒥᐊᐧᕽ. 9#ᓇᒼᐸᕒᐢ 22:1—24:25ᐁᑲᐧ ᐯᓬᐋᐠ ᐅᑯᓯᓴ ᓯᐹᕒ, ᒧᐋᑊ ᑭᐦᒋ ᐅᑭᒫᐤ, ᑭ ᐸᓯᑯ ᒥᓇ ᑭ ᓄᑎᓀᐤ ᐃᐢᕒᐁᐃᓬᐊ; ᑭ ᐃᓯᑎᓴᐦᐅᐁᐧᐤ ᒫᑲ ᐁ ᑭ ᓇᑐᒫᐟ ᐯᓬᐋᒼ ᐅᑯᓯᓴ ᐱᐋᕒ ᑭᑕ ᓈᓂᐳᒥᑯᔦᐠ. 10ᒫᑲ ᓇᒪᐃᐧᔭ ᓂ ᐃᐧ ᓇᑐᐦᑕᐋᐧᐤ ᐯᓬᐋᒼ; ᐁᑯᓯ ᒫᑲ ᑫᔮᐱᐨ ᑭ ᑭ ᓴᐁᐧᔨᒥᑯᐋᐧᐤ; ᑭ ᑭ ᐸᐢᐱᐦᐃᑎᓈᐋᐧᐤ ᒫᑲ ᐅᒋᐦᒋᕽ ᐅᐦᒋ. 11#ᒑᐢᔪᐊ 3:14-17; ᒑᐢᔪᐊ 6:1-21ᑭ ᑭ ᐋᓱᐊᐧᐁᓈᐋᐧᐤ ᒫᑲ ᒑᕒᑕᐣ, ᒥᓇ ᑭ ᑭ ᐅᑎᑌᓈᐋᐧᐤ ᒉᕒᐃᑯ; ᐁᑯᓯ ᒉᕒᐃᑯ ᐊᔨᓯᔨᓂᐊᐧᐠ ᑭ ᑭ ᓄᑎᓂᑯᐋᐧᐊᐧᐠ, ᐊᓇ ᐋᒪᕒᐊᐃᐟ ᒥᓇ ᐯᕒᐃᓴᐃᐟ, ᒥᓇ ᑫᓇᓇᐃᐟ, ᒥᓇ ᐦᐃᑕᐃᐟ, ᒥᓇ ᑲᕒᑲᓴᐃᐟ, ᒥᓇ ᐦᐊᐃᐸᐃᐟ, ᒥᓇ ᒉᑊᔪᓴᐃᐟ; ᐁᑯᓯ ᓂ ᑭ ᐸᑭᑎᓈᐊᐧᐠ ᑭᒋᐦᒋᐋᐧᕽ. 12#ᐁᐠᓴᑕᐢ 23:28; ᑎᔪᑕᕒᐊᓇᒥ 7:20ᑭ ᑭ ᓂᑳᓂᑎᓴᐊᒫᑎᓈᐋᐧᐤ ᒫᑲ ᐅᒋᐢᑕᐅᐁᐧᓯᐊᐧᐠ, ᐁᑯᓯ ᑭ ᐊᐧᔭᐃᐧᑎᓴᐁᐧᐊᐧᐠ ᑭ ᓂᑳᓂᒥᐊᐧᕽ, ᐊᓂᐦᐃ ᐅᑎ ᐁ ᓂᓯᔨᐟ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᕒᐊᐃᑕᐠ; ᓇᒪᐃᐧᔭ ᑭᔭ ᑭᐟ ᐃᓴᐁᐧᑯᒫᐣ ᐁ ᐋᐸᑕᕽ ᐊᐦᐳ ᑭᐟ ᐊᐦᒑᐱ. 13#ᑎᔪᑕᕒᐊᓇᒥ 6:10,11ᑭ ᑭ ᒥᔨᑎᓈᐋᐧᐤ ᒫᑲ ᐊᐢᑭ ᐁᑳ ᐁ ᑭ ᐅᐦᒋ ᐊᑐᐢᑳᑕᒣᐠ, ᒥᓇ ᐅᑌᓇᐊᐧ ᐁᑳ ᐁ ᑭ ᐅᐦᒋ ᐅᓯᐦᑖᔦᐠ, ᐁᑯᓯ ᐁᑯᑕ ᑯᐟ ᐃᐦᑖᐃᐧᓂᓈᐋᐧᐤ; ᐁᑯᓯ ᓱᒥᓂ ᑭᐢᑎᑳᓇ ᒥᓇ ᐋᓬᐃᑊ ᑭᐢᑎᑳᓇ ᐁᑳ ᑳ ᑭ ᑭᐢᑎᑫᔦᐠ ᑯᐦᑕᒋᑳᓈᐋᐧᐤ.
14ᐁᑲᐧ ᒫᑲ ᑯᓯᑫᐧᔨᒥᕽ ᑳ ᑎᐯᔨᐦᒋᑫᐟ, ᒥᓇ ᐊᑐᐢᑳᕽ ᑖᐱᑕᐁᐧᔨᑕᒧᐃᐧᓂᕽ ᒥᓇ ᑖᐯᐧᐃᐧᓂᕽ; ᒥᓇ ᐃᑲᑌᓂᑯᐠ ᐊᓂᑭ ᒪᓂᑐᑳᓇᐠ ᑳ ᑭ ᐊᑐᐢᑲᐋᐧᒋᐠ ᑯᑖᐃᐧᐋᐧᐊᐧᐠ ᐊᑳᒥᓯᐱᕽ, ᒥᓇ ᐃᒋᑊᑎᕽ; ᐁᑯᓯ ᑳ ᑎᐯᔨᐦᒋᑫᐟ ᐊᑐᐢᑫᐢᑖᕽ. 15ᑭᐢᐱᐣ ᒫᑲ ᑭ ᒫᔮᐱᓯᒥᑯᓈᐋᐧᐤ ᑭᑕ ᐊᑐᐢᑲᐋᐧᔦᐠ ᑳ ᑎᐯᔨᐦᒋᑫᐟ, ᐅᔦᔨᑕᒫᓱᐠ ᐊᓄᐦᐨ ᑳ ᑭᓯᑳᐠ ᐊᐁᐧᓇ ᑫ ᐊᑐᐢᑲᐋᐧᔦᐠ; ᑭᐢᐱᐣ ᐊᓂᑭ ᒪᓂᑐᐊᐧᐠ ᑯᑖᐃᐧᐋᐧᐊᐧᐠ ᑳ ᑭ ᐊᑐᐢᑲᐋᐧᒋᐠ ᐊᑳᒥᓯᐱᕽ ᑳ ᑭ ᐊᔮᒋᐠ, ᐊᐦᐳ ᐅ ᒪᓂᑐᒥᐋᐧᐊᐧ ᐋᒪᕒᐊᐃᑕᐠ, ᐅᐟ ᐊᐢᑭᐋᐧᕽ ᑳ ᐊᔮᐋᐧᔦᐠ; ᒫᑲ ᐃᐧᔭ ᓂᔭ ᒥᓇ ᑕᐦᑐ ᓂᑭᕽ ᑳ ᐊᔮᒋᐠ ᑳ ᑎᐯᔨᐦᒋᑫᐟ ᓂ ᑲ ᐊᑐᐢᑲᐋᐧᓈᐣ.
16ᐊᔨᓯᔨᓂᐊᐧ ᒫᑲ ᑭ ᓇᐢᑫᐧᐊᐧᓯᒥᐠ ᒥᓇ ᑭ ᐃᑎᐠ, ᓇᒪᐃᐧᔭ ᑭᑕ ᑭ ᐃᐦᑭᐣ ᑭᑕ ᐁᐧᐱᓈᔮᕽ ᑳ ᑎᐯᔨᐦᒋᑫᐟ ᑯᑕᑲᐠ ᒪᓂᑐᐊᐧᐠ ᑭᑕ ᐊᑐᐢᑲᐋᐧᔮᐦᑭᐠ; 17ᒋᑫᒫ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ, ᐁᐊᐧᑯ ᑳ ᑭ ᐯ ᐊᐧᔭᐃᐧᑕᐦᐃᑯᔮᕽ ᓂᔭᓈᐣ ᒥᓇ ᓄᑖᐃᐧᓈᓇ ᐃᒋᑊᐟ ᐊᐢᑭᕽ ᐅᐦᒋ, ᐊᐊᐧᑳᑎᑯᐃᐧᑲᒥᑯᕽ ᐅᐦᒋ, ᒥᓇ ᑳ ᑭ ᐃᑐᑕᕽ ᐊᓂᐦᐃ ᑭᐦᒋ ᐋᐧᐸᐦᑕᐦᐃᐁᐧᐃᐧᓇ ᐁ ᐋᐧᐸᐦᑕᒫᕽ, ᒥᓇ ᑳ ᑭ ᑲᓇᐁᐧᔨᒥᑯᔮᕽ ᒥᓴᑲᒣ ᑳ ᑭ ᐯ ᐃᑐᐦᑌᔮᕽ, ᒥᓇ ᐃᑕ ᐁ ᐊᔮᒋᐠ ᑲᐦᑭᔭᐤ ᐊᔨᓯᔨᓂᐊᐧᐠ ᒣᑳᐧᐨ ᐃᑕ ᑳ ᑭ ᐯ ᐱᒧᐦᑌᔮᕽ. 18ᑳ ᑎᐯᔨᐦᒋᑫᐟ ᒫᑲ ᑭ ᐊᐧᔭᐃᐧᑎᓴᐁᐧᐤ ᓂ ᓂᑳᓂᒥᓈᕽ ᑲᐦᑭᔭᐤ ᐊᓂᐦᐃ ᐊᔨᓯᔨᓂᐊᐧ, ᐊᓂᑭ ᐅᑎ ᐋᒪᕒᐊᐃᑕᐠ ᑳ ᑭ ᐅᐟ ᐃᐦᑖᐃᐧᓂᒋᐠ ᐁᑯᑕ ᐊᐢᑭᕽ; ᐁᐊᐧᑯ ᐅᐦᒋ ᓂᔭᓈᐣ ᒥᓇ ᓂ ᑲ ᐊᑐᐢᑲᐋᐧᓈᐣ ᑳ ᑎᐯᔨᐦᒋᑫᐟ; ᒋᑫᒫ ᐁᐊᐧᑯ ᓂ ᑭᓭᒪᓂᑐᒥᓈᐣ.
19ᒑᐢᔪᐊ ᒫᑲ ᑭ ᐃᑌᐤ ᐊᓂᐦᐃ ᐊᔨᓯᔨᓂᐊᐧ, ᓇᒪᐃᐧᔭ ᑭ ᑲ ᑭ ᐊᑐᐢᑲᐋᐧᐋᐧᐤ ᑳ ᑎᐯᔨᐦᒋᑫᐟ; ᒋᑫᒫ ᑲᓈᑎᓯᐤ ᑭᓭᒪᓂᑐ; ᒥᓇ ᐅᐦᑌᔨᑕᒧᐃᐧ ᒪᓂᑐᐃᐧᐤ; ᓇᒪᐃᐧᔭ ᑭ ᑲ ᐳᓀᔨᑕᒪᑯᐋᐧᐤ ᑭ ᐊᐧᓂᑐᑕᒧᐃᐧᓂᐋᐧᐊᐧ ᒥᓇ ᑭ ᒪᒋᑐᑕᒧᐃᐧᓂᐋᐧᐊᐧ. 20ᑭᐢᐱᐣ ᐁᐧᐱᓈᔦᑯ ᑳ ᑎᐯᔨᐦᒋᑫᐟ, ᒥᓇ ᐊᑐᐢᑲᐊᐧᔦᑳᐧᐃᐧ ᐱᑐᓯ ᒪᓂᑐᐊᐧᐠ, ᐁᑲᐧ ᑭᑕ ᑫᐧᐢᑭᐤ ᒥᓇ ᑭ ᑲ ᒫᔨᑐᑖᑯᐋᐧᐤ, ᒥᓇ ᑭ ᑲ ᓂᓯᐊᐧᓈᒋᐦᐃᑯᐋᐧᐤ, ᐋᑕ ᓵᓴᐩ ᐁ ᑭ ᒥᔪᑐᑖᑯᔦᐠ. 21ᐊᔨᓯᔨᓂᐊᐧᐠ ᒫᑲ ᑭ ᐃᑌᐊᐧᐠ ᒑᐢᔪᐊ, ᓇᒪᐃᐧᔭ, ᒫᑲ ᑳ ᑎᐯᔨᐦᒋᑫᐟ ᓂ ᑲ ᐊᑐᐢᑲᐊᐧᓈᐣ. 22ᐁᑯᓯ ᒑᐢᔪᐊ ᑭ ᐃᑌᐤ ᐊᔨᓯᔨᓂᐊᐧ, ᑭᔭᐋᐧᐤ ᑭᐟ ᐋᒋᒥᓱᓈᐋᐧᐤ ᐁ ᑭ ᓇᐊᐧᓱᓇᒫᓱᔦᐠ ᑳ ᑎᐯᔨᐦᒋᑫᐟ ᑭᑕ ᐊᑐᐢᑲᐋᐧᔦᐠ. ᑭ ᐃᑌᐧᐊᐧᐠ ᒫᑲ ᓂᐟ ᐋᒋᒥᓱᓈᐣ. 23ᐁᑲᐧ ᒫᑲ ᑭ ᐃᑌᐤ, ᐁᐧᐱᓂᑯᐠ ᐊᓂᑭ ᐱᑐᐢ ᒪᓂᑐᐊᐧᐠ ᑳ ᐊᔮᐋᐧᔦᑯᐠ, ᒥᓇ ᑭᑌᐦᐃᐋᐧᐊᐧ ᐃᑕᐢᑖᐧᕽ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ. 24ᐊᔨᓯᔨᓂᐊᐧᐠ ᒫᑲ ᑭ ᐃᑌᐊᐧᐠ ᒑᐢᔪᐊ, ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᓂ ᑲ ᐊᑐᐢᑲᐋᐧᓈᐣ, ᒥᓇ ᐅᐟ ᐃᑌᐧᐃᐧᐣ ᓂ ᑲ ᓇᑐᐦᑕᒫᐧᓈᐣ. 25ᐁᑯᓯ ᒫᑲ ᒑᐢᔪᐊ ᐃᐧᒋᐦᐃᓯᒋᑫᒥᑐᐃᐧᐣ ᑭ ᐅᓯᐦᑕᒪᐁᐧᐤ ᐊᔨᓯᔨᓂᐊᐧ ᐁᐊᐧᑳᐧᓂᒪ ᐁ ᑭᓯᑳᐠ, ᒥᓇ ᐁᑯᑕ ᓯᑫᒥᕽ ᑭ ᐅᔭᐢᑐᐁᐧᐤ ᑲᑫᐢᑫᐧᐃᐧᐣ ᒥᓇ ᐃᓯᑖᐧᐃᐧᐣ.
26ᒑᐢᔪᐊ ᒫᑲ ᑭ ᒪᓯᓇᐦᐊᒼ ᐅᐦᐃ ᐃᑌᐧᐃᐧᓇ ᐅᔭᓱᐁᐧᐃᐧ ᒪᓯᓇᐦᐃᑲᓂᔨᕽ ᑭᓭᒪᓂᑐᐊᐧ; ᐁᑯᓯ ᑭ ᐅᑎᓀᐤ ᐁ ᒥᐦᒑᐱᐢᑭᓯᔨᐟ ᐊᓯᓂᔭ, ᒥᓇ ᑭ ᒋᒪᔦᐤ ᐁᑯᑕ ᓯᐹ ᒪᐢᑲᐋᐧᑎᑯᕽ ᑳ ᐊᔮᔨᐟ ᒋᑭ ᐅ ᑲᓈᒋᑲᒥᑯᕽ ᑳ ᑎᐯᔨᐦᒋᑫᐟ. 27ᒑᐢᔪᐊ ᒫᑲ ᑭ ᐃᑌᐤ ᑲᐦᑭᔭᐤ ᐊᔨᓯᔨᓂᐊᐧ, ᒫᑎᑲ, ᐊᐊᐧ ᐊᓯᓂ ᑭ ᑲ ᐋᒋᒥᑯᓇᐤ; ᒋᑫᒫ ᑭ ᐯᑕᒼ ᑲᐦᑭᔭᐤ ᐅᐟ ᐃᑌᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᑎᑯᔭᕽ; ᐁᑯᓯ ᒫᑲ ᑭ ᑲ ᐋᒋᒥᑯᐋᐧᐤ, ᐁᑳ ᑭᑕ ᐋᓀᐧᑕᐋᐧᔦᐠ ᑭ ᑭᓭᒪᓂᑐᒥᐋᐧᐤ. 28ᐁᑯᓯ ᒑᐢᔪᐊ ᑭ ᓯᐯᐧᑎᓴᐁᐧᐤ ᐊᔨᓯᔨᓂᐊᐧ, ᑲᐦᑭᔭᐤ ᐊᐃᐧᔭ ᐅ ᑎᐯᔨᒋᑲᓂᔨᕽ.
29ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ ᐅᐦᐃ, ᒑᐢᔪᐊ ᐅᑯᓯᓴ ᓇᐣ, ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑭ ᐳᓂ ᐱᒫᑎᓯᐤ, ᒥᑖᐦᑐᒥᑕᓇᐤ ᒥᑖᑕᐦᐟ ᐊᔨᐋᐧᐠ ᐁ ᐃᑕᐦᑐᐱᐳᓀᐧᐟ. 30#ᒑᐢᔪᐊ 19:49,50ᑭ ᓇᐦᐃᓀᐊᐧᐠ ᒫᑲ ᐁ ᑭᓯᐱᐊᔮᔨᐠ ᐅ ᑎᐱᔨᒋᑲᐣ ᐊᓂᑕ ᑎᒼᓈᐦᐟ ᓯᕒᐊ, ᑳ ᐊᔮᐠ ᐁ ᐊᐧᒋᐊᐧᕽ ᐃᐸᕒᐁᐃᒼ, ᑭᐁᐧᑎᓄᕽ ᐃᑌᐦᑫ ᑫᐋᐢ ᐊᐧᒋ. 31ᐃᐢᕒᐁᐃᓬ ᒫᑲ ᑭ ᐊᑐᐢᑲᐁᐧᐊᐧᐠ ᑳ ᑎᐯᔨᐦᒋᑫᔨᐟ ᒣᑳᐧᐨ ᑭᓯᑳᐊᐧ ᒑᐢᔪᐊ ᐁ ᐱᒫᑎᓯᐟ, ᒥᓇ ᒣᑳᐧᐨ ᑭᓯᑳᐊᐧ ᐁ ᐱᒫᑎᓯᔨᐟ ᑳ ᓂᑳᓀᔨᑖᑯᓯᔨᐟ ᑳ ᑳᓯᐢᐳ ᐱᒫᑎᓯᔨᐟ ᒑᐢᔪᐊ ᐁ ᓂᐱᐟ, ᑳ ᑭ ᑭᐢᑫᔨᑕᒥᔨᐟ ᑲᐦᑭᔭᐤ ᐅᐟ ᐊᑐᐢᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑳ ᑭ ᐃᑐᐦᑌᐢᑕᒪᐋᐧᐟ ᐃᐢᕒᐁᐃᓬᐊ.
32 #
ᒉᓂᓯᐢ 33:19; 50:24,25; ᐁᐠᓴᑕᐢ 13:19; ᒑᐣ 4:5; ᐃᓯᐦᒋᑫᐃᐧᓂᐋᐧᐊᐧ 7:16 ᒍᓯᑊ ᒫᑲ ᐅᐢᑲᓇ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᑭ ᐯᑖᐋᐧᒋᐠ ᐃᒋᑊᑎᕽ ᐅᐦᒋ, ᑭ ᓇᐃᓇᒪᐧᐠ ᐊᓂᑕ ᓯᑫᒥᕽ, ᐊᓂᑕ ᐊᐢᑭᑳᓂᕽ ᒉᑲᑊ ᑳ ᑭ ᐊᑖᒫᐟ ᐅᑯᓯᓯᔨᐊᐧ ᐦᐁᒪᕒ ᐅᑖᐃᐧᔭ ᓯᑫᒼ ᒥᑖᐦᑐᒥᑕᓇᐤ ᑕᐦᑖᐧᐱᐢᐠ ᓱᓂᔮᐊᐧ ᐁ ᑎᐸᐊᕽ; ᐁᑯᓯ ᐁᐊᐧᑫᐧᔨᐤ ᑭ ᐅ ᑎᐯᔨᒋᑲᓂᐊᐧᐠ ᒍᓯᑊ ᐅᐟ ᐊᐋᐧᓯᒥᓴ. 33ᐁᓬᐃᐁᓴᕒ ᒫᑲ ᐅᑯᓯᓴ ᐁᕒᐊᐣ ᑭ ᐳᓂ ᐱᒫᑎᓯᐤ; ᐁᑯᓯ ᑭ ᓇᐦᐃᓀᐊᐧᐠ ᐅ ᐊᐧᒋᒥᔨᕽ ᐅᑯᓯᓴ ᐱᓂᔮᐢ ᑳ ᑭ ᒥᔨᐦᐟ ᐁ ᐊᐧᒋᐊᐧᕽ ᐃᐸᕒᐁᐃᒼ.
Currently Selected:
ᒑᐢᔪᐊ 24: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
